Gujarati News

કાશ્મીરમાં ડિસેમ્બર એન્ડથી જાન્યુઆરીમાં ૪૦ દિવસની ભયાનક ઠંડીની મોસમ હજુ શરૂ થઇ નથી ત્યાં જ કાશ્મીરીઓ ઠંડીથી ચિલ્લાઇ રહયા છે. આથી ચિલ્લાઇ કલાન-ચિલ્લેકલા દરમિયાન આ વર્ષે વધુ ભયાનક ઠંડી પડશે તેમ મનાય છે. આતંકવાદીઓની ગતિવિધિઓ ઉપર આ મહાકાતિલ ઠંડીથી બ્રેક લાગી જશે. ૨૧-૨૨ ડીસેમ્બરની રાતથી ઠંડીની અસ્સલ મૌસમ કાશ્મીરમાં શરૂ થાય છે અને ૪૦ દિવસ આ ઠંડી ચાલે છે. આ વખતે ઘણા વર્ષો પછી બર્ફ-બારી હીમવર્ષા સમયસર થઇ છે. ૪૦ દિવસના ચિલ્લેકલા પછી ચિલ્લે ખુર્દ અને પછી ચીલ્લે બચ્ચાનો દોર આવે છે. ૧૯૮૬માં કાશ્મીરમાં ચિલ્લેકલાં સમયે માઇનસ ૯ ડિગ્રી સુધી ગયેલ. ગયા વર્ષે અમે (કિરીટભાઇ-પીપળીયા-શૈલેષ) કાશ્મીર ગયેલ ત્યારે પણ ૪ થી ૬ ડીગ્રી માઇનસ ઉ.માનમાં અમે ફર્યા હતા. કાશ્મીરીઓ માટે આ સમય ભારે પરેશાનીનો રહે છે. બરફ વર્ષાને લીધે વારેવાર હાઇવે બંધ થઇ જાય છે. અને ખાવાપીવાની ચીજો ભારે અછત સર્જાય છે.