Gujarati News

Gujarati News

News of Monday, 7th October 2019

તીવ્ર વેચવાલી વચ્ચે સેંસેક્સ ૧૪૧ પોઇન્ટ ગગડીને બંધ

ફાર્મા, મેટલ, ઓટોના શેરમાં વેચવાલી જામી : અમેરિકા-ચીન વચ્ચે ટ્રેડ વોરને લઇને અનિશ્ચિતતા ફેલાતા રોકાણકાર ચિંતાતુર : યશ બેંકના શેરમાં ૮ ટકાનો ઉછાળો

મુંબઈ,તા.૭ : શેરબજારમાં આજે મંદીનું મોજુ ફરી વળ્યું હતું. સતત છઠ્ઠા કારોબારી સેશનમાં શેરબજારમાં અંધાધૂંધી જોવા મળી હતી. કારોબારના અંતે બીએસઈ સેંસેક્સ ૧૪૧ પોઇન્ટ ઘટીને ૩૭૫૩૨ની નીચી સપાટીએ રહ્યો હતો. યશ બેંકના શેરમાં આઠ ટકાથી વધુ ઉછાળો રહ્યો હતો જ્યારે તાતા સ્ટીલના શેરમાં સૌથી વધુ ૨.૫ ટકાનો ઘટાડો રહ્યો હતો. શેરબજારમાં હાલમાં કેટલાક પરિબળોની અસર દેખાઈ રહી છે. જીડીપી ગ્રોથની આગાહી આરબીઆઈ દ્વારા હાલમાં ઘટાડી દેવામાં આવી છે. આરબીઆઈએ હાલમાં જ જીડીપી ગ્રોથની આગાહી વર્ષ ૨૦૧૯-૨૦ માટે ૬.૯ ટકાથી ઘટાડીને ૬.૧ ટકા કરી દેવામાં આવી છે. ફાર્મા, મેટલ, ઓટો, પીએસયુ બેંક જેવા કાઉન્ટરોમાં વેચવાલી જોરદાર રહી હતી. આઈટીના શેરમાં પણ મંદી રહી હતી. વૈશ્વિક મોરચા પર અમેરિકા-ચીન વચ્ચે ટ્રેડવોરને લઇને અનિશ્ચિતતા પ્રવર્તી રહી છે જેથી મૂડીરોકાણકારોની તકલીફ વધી રહી છે. સતત છઠ્ઠા કારોબારી સેશનમાં આજે મંદી જોવા મળી હતી. બીએસઈ સેંસેક્સમાં ૧૪૧ પોઇન્ટનો ઘટાડો રહેતા તેની સપાટી ૩૭૫૩૨ રહી હતી. આજે આઈટીસી, ટીસીએસ, એલએન્ડટી, એચડીએફસી અને ઇન્ફોસીસના શેરમાં ઘટાડો રહ્યો હતો.

              આ ઘટાડાના કારણે ઇન્ડેક્સ ઘટીને નીચી સપાટીએ પહોંચ્યો હતો. એક્સિસ બેંક, આઈસીઆઈસીઆઈ બેંક, યશ બેંકના શેરમાં તેજી રહી હતી. બ્રોડર માર્કેટમાં બીએસઈ મિડકેપ ઇન્ડેક્સમાં ૩૩ પોઇન્ટનો ઘટાડો રહેતા તેની સપાટી ૧૩૬૮૦ રહી હતી જ્યારે સ્મોલેકેપ ઇન્ડેક્સમાં ૯૬ પોઇન્ટનો ઘટાડો રહેતા તેની સપાટી ૧૨૭૧૩ રહી હતી. એનએસઈમાં નિફ્ટી ઇન્ડેક્સ ૪૮ પોઇન્ટ ઘટીને ૧૧૧૨૬ની નીચી સપાટીએ રહ્યો હતો. સેક્ટરલ મોરચા ઉપર ફાર્માના શેરમાં સૌથી વધુ ઘટાડો રહ્યો હતો. મેટલ, રિયાલીટી અને પીએસયુ બેંકના શેરમાં પણ અફડાતફડી રહી હતી. નિફ્ટી ફાર્મા ઇન્ડેક્સમાં ૨૪૮ પોઇન્ટનો ઘટાડો રહેતા તેની સપાટી ૭૧૪૮ રહી હતી. માર્કેટમાં આવતીકાલે દશેરા પર્વની રજા રહેશે. યશ બેંકના શેરમાં આજે ૮ ટકાનો સુધારો રહ્યો હતો. માઇક્રોસોફ્ટ સાથે તેની વાતચીત ચાલી રહી છે તેવા અહેવાલ તેજી જામી છે. યશ બેંકની ૧૫ ટકા હિસ્સેદારી વેચવા માઇક્રોસોફ્ટ અને અન્ય બે ટેકનોલોજી કંપની સાથે વાતચીત ચાલી રહી હોવાના અહેવાલ બાદ કંપનીના શેરમાં લેવાલી જામી છે. ઝીના શેરમાં છ વર્ષની નીચી સપાટી જોવા મળી હતી. સ્થાનિક ઇક્વિટી માર્કેટમાં નિરાશાનો માહોલ જામી હતી. મૂડીરોકાણકારો આર્થિક વિકાસદરને લઇને પરેશાન દેખાઈ રહ્યા છે. વૈશ્વિક શેરબજારમાં ઓછા ફેરફારની સ્થિતિ જોવા મળી છે. અમેરિકામાં જોબ ડેટા જારી કરાયા બાદ આર્થિક મંદી અંગે કેટલીક દહેશત દૂર થઇ છે.

