Gujarati News

Gujarati News

News of Saturday, 7th July 2018

અમેરિકામાં DACA પોલીસી રદ થાય તો ન્‍યુજર્સી સ્‍ટેટ દર વર્ષે ૧૯ મિલીયન ડોલર જેટલી ટેકસની આવક ગૂમાવશેઃ અનેક પરિવારો વિખુટા પડશેઃ પ્રેસિડન્‍ટ ટ્રમ્‍પના DACAપોલીસી રદ કરવાના નિર્ણય વિરૂધ્‍ધ કરાયેલ કોર્ટ કેસમાં ઇન્‍ડિયન અમેરિકન એટર્ની જનરલ શ્રી ગુરબીર ગ્રેવાલની ધારદાર દલીલો

ન્‍યુજર્સીઃ અમેરિકાના પૂર્વ પ્રેસિડન્‍ટ બરાક ઓબામાએ દાખલ કરેલી ‘‘ડીફર્ડ એકશન ફોર ચાઇલ્‍ડહૂડ એરાઇવલ્‍સ (DACA)'' પોલીસી રદ કરવાની વર્તમાન પ્રેસિડન્‍ટ ડોનાલ્‍ડ ટ્રમ્‍પની પોલીસી વિરૂધ્‍ધ સાત સાઉધર્ન સ્‍ટેટમાં દાવો દાખલ કરાયો છે જેમાં શામેલ થવા ન્‍યુજર્સીના એટર્ની જનરલ ઇન્‍ડિયન અમેરિકન શ્રી ગુરબીર ગ્રેવાલને ટેકસાસ જજએ પરવાનગી આપી છે.

DACA પોલીસી રદ કરવાના પ્રેસિડન્‍ટ ટ્રમ્‍પના નિર્ણય અંગે પ્રતિભાવ આપતા શ્રી ગ્રેવાલએ જણાવ્‍યું હતું કે આ પોલીસી રદ થવાથી ન્‍યુજર્સી સ્‍ટેટને વાર્ષિક ૧૯ મિલીયન ડોલરની ટેકસની આવક ગૂમાવવી પડશે. ઉપરાંત અનેક પરિવારોને વિખૂટા પડવાની નોબત આવશે જે મુજબ એકલા ન્‍યુજર્સી સ્‍ટેટમાં જ ૫૩ હજાર જેટલા ગેરકાયદે ઇમીગ્રન્‍ટસ વસે છે. જે પૈકી ૧૭ હજારને DACA સ્‍ટેટસ મળેલુ છે. ૧૫ હજાર નવસો લોકો નોકરીમાં જોડાયેલા છે. તથા સાત હજાર આઠસો સ્‍ટુડન્‍ટસ અભ્‍યાસ કરે છે. તેવું સમાચાર સૂત્રો દ્વારા જાણવા મળે છે.

(9:45 pm IST)
  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • અમદાવાદ સેટેલાઇટ ગેંગરેપ કેસની તપાસ કરી રહેલી અમદાવાદ ક્રાઇમ બ્રાન્ચની ટીમે આરોપીઓની બ્રેઇન મેપિંગ માટે મેટ્રો કોર્ટમાં મંજૂરી માંગી હતી. જેથી શનિવારે મેટ્રો કોર્ટે આરોપીઓની બ્રેઇન મેપિંગ માટેની મંજૂરી આપી હતી. access_time 1:20 am IST

  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST