Gujarati News

Gujarati News

News of Wednesday, 8th January 2020

ઈરાની જનરલ કાસીમ સુલેમાનીના જનાજામાં ભાગદોડ મચી : ૩૫ મોત થયા

૧૦ લાખથી લોકો જનાજામાં ઉમટી પડ્યા : જનશૈલાબ વચ્ચે ભાગદોડ મચતા ૪૮થી વધુ લોકો ઘાયલ ગૃહનગરમાં દફનવિધિ કરવામાં આવી : તમામ પહોંચ્યા

કરમાન, તા. ૭ : ઇરાનના જનરલ કાસીમ સુલેમાનીના જનાજામાં જોરદાર ભાગદોડ મચી જતાં ઓછામાં ઓછા ૩૮ લોકોના મોત થયા છે જ્યારે ૪૮થી વધુ લોકો ઘાયલ થયા છે. અહેવાલ મળ્યા છે કે, સુલેમાનીના શહેર કરમાનમાં આ ભાગદોડ મચી ગઈ હતી જ્યાં સુલેમાનીના જનાજાના જુલુસમાં ૧૦ લાખથી પણ વધારે લોકો ઉમટી પડ્યા હતા. ઇરાકના બગદાદમાં અમેરિકી ડ્રોન હુમલામાં માર્યા ગયેલા લોકપ્રિય સૈન્ય કમાન્ડર કાસીમ સુલેમાનીની દફનવિધિ કરવામાં આવી ચુકી છે. ઇરાકના અમેરિકાના ડ્રોન હુમલામાં તેમનું મોત થયું હતું. રિવોલ્યુશનરી ગાર્ડની વિદેશી શાખાના કમાન્ડરના ગૃહનગરમાં લાખોની સંખ્યામાં લોકો પહોંચ્યા હતા. તહેરાન, કોમ, મશહદ, અહવાઝમાં પણ લોકો જાહેર માર્ગો ઉપર ઉમટી પડ્યા હતા.

            મોટી સંખ્યામાં લોકો સ્વતંત્રતા શોક ઉપર જમા થયા હતા જ્યાં રાષ્ટ્રીય ધ્વજમાં લપેટાયેલી બે કોફિન મુકવામાં આવી હતી. એક કોફિનમાં સુલેમાની અને બીજી કોફિનમાં સાથી બ્રિગેડિયર જનરલ હુસૈન પુર જાફરી રહ્યા હતા. શ્રદ્ધાંજલિ આપવા માટે મોટી સંખ્યામાં લોકો પહોંચ્યા હતા. અમેરિકી પ્રમુખ ડોનાલ્ડ ટ્રમ્પના આદેશ ઉપર શુક્રવારે બગદાદ નજીક ભીષણ હવાઈ હુમલા કરવામાં આવ્યા હતા. આ ડ્રોન હુમલામાં સુલેમાની અને અન્ય લોકોના મોત થયા હતા. હુમલા બાદ ઇરાન અને અમેરિકા વચ્ચે તંગદિલી વધી ગઈ છે અને ઇરાન બદલો લેવા માટે તૈયાર છે. સુલેમાનીને બે વાગ્યાથી લઇને ચાર વાગ્યા વચ્ચે દફનવિધિ કરવાની પ્રક્રિયા હાથ ધરાઈ હતી. ઇરાનના સર્વોચ્ચ લીડર અયાતુલ્લા અલી ખામનેઈ પણ દફનવિધિ વેળા રડી પડ્યા હતા. બીજી બાજુ સુલેમાનીની પુત્રી જેનબે કહ્યું છે કે, તેમના પિતાના મોતથી હવે અમેરિકા અને ઇઝરાયેલ માટે ખરાબ દિવસો શરૂ થશે.

(12:00 am IST)
  • ટ્રેઝરી કચેરીનું પગાર બીલનું સર્વર ત્રણ દિ'થી ઠપ્પ : તમામ ચેકો અટકયાઃ પગારદારો-બીલ મૂકનારામાં દેકારોઃ મોટો ટેકનીકલ ફોલ્ટને કારણે રાજકોટની તિજોરી કચેરીનું પગાર બીલનું સર્વર ત્રણ દિ'થી ઠપ્પ : તમામ ચેકો અટકયા પગારદારો-બીલ મૂકનારામાં દેકારો : બીલ અંગેની કામગીરી ઠપ્પ : ગાંધીનગર પણ જાણ કરાઇ : ફોલ્ટ નિવારવા મથામણ.. access_time 3:58 pm IST

  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST

  • ભગવાનના નામ પર હેવાન બનેલા ભાઈએ માઁ દુર્ગાને ચડાવી 12 વર્ષની સગીર બહેનની બલી : 2018માં પણ આહુતિ મર્ડર કેસમાં ઝડપાયો હતો : ઓડિસાના બોલગીર જિલ્લાના હેવાન શુભોબનની ધરપકડ : ભાઈ સાથે 12 વર્ષની બહેન જનાની રાના નજીકના નૌપાડા જિલ્લાના ખૈરિયારમાં ગઈ હતી પરંતુ પરત નહીં ફરતા ગામલોકોએ પોલીસ સ્ટૅશનને ઘેરીને સગીરાના ભાઈ પર જ શંકા વ્યક્ત કરતા હેવાન ભાઈની ધરપકડ કરતા તેને પોતાની બહેનની બાલી ચડાવ્યાનું કબુલ્યું access_time 1:15 am IST