Gujarati News

Gujarati News

News of Wednesday, 8th January 2020

સોનામાં ૧૦ ગ્રામે ૪૫૦ રૂ.નો ઉછાળો

ઈરાને અમેરિકા પર હુમલો કરતા ભાવમાં ભડકોઃ સોનાના ભાવ વધીને ૪૧૬૦૦ થયાઃ ચાંદીના ભાવ સ્થિર

રાજકોટ, તા. ૮ :. ઈરાને અમેરિકા પર હુમલો કરતાની સાથે જ સોનાના ભાવમાં ભડકો થયો છે. આજે સોનામાં ૧૦ ગ્રામે વધુ ૪૫૦ રૂ.નો ઉછાળો થતા સોનાના ભાવ ૪૧૬૦૦ રૂ.ની સપાટીએ પહોંચી ગયા છે.

સ્થાનિક બજારમાં ઈરાને અમેરિકા પર હુમલા કર્યાના અહેવાલે સોનાના ભાવમાં ૪૫૦ રૂ.નો ઉછાળો થયો હતો. ગઈકાલે સોનુ સ્ટાન્ડર્ડ (૧૦ ગ્રામ) હાજરના ભાવ ૪૧૧૫૦ રૂ. હતા તે વધીને આજે બપોરે ૨ વાગ્યે ૪૧૬૦૦ રૂ. થઈ ગયા હતા. સોનાના બિસ્કીટમાં એક જ ઝાટકે ૪૫૦૦ રૂ.નો ઉછાળો થતા સોનાના બિસ્કીટ (૧૦૦ ગ્રામ)ના ભાવ ૪૧૬૦૦૦ની સપાટીએ પહોંચ્યા હતા. જો કે ચાંદીના ભાવમાં બપોર સુધી કોઈ વધઘટ ન હતી.

અત્રે એ નોંધનીય છે કે ઈરાન અને અમેરિકા વચ્ચે તંગ સ્થિતિના પગલે છેલ્લા ૫ દિવસમાં સોનામાં ૨૫૦૦થી ૩૦૦૦ રૂ.નો ઉછાળો થઈ ગયો છે અને આગામી દિવસોમાં હજુ પણ ભાવો વધે તેવી શકયતા છે.

(3:16 pm IST)
  • ઈરાને આજે અમેરીકન મથકો ઉપર હુમલો કરતા ભારતનો રૂપિયો ડોલર સામે ૨૦ પૈસા તૂટી ગયો છે અને આજે સવારે ૧ ડોલર = રૂ.૭૨.૦૨ પૈસા રહ્યો હતો access_time 1:01 pm IST

  • 27 ઉદ્યોગપતિઓને મળ્યા સીએમ ઉદ્ધવ ઠાકરે : કહ્યું મહારાષ્ટ્રને આગળ લાવવું છે :ઉદ્યોગપતિઓને પરેશાન થવા દઈશું નહીં : રોકાણ માટે બહેતર માહોલ બનાવશું : સમસ્યાના ઉકેલની આપી ખાતરી access_time 1:25 am IST

  • રાજયના વિવિધ ગંભીર પ્રશ્નોની રજૂઆત માટે વિપક્ષી નેતા પરેશ ધાનાણી કોંગ્રેસનંુ પ્રતિનિધિ મંડળ રાજયપાલને મળશે : પરેશ ધાનાણીના નિવાસસ્થાને ધારાસભ્યો એકઠા થયા : ખેડૂતોને પાકવિમા, સરકારી શાળાઓ બંધ કરવાના મામલે અને નવજાત શિશુઓના મોત તેમજ મંદી, મોંઘવારી, બેરોજગારી, ખેડૂતોને દેવામાફી સહિતના મુદ્દાઓ લઈને રાજયપાલ આચાર્ય દેવવ્રત સાથે મુલાકાત કરશે access_time 5:18 pm IST