Gujarati News

Gujarati News

News of Friday, 7th December 2018

દેશમાં બે તૃત્યાંશ ગ્રેજ્યુએટ મહિલાઓ બેકાર

રોજગારમાં મહિલાઓની ભાગીદારી ૪૮% થાય તો વિકાસ દર ૧૦% સુધી પહોંચી શકે

નવી દિલ્હી તા. ૭ : દેશની ઉચ્ચ શૈક્ષણિક સંસ્થાઓમાંથી ગ્રેજ્યુએશન પુરૃં કર્યા પછી દેશની બે તૃત્યાંશ મહિલાઓ બેરોજગાર છે.

પુરૂષો અને મહિલાઓની કામ કરવાની યોગ્યતામાં કોઇ ખાસ અંતર ન હોવા છતાં પણ આ પરિસ્થિતિ છે. યુએનડીપી, એઆઇસીટીઇ અને ઉદ્યોગ સંગઠન સીઆઇઆઇ દ્વારા થયેલા એક સ્ટડીમાં આ વાત બહાર આવી છે. આ રિપોર્ટ એ માન્યતાને પણ દુર કરે છે કે દેશના કોર્પોરેટ જગતમાં મહિલાઓની ભાગીદારી વધી રહી છે.

ઇન્ડિયા સ્કીલ ૨૦૧૯ નામના આ રિપોર્ટના લૈંગિક વિવિધતા અભ્યાસમાં કહેવાયું છે કે, પુરૂષોની રોજગાર યોગ્યતા ૪૮ ટકા છે. જ્યારે મહિલાઓની રોજગાર યોગ્યતા ૪૫.૬ ટકા છે છતાં પણ કોર્પોરેટ જગતમાં ૭૫ ટકાથી વધારે ભાગીદારી પુરૂષો પાસે છે. મહિલાઓની હિસ્સેદારી સતત ઘટતી રહી છે. ૨૦૧૪માં તે ૨૯ ટકા હતી જે ૨૦૧૮માં ઘટીને ૨૩ ટકા થઇ ગઇ છે.

રિપોર્ટમાં કહેવાયું છે કે, જો વર્કફોર્સમાં મહિલાઓની હિસ્સેદારીને વધારીને ૪૮% કરવામાં આવે તો આર્થિક વિકાસ દર ૧૦ ટકા સુધી પહોંચાડી શકાય.(૨૧.૧૨)

(11:44 am IST)
  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST

  • સોહરાબુદ્દીન એન્કાઉન્ટર કેસનો ૨૧મી ડિસેમ્બરે સ્પેશિયલ CBI કોર્ટમાં સંભળાવાશે ચુકાદો access_time 3:50 pm IST

  • ઇતિહાસકાર રામચંદ્ર ગુહાએ બીફ ખાતા પોસ્ટ કર્યો ફોટો ;કહ્યું ભાજપ શાસિત ગોવામાં જશ્ન માનવી રહયો છું :રામચંદ્ર ગુહા ભાજપની નીતિઓના ટીક્કાકાર છે :આગાઉ અમદાવાદ યુનિવર્સીટીમાં ભણાવવા ઇન્કાર કર્યો હતો : ગુહાએ ટ્વીટ કર્યું કે જુના ગોવામાં જાદુઈ સવાર ગુજાર્યા બાદ પણજીમાં લંચ કર્યું :ગોવા ભાજપ શાસિત છે એટલા માટે જશ્નમાં મેં બીફ ખાવા નિર્ણંય કર્યો :ગુહાએ ગોવાની કેટલીક તસવીરો પણ પોસ્ટ કરી હતી access_time 12:36 am IST