Gujarati News

Gujarati News

News of Thursday, 6th December 2018

યુપીમાં જો હવે ગૌહત્યા થશે તો સંબંધિત SP-DM જવાબદાર

બુલંદશહર હિંસા બાદ ઉત્તરપ્રદેશના મુખ્યપ્રધાન યોગી આદિત્યનાથે રાજ્યમાં ગૌહત્યા અને ગાયોની તસ્કરી વિરૂધ્ધ કડક કાર્યવાહી કરવાના આદેશ જારી કર્યા

લખનૌ તા. ૬ : બુલંદશહર હિંસા બાદ ઉત્ત્।ર પ્રદેશના મુખ્યપ્રધાન યોગી આદિત્યનાથે રાજયમાં ગૌહત્યા અને ગાયોની તસ્કરી વિરુદ્ઘ કડક કાર્યવાહી કરવાના આદેશ જારી કર્યા છે. સીએમ યોગીએ ગાયોની કતલ, ગૌવંશનું ગેરકાયદે વેચાણ, ગેરકાયદે સંચાલિત કતલખાના વિરુદ્ઘ અસરકારક કાર્યવાહી કરવા આદેશ જારી કર્યા છે.

મુખ્યપ્રધાન યોગી આદિત્યનાથના આદેશ મુજબ ભવિષ્યમાં જો ગૌહત્યા કે ગાયોની તસ્કરીની આવી કોઇ પણ ઘટના બનશે તો તે માટે જિલ્લાના સંબંધિત એસપી અને કલેકટર જવાબદાર ગણાશે. રાજય સરકારના એક પ્રવકતાના જણાવ્યા અનુસાર મુખ્યપ્રધાન યોગીએ કહ્યું છે કે આ સંદર્ભમાં કોઇ પણ શિથિલતા જોવા મળશે તો સંબંધિત જિલ્લાના પોલીસ અધિક્ષક અને કલેકટરની વ્યકિતગત જવાબદારી બનશે.

આવા મામલામાં કોઇ પણ પ્રકારની બેદરકારી કે લાપરવાહી સાંખી લેવામાં આવશે નહીં. પ્રવકતાએ જણાવ્યું હતું કે રાજયના મુખ્ય સચિવ અનુપચંદ્ર પાંડેય દ્વારા યોજના ભવનમાં એક સ્પેશિયલ વીડિયો કોન્ફરન્સિંગના માધ્યમથી તમામ કલેકટરો, વરિષ્ઠ પોલીસ અધીક્ષકો અને પોલીસ અધીક્ષકોને મુખ્યપ્રધાનના આદેશોની વિસ્તૃત જાણકારી આપવામાં આવી હતી.

મુખ્યપ્રધાન યોગી આદિત્યનાથ આજે બુલંદશહર હિંસાની ઘટનાના ૭ર કલાક બાદ શહીદ ઇન્સ્પેકટર સુબોધકુમારસિંહના પરિવારની સાથે મુલાકાત કરી હતી. સીએમ ઉપરાંત રીટા બહુગુણા જોશી સહિત કેટલાય ધારાસભ્યો અને ડીજીપી ઓમપ્રકાશસિંહ પણ આ મુલાકાત વખતે હાજર રહ્યા હતા. મુખ્યપ્રધાન યોગીએ પરિવારને તમામ મદદની ખાતરી આપી હતી.(૨૧.૨૮)

(3:48 pm IST)
  • ભારતના ચિફ ઇકોનોમિક એડ્વાઇઝર તરીકે ક્રિષ્નામૂર્થી સુબ્રમનિયમની નિમણુંક : IIT/IIM પૂર્વ ટોપ રેન્કિંગ સ્ટુડન્ટ તથા અમેરિકાના શીકાગોમાંથી Ph.D ડિગ્રી મેળવી હૈદ્રાબાદની બિઝનેસ સ્કૂલમાં એક્ઝિક્યુટિવ ડિરેક્ટર તરીકે સેવાઓ આપતા ક્રિષ્નામૂર્થી 3 વર્ષ માટે દેશના ચીફ ઇકોનોમિક એડવાઈઝર તરીકે સેવાઓ આપશે access_time 5:46 pm IST

  • ગુજરાત કેડરના આઇપીએસ અધિકારી અતુલ કરવાલની બઢતી :સીઆરપીએફમા આઈજી તરીકે ફરજ બજાવી રહેલા કરવાલ ન એડિશનલ ડિજી તરીકે અપાઈ બઢતી : હાલ CRPF મા આઈજી તરીકે ડેપ્યુટશન પર છે અતુલ કરવાલ. access_time 9:52 pm IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST