Gujarati News

Gujarati News

News of Wednesday, 8th January 2020

મોટી મંદીની નજીક જઇ રહ્યું છે ભારત

નોબેલ વિજેતા અભિજીત બેનર્જીની ચેતવણી : માંગને પ્રોત્સાહન આપવું જરૂરી

નવી દિલ્હી તા.૮: ડામાડોળ અર્થવ્યવસ્થા અંગે નોબેલ પુરસ્કાર વિજેતા અભિજીત બેનર્જીએ ચેતવણી આપી છે કે આપણો દેશ મોટી મંદીની બહુ જ નજીક છે.૧૯૯૧ના આર્થિક સંકટ સાથે ધીમા વિકાસ દરની સરખામણી કરતા તેમણે સુચન કર્યુ હતું છે કે વિકાસ દરને બરાબર કરવા માટે માંગ (ડીમાન્ડ)ને પ્રોત્સાહન આપવા પર આપણે ભાર મુકવો પડશે.

ઇન્ડીયન એકસપ્રેસના ''એકસપ્રેસર અડ્ડા'' કાર્યક્રમ દરમ્યાન તેમણે આ વાતો કહી હતી. તેમણે જણાવ્યું કે ભારતીય અર્થ વ્યવસ્થાની મુખ્ય મુશ્કેલી માંગ સાથે સંકળાયેલી છે. કોર્પોરેટ ટેક્ષમાં કાપ અંગેના કેન્દ્રના નિર્ણય પર તેમણે કહ્યું કે મને નથી લાગતું કે આ પગલુ અર્થવ્યવસ્થાને બચાવી શકશે. કોર્પોરેટ સેકટરમાં નાણાની કોઇ અછત નથી અને તેઓ તેનો ઉપયોગ યોગ્ય રીતે નથી કરી રહ્યા.

(11:41 am IST)
  • આજે બપોરે જમ્મુ - કાશ્મીરના શ્રીનગરના હ્બાક ચૌક પર આતંકીઓએ ગ્રેનેડ હુમલો કર્યો હતો જેમાં એક નાગરિક ગંભીર રીતે ઘાયલ થયો હતો. આતંકીઓને પકડવા પોલીસ અને સેના ના જવાનોએ ચારે બાજુ ઘેરાબંધી કરી હોવાનું જાણવા મળે છે. access_time 3:12 pm IST

  • નાગરિકતા સંશોધન કાયદાના સમર્થનમાં ઉતરી અભિનેત્રી જુહી ચાવલા : બોલીવુડની અનેક હસ્તીઓએ સીએએ અને એનસીઆરનો વિરોધ કર્યો છે : દીપિકા પાદુકોણની જેએનયુની મુલાકાત બાદના વિવાદ વચ્ચે અભિનેત્રી જુહી ચાવલાએ ભાજપ સમર્થિત એક વિરોધ પ્રદર્શનમાં ભાગ લીધો : જુહીએ કહ્યું કે આપણામાંથી એવા કેટલા લોકોક હહે જૉ છેલ્લા પાંચ વર્ષમાં એકદિવસની પણ છૂટી લીધી નથી: એક આપણા વડાપ્રધાન છે છે સતત દેશને આગળ લાવવા પ્રયાસ કરે છે access_time 10:54 pm IST

  • 27 ઉદ્યોગપતિઓને મળ્યા સીએમ ઉદ્ધવ ઠાકરે : કહ્યું મહારાષ્ટ્રને આગળ લાવવું છે :ઉદ્યોગપતિઓને પરેશાન થવા દઈશું નહીં : રોકાણ માટે બહેતર માહોલ બનાવશું : સમસ્યાના ઉકેલની આપી ખાતરી access_time 1:25 am IST