Gujarati News

Gujarati News

News of Saturday, 7th July 2018

બફેટને પાછળ છોડી જકરબર્ગ ત્રીજા સ્થાને

માત્ર ૩૪ વર્ષની વયમાં જકરબર્ગ સંપત્તિના મામલામાં સૌથી આગળ

નવી દિલ્હી,તા.૭: ફેસબુકના સહસ્થાપક માર્ક જકરબર્ગ મૂડીરોકાણકાર વારેન બફેટને પછાડીને દુનિયામાં ત્રીજા નંબરે સૌથી અમીર વ્યક્તિ તરીકે પહોંચી ગયા છે. માત્ર ૩૪ વર્ષની વયમાં જકરબર્ગ સંપત્તિના મામલામાં સૌથી આગળ પહોંચી ગયા છે. માઈક્રોસોફ્ટના સ્થાપક બિલ ગેટ્સથી માર્ક જકરબર્ગ હવે પાછળ રહ્યા છે. યાદીમાં તેમનાથી આગળ હવે બે વ્યક્તિ રહી છે. જેમાં એમેઝોનના સ્થાપક જૈફ બેજોસ અને બિલ ગેટ્સ રહ્યા છે. જકરબર્ગની સંપત્તિનો આંકડો હાલમાં ૮૧.૬ અબજ ડોલરની આસપાસનો છે જે બફેટની સંપત્તિથી ૩૭૩ ડોલર મિલિયન વધારે છે.

(9:45 pm IST)
  • વિશ્વ હિંદુ પરિષદે ફરીથી એકવાર અયોધ્યામાં રામ મંદિર બનાવવાના મુદ્દા અંગે સરકાર પર દબાણ કરવાનું શરૂ કરી દીધુ છે. વિહિપે સરકારને રામજન્મભૂમિ-બાબરી મસ્જિદ વિવાદને ઉકેલવા માટે ઓગસ્ટ, 2018 સુધીનો સમય આપ્યો છે. જો આનો કોઈ ઉકેલ નહિ નીકળે તો વિહિપ આને મોટા નેતાઓ સામે લઈ જશે જેમાં સંગઠનના શક્તિશાળી પદાધિકારીઓ સાથે સાધુ-સંતો પણ શામેલ હશે. access_time 1:19 am IST

  • સુરેન્દ્રનગરમાં એ ડિવિઝનમાં ફરજ બજાવતા એએસઆઇ અને એક કોન્સ્ટેબલ રૂપિયા 10 હજારની લાંચ લેતા ACBએ રંગે હાથ ઝડપી પાડ્યા:બંનેએ પ્રોહિબિશનનો ગુનો દાખલ નહીં કરવા માટે લાંચ માગી હતી.:એસીબીના છટકામાં આબાદ સપડાયા access_time 1:32 am IST

  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST