Gujarati News

Gujarati News

News of Saturday, 7th July 2018

બુલેટ ટ્રેન માટે પ્રથમ ટેન્ડર પ્રસિદ્ધ :નવસારી જિલ્લામાં બ્રિજ બનાવવા ટેન્ડર બહાર પડાયું

પાલઘર મામલામાં NHSRCLને 73 ગામોની મહિલાઓનું એક જૂથ બનાવવામાં સફળતા

નવી દિલ્હી: વડાપ્રધાન નરેન્દ્રભાઈ મોદીના ડ્રીમ પ્રોજેક્ટ અમદાવાદ-મુંબઈ બુલેટ ટ્રેન પ્રોજેક્ટમાં જમીન સંપાદન સહિતની મુશ્કેલીઓ આવ્યા બાદ હવે  બુલેટ ટ્રેન માટે જમીન સંપાદનને લઈને મહારાષ્ટ્રના પાલઘરના ખેડૂતોના વિરોધને કારણે આ પ્રોજેક્ટમાં વિલંબ થઈ રહ્યો છે. ભારતીય રેલવે આ પ્રોજેક્ટ માટે મહારાષ્ટ્ર અને ગુજરાતમાં કુલ 10 હજાર કરોડ રૂપિયામાં 1,400 હેક્ટર જમીન સંપાદિત કરવાની કામગીરી હાથ ધરી છે.

 આ પ્રોજેક્ટ ટ્રેક પર આવતો દેખાઈ રહ્યો છે. નેશલ હાઈ સ્પીડ રેલ કોર્પોરેશન લિમિટેડ (NHSRCL)એ ગુજરાતના નવસારી જિલ્લામાં બુલેટ ટ્રેન માટે બ્રીજ બનાવવા માટે પહેલું ટેન્ડર બહાર પાડ્યું છે.

 ટેન્ડર બહાર પાડવાની સાથે NHSRCLએ જણાવ્યું કે, જમીન સંપાદનને લગતી પ્રક્રિયા આડેની અડચણો ધીરે-ધીરે દૂર થઈ રહી છે

  .સૂત્રોના કહેવા મુજબ, પાલઘરના મામલે પણ ઉત્સાહજનક સ્થિતિ છે. પાલઘર મામલામાં NHSRCLને 73 ગામોની મહિલાઓનું એક જૂથ બનાવવામાં સફળતા મળી છે, આ મહિલાઓને જે ગામોની જમીનો સંપાદિત કરવાની છે તેના સરપંચો સાથે વાતચીત કરવાનું કામ સોંપાયું છે. અલગ-અલગ બ્લોકની 15 મહિલાઓની એક ટીમ બનાવાઈ છે, જેમને મળનારા વળતર અને કેટલી જમીન સંપાદિત કરવાની છે તે અંગે ગામલોકોને માહિતી આપવાની જવાબદારી સોંપવામાં આવી છે.

  અહેવાલ મુજબ આ પદ્ધતિ કામ કરી રહી છે. પ્રોજેક્ટ ટીમને 18 ગામોમાં સર્વે કરવામાં સફળતા મળી છે. થોડા મહિના પહેલા તો આ સર્વે ટીમમાં ગામમાં પ્રવેશ પણ નહોતી કરી શકતી. જેમકે, દહાનુમાં પ્રોજેક્ટ ટીમ સાથે મારા-મારી પણ થઈ હતી.

  બુલેટ ટ્રેન માટે 508 કીમી લાંબો કોરિડોર બનાવવાનું કામ જાન્યુઆરી 2019માં શરૂ કરાયું હતું અને જમીન સંપાદન કરવાની ડેડલાઈન આ વર્ષના અંત સુધીની છે. મોદી સરકાર 2022માં આવી રહેલા 75મા સ્વતંત્રતા દિવસ સુધીમાં આ પ્રોજેક્ટ પૂરો કરી દેવા ઈચ્છી રહી છે.

(12:00 am IST)
  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST

  • તેલંગાણાનો 24 વર્ષીય વિદ્યાર્થીનું અમેરિકાની એક રેસ્ટોરન્ટમાં થયેલા ગોળીબારમાં શુક્રવારે મોત નિપજ્યું હતું. વારંગલનો રહેવાસી વિદ્યાર્થી શરત કપ્પૂ અહીંની મિસૂરી યૂનિવર્સિટીમાં અભ્યાસ કરતો હતો. રિપોર્ટ અનુસાર કંસાસ પોલીસને શુક્રવારે સાંજે 7 વાગ્યે એક રેસ્ટોર્ટમાં ગોળીબારની માહિતી મળી હતી. ત્યાર બાદ પોલીસ ઘટના સ્થળે પહોંચી હતી. પોલીસને ઘટના સ્થળેથી લોહીમાં લથપથ શરદનો મૃતદેહ પુલમાંથી મળી આવ્યો હતો. access_time 1:19 am IST

  • રાજકોટ આર.આર.સેલનો સપાટો : ધ્રાંગધ્રાના પ્રથુગઢ ગામે થી અંગ્રેજી દારૂ સહિત રૂ. 65,32,800 નો મુદામાલ કબજે કર્યો : રાજકોટ આર.આર.સેલ ને મોટી સફળતા : રાજકોટ રેન્જ ની ટીમ દ્રારા રેઇડ કરતા સ્થાનિક પોલીસ આવી શંકાના ઘેરામાં access_time 9:17 pm IST