Gujarati News

Gujarati News

News of Monday, 7th October 2019

કેરળ : ૧૪ વર્ષમાં પરિવારના છ સભ્યની હત્યા કરનાર જબ્બે

સાઈનાઇડ આપીને એક પછી એક હત્યાઓ કરી : હત્યાની કબૂલાત ઝડપાયેલી મહિલાએ કરતા સનસનાટી

કોઝીકોડ,તા.૬ :કેરળના કોઝીકોડ જિલ્લાની પોલીસે એક જ પરિવાર છ સભ્યોની હત્યાનું એક સનસનાટીપૂર્ણ મામલાનો ખુલાસો કર્યો છે. સમગ્ર મામલામાં પોલીસે ત્રણ લોકોની ધરપકડ કરી છે. પોલીસે આ મામલામાં ઉંડી તપાસ કરતા નવી ચોંકાવનારી વિગતો ખુલી છે. ૧૪ વર્ષના લાંબાગાળા બાદ મુખ્ય આરોપી મહિલા જાલી અમ્મા જોસેફે સાઈનાઇડ આપીને પોતાના પરિવારના છ સભ્યની હત્યા કરી દીધી હતી. પોલીસનું કહેવું છે કે, જાલી અમ્મા નામની આ મહિલાએ પોતાના ગુનાની કબૂલાત કરી લીધી છે. ત્રણેયને હાલમાં માત્ર જાલીના પતિ રોય થોમસની હત્યાના આરોપમાં પકડી લેવામાં આવી છે. અન્ય છ હત્યાના મામલામાં તેની સામે પુરાવા એકત્રિત કરવામાં આવી રહ્યા છે. જાલી ઉપરાંત ધરપકડ કરવામાં આવેલા અન્ય બે આરોપીઓમાં મેથ્યુ અને પ્રાજીકુમારનો સમાવેશ થાય છે. આ બંને આરોપીઓએ જાલીને સાઇનાઇડની દવા ઉપલબ્ધ કરાવી હતી.

             કોઝીકોડે જિલ્લાના ગ્રામિણ વિસ્તારના પ્રભારી કેજી સાયમનના કહેવા મુજબ રોયના મોત બાદ તેમના મૃતદેહનું પરીક્ષણ કરવામાં આવ્યું હતું. આ ગાળા દરમિયાન તેમના શરીરમાં સાઈનાઇડનો જથ્થો મળી આવ્યો હતો. સમગ્ર મામલાની તપાસ કરવામાં આવી રહી છે. ટૂંક સમયમાં જ અન્ય આરોપીઓની સામે પણ પાંચ હત્યા અને અન્ય કલમો હેઠળ કેસ દાખલ કરવામાં આવનાર છે. ખુબ ઓછા લોકો જાણે છે કે, ૨૦૧૧માં રોય થોમસનું મોત થયું હતું. ત્યારબાદથી સમગ્ર મામલામાં પુરાવા એકત્રિત કરવામાં આવી રહ્યા હતા. કેરળમાં ૧૪ વર્ષમાં પોતાના પરિવારના છ લોકોની સાઈનાઇડ આપીને હત્યા કરનાર મહિલાની ધરપકડ કરી લેવામાં આવ્યા બાદ હવે વધુ ચોંકાવનારી વિગતો સપાટી ઉપર આવી શકે છે. સમગ્ર કેરળમાં આ વિષયની ચર્ચા જોવા મળી રહી છે.

(12:00 am IST)
  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • કાલે મધ્યરાત્રીથી આકાશમાં ડેક્રોનીકસ ઉલ્કા વરસશેઃ ચાર દિવસ સુધી નજારો નિહાળી શકાશે : રાત્રે ૧ થી પરોઢીયા સુધી રોમાંચકતા માણવાનો શ્રેષ્ઠ સમય : ફટકાડાની આતશબાજી જેવી આતશબાજી જામશે : ભારત જન વિજ્ઞાન જાથા દ્વારા અમદાવાદ રાજકોટ સહીત ૧૬ શાખાઓ પર ઉલ્કા નિહાળવા ખાસ વ્યવસ્થા : રસ ધરાવતા જીજ્ઞાષુઓએ અવકાશી ખગોળીય ઘટના અચુક નિહાળવા જાથાના રાજય ચેરમેન એડવોકેટ જયંત પંડયા (મો.૯૮૨૫૨ ૧૬૬૮૯) નો અનુરોધ access_time 11:25 am IST

  • મહારાષ્ટ્ર ચૂંટણી પ્રચારમાં ગરમાવો : કોંગ્રેસ અને NCPનો સંયુક્ત ચૂંટણી ઢંઢેરો જાહેર : અમે સત્તા ઉપર આવશું તો મહારાષ્ટ્રના ઉદ્યોગોમાં સ્થાનિક નાગરિકો માટે 80 ટકા અનામત : ખેડૂતોને દેવામાફી ,બેરોજગારોને 5 હજાર રૂપિયા બેકારી ભથ્થું : તમામ માટે વિનામૂલ્યે વીમો : ગ્રેજ્યુએટ સુધીનો અભ્યાસક્રમ મફત access_time 8:25 pm IST