Gujarati News

Gujarati News

News of Thursday, 6th December 2018

૨૦૧૯માં વિશ્વને ૧૦ મોટા ખતરાઓનો સામનો કરવો પડી શકે છે

વિશ્વને લશ્કરી-રાજકીય વિરોધ, વેપાર યુધ્ધ, માનવીય વિપત્તિઓ અને પર્યાવરણની સમસ્યાઓ જેવી મોટી મુશ્કેલીઓનો સામનો કરવો પડશે

નવી દિલ્હી તા. ૬ : રશિયા, અમેરિકા અને ચીન વચ્ચે વધતી જતો ભૂ-રાજકીય તણાવ ઉપરાંત આ ત્રણેય રાષ્ટ્રોની વચ્ચે સૈન્ય-રાજકીય વિરોધમાં વધારો તેમજ વેપાર યુદ્ઘ અને મધ્યપૂર્વમાં મહાયુદ્ઘની સંભાવના ૨૦૧૯ની સૌથી મોટી ચિંતા બની ગઈ છે. એક આંતરરાષ્ટ્રીય અભ્યાસમાં આ વાતનો ઘટસ્ફોટ કરવામાં આવ્યો છે. વિશ્વના જાણીતા ૩૦ નિષ્ણાતો દ્વારા કરવામાં આવેલા અભ્યાસ 'ગ્લોબલ રિસ્ક અને યુરેશિયા ઇન ૨૦૧૯'  અનુસાર, '૨૦૧૯ માં વિશ્વને લશ્કરી-રાજકીય વિરોધ, વેપાર યુદ્ઘ, માનવીય વિપત્તિઓ અને પર્યાવરણની સમસ્યાઓ જેવા મોટી મુશ્કેલીઓનો સામનો કરવો પડશે.'

અભ્યાસ દર્શાવે છે કે, વર્ષ ૨૦૧૯માં યુરેશિયા માટે ૧૦ સૌથી મોટા વૈશ્વિક ખતરાઓને રેખાંકિત કર્યા છે, જેમાં યુએસ અને ચાઇના વચ્ચે વેપાર યુદ્ઘમાં વ્યાપક વિસ્તારને લઈને વિરોધમાં વધારો,  મધ્ય પૂર્વમાં મહાયુદ્ઘ, રશિયા અને પશ્ચિમ વચ્ચે સંબંધોનું પતન, યુરેશિયામાં હોટસ્પોટને દૂર કરવું, ભાગલાવાદ અને વંશીય સંઘર્ષોમાં વધારો, પર્યાવરણ અને જળ મુશ્કેલીમાં વધારો, સાયબર ખતરાઓ, નવા હથિયારો વસાવાની હરીફાઈની શરૂઆત, જંગી પરમાણુ અને ટેકનોલોજીકલ આપત્તિઓના જોખમને રેખાંકિત કરવામાં આવ્યાં છે.

વર્લ્ડ ઇકોનોમિકસ એન્ડ પોલિટિકલ ઇન્સ્ટિટ્યુટ (IWEP) ના નિષ્ણાતોની એક ટીમએ આ અભ્યાસ તૈયાર કર્યો છે. આ ટીમનું નેતૃત્વ સંસ્થાના ડિરેકટર યેરઝેન સલ્ટિબાવેવ દ્વારા કરવામાં આવ્યું હતું.

આ અભ્યાસ ૩૦ થી વધુ વૈશ્વિક નિષ્ણાંતો અને રાજકારણીઓ દ્વારા વ્યકત કરવામાં આવેલા અભિપ્રાયો પર આધારિત છે. જેમાં ઘણા ભૂતપૂર્વ રાષ્ટ્રપતિ અને નોબલ વિજેતાઓનો સમાવેશ થાય છે. આ ઉપરાંત, ૬૦ દેશોના એક હજારથી વધુ નિષ્ણાંતોએ તેમનો અભિપ્રાય આપ્યો છે.

આ અભ્યાસ તાજેતરમાં અસ્થાના કલબની ચોથી વાર્ષિક મીટિંગના ભાગરૂપે રજૂ કરાયો હતો. અસ્થાના કલબ આંતરરાષ્ટ્રીય ચર્ચા મંચ છે, જે કઝાખસ્તાનમાં છે.(૨૧.૪)

(10:01 am IST)
  • રાજસ્થાનમાં ૬૦ ટકા જેટલુ જોરદાર મતદાન થયુ છે access_time 4:08 pm IST

  • સુરત: ઉધના વિસ્તારમાં સ્ટેટ વિજિલન્સ દ્વારા દારૂની રેડનો કેસ :સુરત પોલીસ કમિશનર સતીશ શર્માએ ઉધના પીઆઇ એમપી પરમારને સસ્પેન્ડ કર્યા:સ્ટેટ વિજિલન્સ દ્વારા રેડ કરી 2 લાખ 24 હજારનો દારૂ જપ્ત કર્યો હતો access_time 12:04 am IST

  • અમદાવાદ : મેટ્રો પ્રોજેક્ટના કોન્ટ્રકટરને અપાઈ નોટીસ :છેલ્લા દોઢ મહિનાથી કામ બંધ કર્યું હોવાના કારણે મેટ્રો પ્રોજેક્ટ ઓથોરીટી દ્વારા કામ ફરી શરુ કરવા અપાઈ ચેતવણી :જો તેમ ન કરાય તો કોન્ટ્રાક્ટ રદ્દ કરવા અપાઈ ચેતવણી access_time 3:18 pm IST