Gujarati News

Gujarati News

News of Saturday, 7th July 2018

બિહારમાં છાત્રા ઉપર ગેંગરેપ : ૧૮ સામે ફરિયાદ

બિહારના સારણ જિલ્લાની ઘટના : વિદ્યાર્થીઓ, પ્રિન્સીપાલ, શિક્ષકો મળીને ૭ માસથી કરતા'તા ગેંગરેપ : પ્રિન્સીપાલ સહિત બે શિક્ષકો - ૨ આરોપી વિદ્યાર્થીઓની ધરપકડ : ૧૩ ફરાર

સારણ તા. ૭ : કડક કાયદાની સાથે સાથે રાષ્ટ્રપતિ, વડાપ્રધાન અને મુખ્યમમંત્રી જેવા મોટા પદો પર બેઠેલા લોકોને સતત અપીલ બાદ પણ દેશભરમાં દુષ્કર્મ જેવા જઘન્ય અપરાધો પર લગામ કસતી જોવા મળતી નથી. તાજો મામલો બિહારના સારણથી આવ્યો છે. અહીં એક ખાનગી શાળામાં ભણતી ૧૦માં ધોરણની વિદ્યાર્થીની પર શિક્ષક અને વિદ્યાર્થીઓ મળીને સાત મહિનાથી ગેંગરેપ કરી રહ્યા હતાં. એવો આરોપ છે કે સાત મહિના પહેલા એક વિદ્યાર્થીએ કલાસમાં જ વિદ્યાર્થીનીનો રેપ કર્યો હતો. લોકલાજના પગલે તેણે કોઈને કહ્યું નહીં. ત્યારબાદ આ આરોપી વિદ્યાર્થીએ આ વાત બીજા વિદ્યાર્થીઓને કહી દીધી. એવો પણ આરોપ છે કે ત્યારબાદ અનેક વિદ્યાર્થીઓ મળીને છેલ્લા છ મહિનાથી વિદ્યાર્થીનીનો રેપ કરી રહ્યાં હતાં.

પોલીસ સામે મામલો આવ્યા બાદ પ્રાચાર્ય સહિત બે શિક્ષકો અને ૨ આરોપી વિદ્યાર્થીઓની ધરપકડ કરી લેવાઈ છે. ફરાર થઈ ગયેલા ૧૩ વિદ્યાર્થીઓની પોલીસ શોધમાં છે. પીડિતાએ એકમા પોલીસ સ્ટેશનમાં ફરિયાદ નોંધાવીને કહ્યું છે કે ડિસેમ્બર ૨૦૧૭માં પહેલીવાર તેના ઉપર વિદ્યાર્થીએ કલાસમાં જ રેપ કર્યો હતો. ત્યારબાદ તે બ્લેકમેઈલ કરવા લાગ્યો કે જો તે બીજીવાર નહીં કરવા દે તો આખી વાત સ્કૂલમાં ફેલાવી દેશે. ડરની મારી વિદ્યાર્થીનીએ પોતાના પર રેપની વાત કોઈને કરી નહીં. જેના કારણે આરોપી વિદ્યાર્થીનું મનોબળ વધી ગયું અને તેણે પોતાના અન્ય સાથી વિદ્યાર્થીઓ દ્વારા પણ વિદ્યાર્થીની પર રેપ કરાવવા લાગ્યો.

આ વાત જયારે શાળાના શિક્ષકો સુધી પહોંચી તો તેમણે આરોપી વિદ્યાર્થીઓને રોકવાની જગ્યાએ પોતે પણ આ જઘન્ય કામમાં સામેલ થઈ ગયાં. એક શિક્ષક અને પ્રાચાર્યએ પણ વિદ્યાર્થીનીનો રેપ કર્યો. આ સિલસિલો અનેક મહિનાથી ચાલતો રહ્યો. ૧૫ વિદ્યાર્થીઓ અને પ્રાચાર્ય સહિત ૨ શિક્ષકોના ગેંગરેપથી દુખી દુખી થયેલી વિદ્યાર્થીની માટે હવે એટલું અસહ્ય થઈ ગયું કે તેણે પોલીસ સ્ટેશનમાં ફરિયાદ નોંધાવી. ત્યારબાદ પોલીસે ચાર આરોપી વિદ્યાર્થીઓની ધરપકડ કરી છે. બાકીના ૧૩ની શોધ ચાલુ છે.

૧૩ વર્ષના વિદ્યાર્થીનીએ પિતા સાથે શુક્રવારે એકમા પોલીસ સ્ટેશન જઈને ઈન્સ્પેકટર અનુજકુમાર સિંહને પોતાની આપવીતિ જણાવી. સૂચના મહિલા પોલીસ સ્ટેશનને આપીને વિદ્યાર્થીનીનું નિવેદન નોંધવામાં આવ્યું. મહિલા પોલીસ સ્ટેશન ઈન્ચાર્જ વિદ્યાર્થીનીને પોતાની સાથે જિલ્લા હેડકવાર્ટર લઈને ગઈ. ત્યાં છપરા સદર એસડીપીઓ અજકુમાર સિંહે શાળાના પ્રાચાર્ય ઉદયકુમાર સિંહ, શિક્ષક બાલાજી અને બે વિદ્યાર્થીઓની ધરપકડ કરીને તેમને જેલમાં મોકલી દીધા. ૧૩ આરોપી વિદ્યાર્થીઓ હાલ ફરાર છે. તેમની ધરપકડ માટે પોલીસ આકાશ પાતાળ એક કરી રહી છે.

(4:53 pm IST)
  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • તેલંગાણાનો 24 વર્ષીય વિદ્યાર્થીનું અમેરિકાની એક રેસ્ટોરન્ટમાં થયેલા ગોળીબારમાં શુક્રવારે મોત નિપજ્યું હતું. વારંગલનો રહેવાસી વિદ્યાર્થી શરત કપ્પૂ અહીંની મિસૂરી યૂનિવર્સિટીમાં અભ્યાસ કરતો હતો. રિપોર્ટ અનુસાર કંસાસ પોલીસને શુક્રવારે સાંજે 7 વાગ્યે એક રેસ્ટોર્ટમાં ગોળીબારની માહિતી મળી હતી. ત્યાર બાદ પોલીસ ઘટના સ્થળે પહોંચી હતી. પોલીસને ઘટના સ્થળેથી લોહીમાં લથપથ શરદનો મૃતદેહ પુલમાંથી મળી આવ્યો હતો. access_time 1:19 am IST

  • અમારી સરકારમાં કોઈ યોજનાઓ લટકતી-ભટકતી-અટકતી નથીઃ રાજસ્‍થાનમાં ૨૧૦૦ કરોડની યોજનાઓનો શિલાન્‍યાસ કરતા મોદીઃ જંગી રેલીને સંબોધનઃ કોંગ્રેસ ઉપર પ્રહારો access_time 4:26 pm IST