Gujarati News

Gujarati News

News of Saturday, 7th July 2018

રાષ્‍ટ્રીય સ્‍તરે યોજાનાર સ્‍પર્ધાત્મક પરીક્ષાઓ NEET અને JEE હવે વર્ષમાં બે વાર લેવાશેઃ કેન્દ્રિય માનવ સંશાધન મંત્રી પ્રકાશ જાડવેકરની જાહેરાત

નવી દિલ્હીઃ રાષ્‍ટ્રીય સ્તરે યોજાનાર સ્પર્ધાત્મક પરીક્ષાઓ NEET અને JEE વર્ષ બે વાર લેવાશે તેવી જાહેરાત કેન્દ્રિય માનવ સંસાધન મંત્રી પ્રકાશ જાડવેકરે કરી છે.

જાવડેકરે જણાવ્યું હતું કે, 2019થી એન્જિનિયરિંગ માટે લેવાતી JEE અને મેડિકલ માટે લેવાતી NEET નવી બનાવાયેલી એક્ઝામિનેશન કન્ડક્ટિંગ એજન્સી નેશનલ ટેસ્ટિંગ એજન્સી દ્વારા લેવાશે.

NEET અને JEE સિવાય NTA યુજીસી નેટ, જીમેટ જેવી પરીક્ષાઓ પણ લેશે. આ પરીક્ષાઓ જુદા-જુદા સ્થળોએ જુદા-જુદા સમયે યોજવામાં આવશે. જેઈઈ મેઈન્સ એક્ઝામ જાન્યુઆરી અને એપ્રિલમાં થશે, જ્યારે NEET ફેબ્રુઆરી અને મે મહિનામાં યોજાશે. અત્યાર સુધી સીબીએસઈ આ પરીક્ષાઓનું સંચાલન કરે છે.

વર્ષમાં બે વાર યોજાનારી પરીક્ષામાં સ્ટૂડન્ટ્સ જો ઈચ્છે તો બંનેવાર બેસી શકશે, અને તેમાંથી જે પરીક્ષામાં વધુ સ્કોર થયો હશે તે માન્ય ગણાશે. પરીક્ષાના સિલેબસ તેમજ અન્ય પ્રક્રિયામાં કોઈ ફેરફાર કરવામાં આવ્યો નથી. ગ્રામ્ય વિસ્તારોમાં રહેતા સ્ટૂડન્ટ્સને વધાર દૂર ન જવું પડે તે માટે હવે આ પરીક્ષાઓ સબ-ડિસ્ટ્રિક્ટ તેમજ ડિસ્ટ્રિક્ટ લેવલે પણ લેવામાં આવશે.

(6:11 pm IST)
  • રાજકોટમાં ગુજરીબજારમાં થયેલ લૂંટ નર્યું નાટક:મહિલાને પૈસાની જરૂર હોય કોલકાતાથી આવેલ કાકાના પૈસા બોયફ્રેન્ડને પહોંચાડવા માટે પૂર્વયોજિત રીતે કારસ્તાન ઘડ્યું હતું : છરીના છરકા લૂંટારૃઓએ લૂંટ કર્યાનું નાટક ખુલ્યું :ફરિયાદી યુવતીએ જાતે જ બ્લેડના છરકા કરીને પોતાને ઇજા પહોચાડેલ ;પ્રાથમિક દ્રષ્ટિએ જ શંકસ્સ્પદ લાગતી ફરિયાદમાં દૂધનું દૂધ અને પાણીનું પાણી કરતી એ ડિવિઝન, ક્રાઇમ બ્રાન્ચ અને પોલિસ કમિશનર અનુપમસિંહ ગેહલોટ access_time 11:25 pm IST

  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • નવસારીના ચીખલીના કુકેરી ગામે કાવેરી નદી પરનો ચેકડેમ ઓવરફ્લો થયો છે. બીજા પણ 9 જેટલા નાના ચેકડેમ ઓવરફ્લો થયા છે. ચેકડેમને લઈને કુકેરી ગામના ખેડૂતોમાં રોષ જોવા મળ્યો છે. ચેકડેમ ઉંડો કરવાની રજૂઆત તંત્રને અનેક વખત કરી હોવા છતાં કોઇ જ પગલાં ન લેવાતા ગ્રામજનોમાં રોષ જોવા મળ્યો છે. access_time 7:18 pm IST