વેચવાલીની સાથે સાથે...

*   ફાર્મા, મેટલ, ઓટો, પીએસયુ બેંક જેવા કાઉન્ટરોમાં વેચવાલી

*   આઈટી ઇન્ડેક્સમાં પણ જોરદાર મંદીનું મોજુ રહ્યું

*   અમેરિકા અને ચીન વચ્ચે ટ્રેડ વોરને લઇને અનિશ્ચિતતા ફેલાતા રોકાણકારો ચિંતાતુર

*   સતત છઠ્ઠા કારોબારી સેશનમાં મંદીનું મોજુ રહ્યું

*   બીએસઈ સેંસેક્સ ૧૪૧ પોઇન્ટ ઘટીને ૩૭૫૩૨ની નીચી સપાટી ઉપર

*   યશ બેંકના શેરમાં ૮ ટકાથી વધુનો સુધારો રહ્યો

*   તાતા સ્ટીલના શેરમાં ૨.૫ ટકાનો ઘટાડો રહ્યો

*   મિડકેપ ઇન્ડેક્સમાં ૩૩ પોઇન્ટનો ઘટાડો રહેતા ૧૩૬૮૧ રહી

*   સ્મોલકેપ ઇન્ડેક્સમાં ૯૬ પોઇન્ટનો ઘટાડો રહેતા સપાટી ૧૨૭૧૩ નોેંધાઈ

*   નિફ્ટી ઇન્ડેક્સ ૪૮ પોઇન્ટ ઘટીને ૧૧૧૨૬ની સપાટીએ

(8:07 pm IST)
  • ઓસ્ટ્રેલિયા ખાતેના ભારતના રાજદૂત તરીકે શ્રી અનુમુલા ગીતેશ સરમા ની નિમણુંક : ટૂંક સમયમાં હોદ્દો સંભાળશે access_time 8:10 pm IST

  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST

  • કાલે મધ્યરાત્રીથી આકાશમાં ડેક્રોનીકસ ઉલ્કા વરસશેઃ ચાર દિવસ સુધી નજારો નિહાળી શકાશે : રાત્રે ૧ થી પરોઢીયા સુધી રોમાંચકતા માણવાનો શ્રેષ્ઠ સમય : ફટકાડાની આતશબાજી જેવી આતશબાજી જામશે : ભારત જન વિજ્ઞાન જાથા દ્વારા અમદાવાદ રાજકોટ સહીત ૧૬ શાખાઓ પર ઉલ્કા નિહાળવા ખાસ વ્યવસ્થા : રસ ધરાવતા જીજ્ઞાષુઓએ અવકાશી ખગોળીય ઘટના અચુક નિહાળવા જાથાના રાજય ચેરમેન એડવોકેટ જયંત પંડયા (મો.૯૮૨૫૨ ૧૬૬૮૯) નો અનુરોધ access_time 11:25 am IST