Gujarati News

Gujarati News

News of Thursday, 6th December 2018

હવે ડોલરનું વર્ચસ્વ ખતમ : ભારત અને યુએઇ વચ્ચે ડોલરના માધ્યમને બદલે દિરહામ અને રૂપિયામાં નાણાંકીય લેતી-દેતી થશે : બંને દેશો વચ્ચે થયા ઐતિહાસિક કરાર

અબુ ધાબી, તા. ૬ : વર્ષે પ૦ બિલીયન ડોલરનો જંગી નાણાકિય વહેવાર ધરાવતા યુનાઇટેડ આરબ અમિરાત તથા ભારતે મંગળવારે ઐતિહાસિક કરાર કર્યા છે. જે મુજબ અત્યાર સુધી બંને દેશો વચ્ચે ડોલરના માધ્યમથી નાણાંકિય વ્યવહાર થતા હતા. તેને બદલે હવેથી UAEના ચલણ હિરહામ અને ભારતના ચલણ રૂપિયાથી તમામ પ્રકારના આયાત નિકાસ વેપાર કરાશે.

આ કરારનો સૌથી મોટો ફાયદો એ થશે કે ડોલરના ભાવની વધઘટ સાથે હવે કોઇ નિસ્બત રહેશે નહીં. છેલ્લા ઘણા સમયથી ડોલર સામે રૂપિયા સહિત અનેક દેશોના ચલણનું ઘટી રહેલું મૂલ્યે આયાત નિકાસમાં ભાવ વધારો કરાવનારૂ બની રહેતું હતું તે બાધા હવે દૂર થવાની વકિદ થી ભારતમાં કરાતી નિકાલ તથા ભારત UAEમાં કરાતી આયાત સસ્તા થશે.

આ કરાર ભારતના વિદેશ મંત્રી સુશ્રી સુષ્મા સ્વરાજની UAEના રાષ્ટ્રીય દિનની ઉજવણી પ્રસંગે હાજરી આપવા સમયે થયા છે જે વકીદમાં અબુધાબી મુકામે  UAE ઇન્ડિયા જોઇન્ટ કમિશન મીટીંગમાં બંને દેશોના ફોરેન અફેર્સ મિનિસ્ટરની હાજરીમાં કરાયા છે. જેમાં UAEની સેન્ટ્રલ બેંકના ડેપ્યુટી ગવર્નર મોહમ્મદ અલી બિનઝાએદ અલ ફલાસી તથા UAE ખાતેના ભારતના એમ્બેસેડર શ્રી નવદીપ સિંઘ સુરાએ સહી સિક્કા કર્યા છે. જેમાં બંને દેશો વચ્ચેના નાણાંકિય વ્યવહાર દિરહામ તથા રૂપિયાી કરવા ઉપરાંત અન્ય ક્ષેત્રો જેવા કે એજયુકેશન એગ્રિકલ્ચર, સ્પેસ, લાઇવ સ્ટોક, બેકિંગ સહિત તમામ ક્ષેત્રે સહયોગ સાધવા MOU કરાયા છે. તેવું ખલીજા ટાઇમ્સ દ્વારા જાણવા મળે છે.

(4:48 pm IST)
  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST

  • શેરબજાર બંધ રહ્યુ ત્યારે ૩૬૧ પોઈન્ટનો ઉછાળો access_time 4:08 pm IST