Gujarati News

Gujarati News

News of Friday, 7th December 2018

વિજય માલ્યાને તમાચો : સુપ્રિમ કોર્ટે ઇડીની કાર્યવાહી ઉપર સ્ટે મુકવાની અરજી ફગાવી દીધી

૯૦૦૦ કરોડના કૌભાંડીને ભારત લાવવાની પ્રક્રિયા વેગમાં

નવી દિલ્હી તા. ૭ : વિજય માલ્યાને તેને ભાગેડુ આર્થિક અપરાધી ઘોષિત કરવા માટે મુંબઇની કોર્ટમાં ચાલી રહેલી કાર્યવાહીને પડકારતી અરજી પર સુપ્રીમ કોર્ટે ઇડીને નોટીસ ફટકારી છે.

પ્રધાન ન્યાયાધીશ રંજન ગોગોઇ અને ન્યાયમૂર્તિ એસ.કે.કૌલની પીઠે અરજી પર તપાસ એજન્સી પાસેથી જવાબ માંગ્યો. ધન સંશોધન રોકથામ કાયદા હેઠળ વિશેષ કોર્ટમાં ચાલી રહેલી સુનાવણી વિરૂધ્ધ અરજી દાખલ કરવામાં આવી છે. ઇડીએ વિશેષ કોર્ટને લંડનમાં રહેતા ઉદ્યોગપતિ માલ્યાને ભાગેડુ આર્થિક અપરાધી અધિનિયમ, ૨૦૧૮ હેઠળ ભાગેડુ આર્થિક ઘોષિત કરવાની માંગ કરી હતી. માલ્યાની અરજી પર સુપ્રીમ કોર્ટે નોટીસ ફટકારી પરંતુ મુંબઇની વિશેષ કોર્ટમાં ચાલી રહેલી કાર્યવાહી પર રોક લગાવાની મનાઇ કરી.

મુંબઇ હાઇકોર્ટે હાલમાં માલ્યાની અપીલ ફગાવી દીધી હતી. ત્યારબાદ માલ્યાએ હાઇકોર્ટના આદેશ વિરૂધ્ધ અરજી દાખલ કરી હતી. ઉલ્લેખનીય છે કે, માલ્યાએ સુપ્રીમ કોર્ટમાં દાખલ કરેલી અરજીમાં કહ્યું હતું કે, સંપત્તિઓને જપ્ત કરવાની કાર્યવાહી પર રોક લગાવામાં આવે. બોમ્બે હાઇકોર્ટે ૨૨ નવેમ્બરે માલ્યાની અરજીને ફગાવી દેવામાં આવી હતી. જેમાં કોર્ટે ઇડીની કાર્યવાહીને ચાલુ રાખવા કહ્યું હતું. ઇડીએ માલ્યાને આર્થિક અપરાધી ઘોષિત કરવાની માંગ કરી છે.

ઇડીનું કહેવું છે કે, માલ્યાને ભાગેડુ આર્થિક અપરાધી ઘોષિત કરવામાં આવે અને તેની સંપત્તિ જપ્ત કરવામાં આવે. એટલું જ નહિ એફઇઓ કાયદાની જોગવાઇ હેઠળ નિયંત્રણમાં લાવવામાં આવે.(૨૧.૨૩)

(3:45 pm IST)
  • ગીરસોમનાથ :તાલાલાના બોરવાવ ગામે પીતાની નજર સામે 8 વર્ષના પૂત્ર પર દિપડાએ કર્યો હુમલો:પિતાએ દીપડાનો પીછો કરતા ઇજાગ્રસ્ત પૂત્રને છોડી દીપડો નાસી છુટ્યો :વનવીભાગે બે પીંજરા મૂકતા હુમલાખોર દીપડો ઝડપાયો access_time 3:30 pm IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST

  • સુરત :મેમો ગેમને લઈ DEO કચેરીનો નિર્દેશ જિલ્લા શિક્ષણાધિકારીએ સ્કૂલને આપ્યા નિર્દેશ :મેમો જેવી ઓનલાઈન ગેમથી વિદ્યાર્થીઓ દૂર રહે :મેમો, બ્લ્યુવહેલ જેવી ગેમો લઈ રહી છે લોકોનો જીવ access_time 3:29 pm IST