Gujarati News

Gujarati News

News of Monday, 7th October 2019

અફઘાનિસ્તાનમાં સેનાના વાહન પાસે બોમ્બ બ્લાસ્ટ: માસૂમ બાળકો સહિત 10 લોકોનાં મોત : 27 ઘાયલ

વિસ્ફોટકને એક રિક્શામાં રાખીને લાવવામાં આવ્યું: જલાલાબાદ બૉમ્બ વિસ્ફોટથી ગુંજી ઉઠ્યું

અફઘાનિસ્તાન ફરીવાર બોમ્બનાં ધમાકાથી ગુંજી ઉઠ્યુ છે અફઘાનિસ્તાનનાં જલાલાબાદમાં થયેલાં બોમ્બ બ્લાસ્ટમાં  માસૂમ સહિત 10 લોકોનાં મોત થયા હોવાનાં અહેવાલ આવ્યા છે. જ્યારે આ હુમલામાં 27 લોકો ઘાયલ થયા છે.

  જાણવા મળતી વિગત મુજબ વિસ્ફોટકને એક રિક્શામાં રાખીને લાવવામાં આવ્યું હતુ અને સેનાનાં એક વાહનની પાસે વિસ્ફોટ કરવામાં આવ્યો હતો

  . સ્થાનિક સૂત્રોનાં જણાવ્યા અનુસાર, બ્લાસ્ટમાં બાળકો અને સ્થાનિક લોકોનાં મોત થયા છે અને ઘાયલોને નજીકની હોસ્પિટલમાં સારવાર અર્થે ખસેડવામાં આવ્યા છે. જેમાં અમુક ઘાયલ લોકોની હાલત ગંભીર જણાઈ રહી છે.

    હજી સુધી કોઈ જૂથે આ હુમલાની જવાબદારી લીધી નથી પરંતુ ઈસ્લામિક સ્ટેટનાં આતંકવાદીઓએ છેલ્લાં થોડા વર્ષોથી જલાલાબાદનાં નાંગરહારનાં શહેરની સરકારી કચેરીઓ, શાળાઓ અને સહાય ગ્રુપો ઉપર આત્મઘાતી હુમલાઓ કર્યા છે. નાંગરહારમાં ઈસ્લામિક સ્ટેટ મીલીટન્ટ ગ્રુપ અને તાલિબાન બંને ગ્રુપો એક્ટિવ છે.

(9:54 pm IST)
  • મહારાષ્ટ્ર ચૂંટણી પ્રચારમાં ગરમાવો : કોંગ્રેસ અને NCPનો સંયુક્ત ચૂંટણી ઢંઢેરો જાહેર : અમે સત્તા ઉપર આવશું તો મહારાષ્ટ્રના ઉદ્યોગોમાં સ્થાનિક નાગરિકો માટે 80 ટકા અનામત : ખેડૂતોને દેવામાફી ,બેરોજગારોને 5 હજાર રૂપિયા બેકારી ભથ્થું : તમામ માટે વિનામૂલ્યે વીમો : ગ્રેજ્યુએટ સુધીનો અભ્યાસક્રમ મફત access_time 8:25 pm IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST