Gujarati News

Gujarati News

News of Monday, 7th October 2019

મહારાષ્ટ્ર વિધાનસભાની ચૂંટણી માટે કોંગ્રેસ અને એનસીપીએ સંયુક્ત ઘોષણાપત્ર જાહેર

દરેક જિલ્લામાં સરકારી એન્જિનિયરિંગ અને મેડીકલ કોલેજ શરૂ કરવા સાથે આરોગ્ય, કૃષિ, મૂળભૂત સુવિધાઓના ક્ષેત્રમાં મોટા કામ કરવાના વચન

મુંબઈ : મહારાષ્ટ્રમાં 21 ઓક્ટોબરે યોજાનારી વિધાનસભા ચૂંટણી માટે કોંગ્રેસ અને એનસીપીએ સંયુક્ત ઘોષણાપત્ર રજૂ કર્યું છે. વિધાનસભા ચૂંટણીમાં એક તરફ કોંગ્રેસ અને એનસીપીનું ગઠબંધન છે બીજી તરફ ભારતીય જનતા પાર્ટી અને શિવસેનાનું જોડાણ છે.

    ગઠબંધન ફોર્મુલા અંતર્ગત કોંગ્રેસ અને એનસીપીના ખાતામાં 125-125 બેઠકો આવી છે. મેનિફેસ્ટોમાં કોંગ્રેસ અને એનસીપીએ દાવો કર્યો છે કે મહારાષ્ટ્રમાં તેમની સરકાર બન્યા બાદ એક પછી એક તમામ વાયદા પર અમલ કરવામાં આવશે. કે જેથી રાજ્યના સુવર્ણ દિવસો પરત આવે.

    કોંગ્રેસ અને એનસીપીએ મેનિફેસ્ટોને શપથનામા નામ આપ્યું છે. મેનિફેસ્ટોમાં કોંગ્રેસ-એનસીપીએ રાજ્યના દરેક જિલ્લામાં સરકારી એન્જિનિયરિંગ અને મેડીકલ કોલેજ શરૂ કરવાનો વાયદો કર્યો છે.

   આ ઉપરાંત સમગ્ર રાજ્યમાં ખાલી પડેલા શિક્ષકોના પદો ભરવામાં આવશે. શપથનામામાં કહેવામાં આવ્યું કે કોંગ્રેસ-એનસીપીની સરકારમાં શિક્ષણ, આરોગ્ય, કૃષિ, મૂળભૂત સુવિધાઓના ક્ષેત્રમાં મોટા કામ કરાશે.

(11:21 pm IST)
  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST

  • લખનૌ-આગ્રા એક્સપ્રેસ -વે પર ઉભેલી ટ્રક પાછળ કાર ટકરાતા ભાજપના ધારાસભ્યના ભાઈ-બહેન અને બે ભાણેજના કરૂણમોત : એક ગંભીર: ઉન્નાવ જિલ્લાના હ્સનગંજ ક્ષેત્રમાં ગમખ્વાર અકસ્માત માં ગોઉંડા જિલ્લાના મેહનોં વિધાનસભા ક્ષેત્રના ભાજપના ધારાસભ્ય વિનય દ્વિવેદીના પિતરાઈ ભાઈ બહેન અને બે ભાણેજોના કરૂણમોત access_time 1:04 am IST

  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST