Gujarati News

Gujarati News

News of Friday, 7th December 2018

દુનિયાનાં સૌથી વયસ્ક, ૧૦૭ વર્ષનાં યુટયુબર માજીનું અવસાન થયું

હૈદ્રાબાદ, તા.૭: આંધ્ર પ્રદેશના ગંટુર ગામમાં રહેતાં ૧૦૭ વર્ષનાં મસ્તન્નમા તરીકે જાણીતાં યુટયુબર માજીએ પોતાની કુકિંગ-સ્ટાઇલથી પોતાના પરિવાર કે ગામનાં લોકોનાં જ નહીં, દેશ અને વિદેશના લોકોનાં દિલ પણ જીતી લીધાં હતાં. જોકે આ માજીનું તાજેતરમાં નિધન થયું હતું. મસ્તન્નમાની યુટયુબ પર કન્ટ્રી ફૂડસ નામની ચેનલ ચાલે છે અને એના બાર લાખની વધુ સબસ્ક્રાઇબર્સ પણ છે. ૨૦૧૬માં આ ચેનલ શરૂ થઇ હતી. વાત એમ હતી કે તેમના દૂરના એક સંબંધી લક્ષ્મણ અને તેના દોસ્તો હૈદરાબાદથી આવ્યા ત્યારે તેમણે રીંગણીની સબ્ઝી બનાવીને આપી. આ દોસ્તોએ માજી જયારે ચૂલા પર ખાવાનું બનાવી રહ્યાં હતાં એ ઘટનાને વિડિયો ઉતારેલો જેને એડિટ કરીને તેમણે યુટયુબ પર અપલોડ કર્યો. પહેલા જ વિડિયોને ૭૫,૦૦૦થી વધુ વ્યુઝ મળતાં મસ્તનમ્માની ચેનલ શરૂ કરવામાં આવી. એ પછી તો વિલેજ-સ્ટાઇલ () ચિકન, વોટરમેલન ચિકન કરી, કબાબ જેવી ચીજોના વિડિયો વર્લ્ડ ફેમસ થઇ ગયા.

માજીનાં લગ્ન ૧૧ વર્ષની ઉંમરે થઇ ગયેલાં. તેમને પાંચ સંતાનો હતાં એમાંથી હાલમાં માત્ર એક જ સંતાન જીવિત છે. બાવીસ વર્ષની ઉંમરે પતિ મૃત્યુ પામ્યા એ પછી તેમણે લોકોને ત્યાં ખાવાનું બનાવીને સંતાનોને મોટાં કર્યા હતાં. સી-ફૂડ બનાવવામાં મસ્તનમ્મા માહોર હતાં. ગુંટરમાં નદીની પાસે જ તેઓ રહેતાં હતાં. તેમની ખાવાનું બનાવવાની અત્યંત દેશી સ્ટાઇલ  લોકોને બહુ પસંદ હતી. છેલ્લા છ મહિનાથી તેમનાથી યુટયુબ ચેનલ પર એક પણ વિડિયો અપલોડ થયો નહોતો. તેમના ફેન્સને ચિંતા હતી કે માજીનું સ્વાસ્થ્ય તો સારું હશેને? સોમવારે આ ચેનલ પર તેમના મૃત્યુના સમાચાર સાથે તેમની જીવનસફર વર્ણવતો વિડિયો પણ અપલોડ કરવામાં આવ્યો હતો.

(3:44 pm IST)
  • અમરેલી જિલ્લાના બગસરાના સુડાવડ ગામની સીમમાંથી બાળકને ઉઠાવી જનાર દીપડાએ બળદનો શિકાર કર્યો છેચાર દિવસ વીત્યા બાદ હજુ બાળકના અવશેષો પણ વનવિભાગને હાથ લાગ્યા નથી......વનવિભાગે દીપડાને પકડવા પાંજરું મૂક્યું હોવા છતાં દીપડો વનવિભાગને આપી રહ્યો છે ખો.....બાળક બાદ બળદનો શિકાર થતા ફરી વનવિભાગે સક્રિય થયું છે જ્યારેદીપડાના ખોંફથી ખેડૂતોમાં ફફડાટ વ્યાપી ગયો છે access_time 3:57 pm IST

  • અમદાવાદ :વડાપ્રધાન નરેન્દ્રભાઈ મોદી વાઈબ્રન્ટ સમિટ પહેલા જાન્યુઆરીમાં ગુજરાત પ્રવાસે આવે તેવી શક્યતા :સરદાર પટેલ ઇન્સ્ટીટયુટ ઓફ રીસર્ચના ઉદ્ઘાટન પ્રસંગે આવી શકે છે ગુજરાત access_time 3:16 pm IST

  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST