Gujarati News

નવી દિલ્‍હી તા. ૭ : હાઈકોર્ટે જણાવ્‍યું હતું કે માત્ર સગાઈનો અર્થ એવો નથી કે આરોપી તેની મંગેતરને જાતીય સતામણી કરી શકે, મારપીટ કરી શકે અથવા ધમકી આપી શકે. લગ્નના બહાને મંગેતર પર ઘણી વખત બળાત્‍કાર કરનાર આરોપીને જામીન નકારતી વખતે કોર્ટે આ ટિપ્‍પણી કરી હતી.
જસ્‍ટિસ સ્‍વરણ કાંતા શર્માએ આરોપીઓ દ્વારા કરાયેલી દલીલને ફગાવી દેતા અવલોકન કર્યું હતું કે બંને પક્ષોની સગાઈ થઈ ગઈ હોવાથી એવું કહી શકાય નહીં કે લગ્નનું ખોટું વચન આપવામાં આવ્‍યું હતું. કોર્ટે આદેશમાં જણાવ્‍યું હતું કે, જો કે, આ દલીલમાં કોઈ બળ નથી કારણ કે માત્ર સગાઈનો અર્થ એ નથી કે આરોપી દ્વારા પીડિતાનું જાતીય હુમલો, મારપીટ અથવા ધમકી આપવામાં આવી શકે છે. કોર્ટે કહ્યું કે આરોપ મુજબ આરોપીએ લગ્નના બહાને પહેલીવાર સેક્‍સ કર્યું હતું. કલમ ૩૭૬ અને ૩૨૩ હેઠળ ૧૬ જુલાઈએ એફઆઈઆર નોંધવામાં આવી હતી. આ કેસમાં ૧૬ સપ્‍ટેમ્‍બરે ચાર્જશીટ દાખલ કરવામાં આવી હતી.
પીડિતાએ આરોપ લગાવ્‍યો હતો કે ઓક્‍ટોબર ૨૦૨૦ થી આરોપી સાથે મિત્રતા કર્યા પછી અને લગભગ એક વર્ષ સુધી સાથે રહેતાં, તેઓએ તેમના પરિવારના સભ્‍યોની સંમતિથી ગયા વર્ષે ૧૧ ઓક્‍ટોબરના રોજ સગાઈ કરી. એફઆઈઆર મુજબ, સગાઈના ચાર દિવસ પછી, આરોપીઓએ પીડિતા સાથે બળજબરીથી શારીરિક સંબંધ બાંધ્‍યા કે તેઓ એકબીજા સાથે સગાઈ કરી લેશે અને ટૂંક સમયમાં લગ્ન કરશે. પીડિતાએ આરોપ લગાવ્‍યો હતો કે આરોપીએ તેને નશાની હાલતમાં નિર્દયતાથી માર માર્યો હતો અને અનેક પ્રસંગોએ તેની સાથે અસંમતિથી શારીરિક સંબંધો બાંધ્‍યા હતા જેના પરિણામે તે ગર્ભવતી બની હતી. આ પછી આરોપીએ તેને કેટલીક ગોળીઓ આપી અને તેનો ગર્ભપાત કરાવ્‍યો.
એફઆઈઆરમાં આરોપ છે કે જયારે પીડિતા ૯ જુલાઈના રોજ આરોપીના ઘરે ગઈ ત્‍યારે તેણે અને તેના પરિવારના સભ્‍યોએ લગ્ન કરવાનો ઈન્‍કાર કરી દીધો હતો. કોર્ટે કહ્યું કે આ ગંભીર બાબત છે, ઓરાપીએ પોતાની ગોળીઓ આપીને તેનો ગર્ભપાત કરાવ્‍યો. પીડિતા, એક મહિલા જે હજુ અપરિણીત છે, તેણે પોતાનું સન્‍માન બચાવવાના કારણોસર તેનો પુરાવો રાખ્‍યો ન હતો. આમ ગુનાની ગંભીરતા એ આરોપોની પ્રકૃતિ છે અને હકીકત એ છે કે આરોપો ઘડવાના બાકી છે અને ટ્રાયલ હજુ શરૂ થવાની બાકી છે, એમ કોર્ટે જણાવ્‍યું હતું. જામીન આપવા માટે આ યોગ્‍ય કેસ નથી.