Gujarati News

Gujarati News

News of Wednesday, 7th July 2021

પ્રેમની કોઇ ભાષા ના હોય અને દરેકની પ્રેમિકા રાધા ન હોય

૨૨ વર્ષ નાની સાયરાએ ૫૫ વર્ષ સુધી પકડી રાખ્યો યુસુફનો હાથ

દિલીપકુમારને પહેલીવાર મળ્યા ત્યારે જ સાયરાબાનુએ નક્કી કરી લીધું હતું કે, જીવનસાથી તો હશે તો દિલીપ કુમાર જ હશે

મુંબઇ, તા.૭: દિલીપકુમારની વિદાયથી સૌથી વધુ દુ .ખ તેમની પત્ની સાયરા બાનુનેે છે. દિલીપકુમાર જયારે પણ માંદા પડે ત્યારે સાયરા બાનું તેમની સાથે પડછાયાની જેમ રહેતા. બંને વચ્ચે  વયનું અંતર હતું, તેમ છતાં તેમના પ્રેમનું ઉદાહરણ હતું...૫૫ વર્ષ બાદ બંનેનો સાથ છૂટી ગયો છે...પરંતુ દિલીપ અને સાયરા બાનુની લવ સ્ટોરી કેવી રીતે શરૂ થઈ, તે જાણીએ...

બોલીવુડ યુગલોની વાત કરીએ તો આવા દ્યણા કપલ્સ છે, જે રીઅલ લાઈફની સાથે સાથે રીલ લાઈફમાં પણ એક બીજાના જીવનસાથી છે. સૌથી વિશેષ લવ સ્ટોરી વિશે વાત કરીએ તો આપણે દિલીપકુમાર અને સાયરા બાનુને કેવી રીતે ભૂલી શકીએ. બંનેએ દરેક ખુશી અને દુઃખમાં એકબીજાને સાથ આપ્યો.. અને આ એવી લવ સ્ટોરી છે, જેમાં યુગલ વચ્ચે ૨૨ વર્ષનું અંતર છે, પરંતુ આજે પણ તેમનો સંબંધ ખૂબ જ મજબૂત છે.

૧. દિલીપકુમારે ૧૯૪૪ માં આવેલી ફિલ્મ જવર ભારાથી બોલિવૂડમાં પ્રવેશ કર્યો હતો, જયારે સાયરા બાનુએ ફિલ્મ જંગલથી વર્ષ ૧૯૬૧ માં બોલિવૂડમાં પ્રવેશ કર્યો હતો.

૨. દિલીપકુમાર અને સાયરા બાનુએ દુનિયા, બેરાગ, ગોપી અને સગીના જેવી ફિલ્મોમાં સાથે કામ કર્યું છે. દિલીપકુમાર અને સાયરા બાનુની ફિલ્મો સિલ્વર સ્ક્રીન પર હિટ રહી હતી અને તેમની જોડીને ઓન-સ્ક્રીનની સાથે સાથે ઓફ-સ્ક્રીન પણ પ્રેક્ષકો દ્વારા ખૂબ પસંદ આવી હતી.

૩.સાયરા બાનુ પહેલા દિલીપકુમારનું હૃદય અભિનેત્રીઓ કામિની કૌશલ અને મધુબાલા પર પણ આવ્યું હતું. ટ્રેજેડી કિંગ દિલીપ કુમાર અને બોલિવૂડની જાણીતી અભિનેત્રી સાયરા બાનુની વાર્તા જેવી હતી. અભિનેત્રીએ યાદ કરીને કબૂલાત કરી કે તે ૧૨ વર્ષની ઉંમરેથી દિલીપકુમારના પ્રેમમાં હતી...૪. દિલીપકુમારનો સુપરહિટ રોમાન્સ મુગલ-એ-આઝમ પ્રથમ વખત ૧૯૬૦ માં મુંબઇના પ્રખ્યાત મરાઠા મંદિરમાં પ્રીમિયર થયો ત્યારે ૧૬ વર્ષની સાયરા બાનૂ તેના પ્રિય હીરોની ઝલક જોવા માટે શો પર ગઈ હતી, પરંતુ દિલીપકુમારે પ્રીમિયરમાં ન આવતાદિલ તૂટી ગયું હતું.

૫ ઇન્ટરવ્યૂ દરમિયાન સાયરાએ કહ્યું હતું કે જયારે દિલીપ કુમાર તેને જોઈને હસ્યા અને તેને સુંદર કહેતા ત્યારે તેની ખુશી માટે કોઈ સ્થાન નહોતું, જેના પછી તેણે સમજવાનું શરૂ કર્યું કે તે તેની પત્ની બનશે.

(3:57 pm IST)