Gujarati News

Gujarati News

News of Wednesday, 8th January 2020

ઈરાનનો દાવો - US એરબેઝ પર મિસાઇલ હુમલામાં ૮૦ 'અમેરિકન આતંકીઓ'નાં મોત

ઈરાનની અર્ધ સરકારી ન્યૂઝ એજન્સીએ અમેરિકન એરબેઝ પર છોડવામાં આવેલા રોકેટસનો કથિત વીડિયો જાહેર કર્યો છે

બગદાદ, તા.૮:  બુધવાર સવારે ઈરાન એ ઈરાક સ્થિત અમેરિકન એરબેઝ  પર અનેક મિસાઇલોથી હુમલો કરી દીધો. ઈરાન દ્વારા ઈરાક સ્થિત અલ અસદ  અમેરિકન એરબેઝ પર આ હુમલો ઈરાની જનરલ કાસિમ સુલેમાનીના અમેરિકા હુમલામાં મોતના બદલા તરીકે થયો છે.

આ હુમલામાં અલ અસદ અને ઇરબિલનાં બે સૈન્ય ઠેકાણે થયો છે. ઈરાન પ્રેસ ટીવીનાં રિપોર્ટમાં દાવો કરવામાં આવ્યો છે કે અમેરિકી એરબેઝ પર કરાયેલા હુમલામાં ૮૦ સૈનિકોનાં મોત થયા છે.

ઈરાને કાસિમ સુલેમાનીના મોત બાદ તેનો બદલો લેવાની વાત કહી હતી. ઈરાનની અર્ધ સરકારી ન્યૂઝ એજન્સી ફાર્સ ન્યૂઝ એજન્સીએ ઇરાને અમેરિકન એરબેઝ પર છોડેલા રોકેટ્સનો કથિત વીડિયો જાહેર કર્યો છે. સમાચાર એજન્સીએ ઈરાકમાં અમેરિકન એરબેઝ અલ અલદ પર થયેલા મિસાઇલ હુમલાને ઈરાન દ્વારા કાસિમ સુલેમાનીના મોતના બદલાની શરૂઆત ગણાવી છે.સીએનએન ન્યૂઝે એક વરિષ્ઠ અમેરિકન અધિકારીનું નિવેદન લીધું છે. જેમાં આ હુમલાની પુષ્ટિ કરવામાં આવી છે. અધિકારીએ કહ્યું છે કે ઈરાક સ્થિત અમેરિકન એરબેઝને મિસાઇલ હુમલાથી નિશાન બનાવવામાં આવ્યું છે.

વ્હાઇટ હાઉસ તરફથી જાહેર નિવેદનમાં કહેવામાં આવ્યું છે કે અમેરિકન રાષ્ટ્રપતિ ડોનાલ્ડ ટ્રમ્પને આ હુમલાની જાણકારી આપી દેવામાં આવી છે અને ઘટનાઓ પર સતત નજર રાખવામાં આવી રહી છે.

(4:08 pm IST)
  • ટ્રેઝરી કચેરીનું પગાર બીલનું સર્વર ત્રણ દિ'થી ઠપ્પ : તમામ ચેકો અટકયાઃ પગારદારો-બીલ મૂકનારામાં દેકારોઃ મોટો ટેકનીકલ ફોલ્ટને કારણે રાજકોટની તિજોરી કચેરીનું પગાર બીલનું સર્વર ત્રણ દિ'થી ઠપ્પ : તમામ ચેકો અટકયા પગારદારો-બીલ મૂકનારામાં દેકારો : બીલ અંગેની કામગીરી ઠપ્પ : ગાંધીનગર પણ જાણ કરાઇ : ફોલ્ટ નિવારવા મથામણ.. access_time 3:58 pm IST

  • 27 ઉદ્યોગપતિઓને મળ્યા સીએમ ઉદ્ધવ ઠાકરે : કહ્યું મહારાષ્ટ્રને આગળ લાવવું છે :ઉદ્યોગપતિઓને પરેશાન થવા દઈશું નહીં : રોકાણ માટે બહેતર માહોલ બનાવશું : સમસ્યાના ઉકેલની આપી ખાતરી access_time 1:25 am IST

  • ઈરાન, અમેરિકા સાથેના તણાવને ઘટાડવા માટે ભારત દ્વારા થનાર કોઈ પણ શાંતિ પહેલને આવકારશે : ભારતના ઈરાન રાજદૂત, અલી ચેગેની access_time 1:35 pm IST