Gujarati News

Gujarati News

News of Friday, 7th December 2018

અલવર રેલીમાં 'પાકિસ્તાન ઝિન્દાબાદ' નારા મુદ્દે ઝી ન્યૂઝે સિદ્ધુ, કોંગ્રેસના નેતાઓ વિરુદ્ધ ચૂંટણી પંચમાં કરી ફરિયાદ

લાઈવ વીડિયોની એક સીડી અને નજરે જોનારા સાક્ષીઓ દ્વારા ઉતારવામાં આવેલા વીડિયો પણ ચૂંટણી પંચને આપ્યા

નવી દિલ્હી :ઝી ન્યૂઝ દ્વારા પંજાપના મંત્રી નવજોત સિંઘ સિદ્ધુ અને કોંગ્રેસના નેતાઓ વિરુદ્ધ રાજસ્થાનના અલવરમાં એક ચૂંટણી પ્રચારની રેલી દરમિયાન લાગેલા 'પાકિસ્તાન ઝિન્દાબાદ' નારા મુદ્દે ચૂંટણી પંચને ફરિયાદ કરવામાં આવી છે 

   આ ફરિયાદમાં કોંગ્રેસના પ્રવક્તા રણદીપ સિંઘ સુરજેવાલા અને પક્ષના નેતા કરણ સિંઘ યાદવનું નામ પણ દાખલ કરવામાં આવ્યું છે. કોંગ્રેસના નેતાઓ સામે ફરિયાદ કરવામાં આવી છે કે, તેમણે પોતાની રેલીમાં રાષ્ટ્રવિરોધી તત્વો દ્વારા પાકિસ્તાન તરફી નારા લગાવવા દઈને ચૂંટણીની આદર્શ આચારસંહિતાનું ઉલ્લંઘન કર્યું છે. 

  પોતાની ફરિયાદમાં ઝી ન્યૂઝ દ્વારા આ ઘટનામાં ઊંડી તપાસ કરવા વિનંતી કરવામાં આવી છે. સાથે જ કોંગ્રેસ પક્ષના સભ્યો સામે કડક પગલાં લેવા પણ જણાવાયું છે. ફરિયાદની સાથે જ આ નારા જ્યાં બોલાવાયા હતા તે રેલીની ફેસબૂક ઉપર પ્રસારિત લાઈવ વીડિયોની એક સીડી અને નજરે જોનારા સાક્ષીઓ દ્વારા ઉતારવામાં આવેલા વીડિયો પણ ચૂંટણી પંચને આપવામાં આવ્યા છે. 

  ઝી ન્યૂઝ દ્વારા સિદ્ધુની રેલીમાં લગાવાયેલા 'પાકિસ્તાન ઝિન્દાબાદ'ના નારાનો વીડિયો પ્રસારિત કરાયા બાદ કોંગ્રેસના નેતાઓએ એવો આરોપ લગાવાયો કે, ઝી ન્યુઝ દ્વારા વીડિયો સાથે છેડછાડ કરવામાં આવી છે. સાથે જ સિદ્ધુએ ઝી ન્યૂઝ પર માનહાનીનો કેસ ઠોકવાની પણ ધમકી આપી હતી. કોંગ્રેસના કેટલાક નેતાઓ દ્વારા વારંવાર એવા વીડિયો પોસ્ટ કરાયા જેમાં પાકિસ્તાન તરફી સૂત્રોચ્ચાર એડિટ કરી દેવાયા હતા.

  ઝી ન્યૂઝના એડિટર-ઈન-ચીફ સુધીર ચૌધરીએ કોંગ્રેસના રણદીપ સુરજેવાલા સાથે તેમની ટ્વીટ અંગે વાત કરી, જેમાં તેમણે આરોપ લગાવ્યો કે ઝી ન્યૂઝ દ્વારા ખોટો વીડિયો ચલાવાયો છે અને રેલીમાં 'સત શ્રી અકાલ'ના નારા લાગ્યા હતા. સુરજેવાલાએ પોતાના દાવાને સાચો સાબિત કરવા માટે એક વીડિયો પણ ટ્વીટ કર્યો હતો. 

  જોકે, સુધીર ચૌધરીએ સુરજેવાલાના તમામ આરોપોને ખોટા ઠેરવ્યા અને એ સાબિત કર્યું કે કોંગ્રેસના નેતા દ્વારા જે વીડિયો પોસ્ટ કરાયો છે તે બહુ જ સાવચેતીપૂર્વક એડિટ કરવામાં આવ્યો છે. જેમાં 'પાકિસ્તાન ઝિન્દાબાદ'ના નારા લાગી ગયા બાદની રેલી દર્શાવાઈ છે.  

પડોશી દેશ પાકિસ્તાનની કેટલીક ન્યૂઝ ચેનલ દ્વારા પણ પાકિસ્તાન તરફી નારા લગાવતો આ વીડિયો પ્રસારિત કરવામાં આવ્યો હતો અને તેની સાથે જ ભારત વિરુદ્ધ ઝેર ઓકવામાં આવ્યું હતું.

(12:00 am IST)
  • ગીરસોમનાથ :તાલાલાના બોરવાવ ગામે પીતાની નજર સામે 8 વર્ષના પૂત્ર પર દિપડાએ કર્યો હુમલો:પિતાએ દીપડાનો પીછો કરતા ઇજાગ્રસ્ત પૂત્રને છોડી દીપડો નાસી છુટ્યો :વનવીભાગે બે પીંજરા મૂકતા હુમલાખોર દીપડો ઝડપાયો access_time 3:30 pm IST

  • અમરેલી જિલ્લાના બગસરાના સુડાવડ ગામની સીમમાંથી બાળકને ઉઠાવી જનાર દીપડાએ બળદનો શિકાર કર્યો છેચાર દિવસ વીત્યા બાદ હજુ બાળકના અવશેષો પણ વનવિભાગને હાથ લાગ્યા નથી......વનવિભાગે દીપડાને પકડવા પાંજરું મૂક્યું હોવા છતાં દીપડો વનવિભાગને આપી રહ્યો છે ખો.....બાળક બાદ બળદનો શિકાર થતા ફરી વનવિભાગે સક્રિય થયું છે જ્યારેદીપડાના ખોંફથી ખેડૂતોમાં ફફડાટ વ્યાપી ગયો છે access_time 3:57 pm IST

  • દેશના પાંચ રાજ્યોની ધારાસભાની ચૂંટણીઓના એક્ઝિટ પોલ શરૂ : ટાઈમ્સ નાવ તથા CNX એક્ઝિટ પોલ મુજબ તેલંગાણામાં TRS સત્તા જાળવી રાખશે : MP માં ભગવો લહેરાશે : રાજસ્થાનમાં કોંગ્રેસનું શાસન આવશે :છત્તીસગઢમાં બી.જે.પી.નું શાસન જળવાઈ રહેવાની શક્યતા access_time 6:16 pm IST