Gujarati News

Gujarati News

News of Friday, 6th December 2019

ભાજપના સાંસદ સાક્ષી મહારાજે જેલમાં બંધ દુષ્કર્મના આરોપી ભાજપ ધારાસભ્ય કુલદીપ સેંગરને આપી જન્મદિનની શુભેચ્છા

આરોપીઓની તરફેણમાં કાયદો ઘડનારા ઉભા રહી જશે, તો પછી ગુનેગારો સામે લડવાની હિંમત કોણ આપશે?: પ્રિયંકા ગાંધી

 

નવી દિલ્હી : ઉન્નાવમાં જે દિવસે દુષ્કર્મની પીડિત યુવતીને જીવતી સળગાવી દેવામાં આવી હતી, તે દિવસે ભાજપનાં સાંસદ સાક્ષી મહારાજ જેલમાં બંધ ધારાસભ્ય કુલદીપસિંહ સેંગરને જન્મદિવસની શુભેચ્છા પાઠવી રહ્યા હતા, જે એક દુષ્કર્મનાં કેસનો આરોપી છે. ટ્વિટર પર સેંગરને જન્મ દિવસની શુભકામનાઓ પાઠવ્યા બાદ સાક્ષી મહારાજ લોકોનાં નિશાના પર આવ્યા છે. પહેલા સાક્ષી મહારાજ લોકસભાની ચૂંટણી 2019 માં ઉન્નાવ સંસદીય બેઠક જીત્યા બાદ આરોપી કુલદીપસિંહ સેંગરને મળવા જેલમાં ગયા હતા.

 સાક્ષી મહારાજે પોતાના ટ્વિટમાં લખ્યું છે કે, સુદિનમ સુદિનમ જન્મદિનમ તવ, ભવતુ મંગલમ જન્મદિનમ. ચિરંજીવ કુરુ પુણ્યવર્ધનમ્, વિજયી ભવ સર્વત્ર સર્વદા, જગતિ ભવતુ તવ સુયશો ગાનમ્. કુલદીપસિંહ સેંગર ધારાસભ્યનાં બાંગરમાઉને જન્મદિવસની શુભેચ્છાઓ. પોતાના ટ્વીટ પર સાક્ષી મહારાજ વિરોધી પક્ષોનાં આક્રમણમાં આવી ગયા છે.

 કોંગ્રેસ મહાસચિવ પ્રિયંકા ગાંધીએ ટ્વીટ કરીને લખ્યું છે કે, 'ભાજપનાં ધારાસભ્યો દુષ્કર્મનાં આરોપી ભાજપનાં નેતાને અભિનંદન સંદેશા મોકલી રહ્યા છે.' ગઈકાલે ઉન્નાવમાં એક દુષ્કર્મ પીડિતાને આરોપીઓએ જીવતી સળગાવવાનો પ્રયત્ન કર્યો હતો. જ્યારે આરોપીઓની તરફેણમાં કાયદો ઘડનારા ઉભા રહી જશે, તો પછી ગુનેગારો સામે લડવાની હિંમત કોણ આપશે?

(12:21 am IST)
  • વિશ્વની 10 પાવરફુલ ભાષાઓમાં ઇંગલિશ પ્રથમ નંબરે,ત્યારબાદ ફ્રેન્ચ, મેન્ડેરીએન, સ્પેનિશ, રશિયન, અરેબિક, જર્મન, જાપાનીઝ, પોર્ટુગીઝ અને દસમા નંબરે હિન્દી આવે છે access_time 10:06 pm IST

  • દિલ્હીના મુખ્યમંત્રી કેજરીવાલે કહ્યું છે કે દિલ્હી વિધાનસભાની ચૂંટણીઓમાં ભાજપનું સ્લોગન 'અબકી બાર 3 પાર' રહેશે( ભાજપ પાસે અત્યારે ૪ બેઠક છે), જ્યારે "આપ"નું સ્લોગન 'અબકી બાર 67 પાર access_time 10:00 pm IST

  • રાત્રે 11-40 કલાકે ઉન્નાવ ગેંગરેપ પીડીતાએ અંતિમ શ્વાસ લીધા:પીડિતા દેશની રાજધાની દિલ્હીના સફદરજંગ હોસ્પિટલમાં ખુબ જ નાજુક સ્થિતિમાં વેન્ટિલેટર પર હતી : ડોક્ટરોએ હરસંભવઃ કોશિશ કરી પરંતુ નિષ્ફ્ળ રહ્યાં : રાત્રે 8-30 બાદ પીડિતાની સ્થિતિ ખુબ જ ખરાબ બની હતી:હૈદરાબાદ ગેંગરેપના આરોપીઓનું આજે એન્કાઉન્ટર થયું જયારે ઉન્નાવ ગેંગરેપ પીડિતાને અપરાધીઓએ સળગાવી નાખી હતી : 20 વર્ષીય પીડિતાને લખનૌ હોસ્પિટલમાંથી ગ્રીન કોરિડોર બનાવી દિલ્હીમાં સારવાર માટે લવાઈ હતી access_time 1:09 am IST