Gujarati News

Gujarati News

News of Saturday, 7th July 2018

UAEમાં કેદી જેવું જીવન વીતાવી રહેલો ભારતીય મૂળના મધુસુદનને સાત વ્‍યક્‍તિનો પરિવારઃ ગેરકાયદે ઇમીગ્રન્‍ટ હોવાથી ગમે ત્‍યારે ધરપકડ થવાની તથા દેશનિકાલની દહેશત હોવાથી ઘરની બહાર નીકળી શકતા નથીઃ કાયમી નાગરિકત્‍વ આપવા UAE સરકાર સમક્ષ અરજ

દુબઇઃ ૧૯૭૯ની સાલમાં UAE ગયેલા ભારતના કેરાળાના વતની ૬૦ વર્ષીય મધુસુદનન તથા તેમના શ્રીલંકન પત્‍ની પપ વર્ષીય રોહિણી અને ૨૯ થી ૨૧ વર્ષની ઉંમરના પાંચ સંતાનો શારજાહમાં કેદી તરીકેનું જીવન વીતાવી રહ્યા છે તથા તેઓને UAEનું  નાગરિકત્‍વ આપવા સરકારને અવારનવાર વિનંતી કરી રહ્યા છે તેવું સમાચાર સૂત્રો દ્વારા જાણવા મળે છે.

પ્રાપ્ત વિગત મુજબ ગેરકાયદે નાગરિક તરીકે તેઓનો વસવાટ હોવાથી ગમે ત્‍યારે તેમની ધરપકડ થઇ શકે છે તથા દેશનિકાલ થઇ શકે છે તેથી આ પરિવારના સાતે સભ્‍યો ઘરની બહાર પણ નીકળી શકતા નથી અને જયાં ત્‍યાંથી મળતા બ્રેડના ટુકડાઓ ઉપર ગુજારો કરી રહ્યા છે તેઓ ભારત પણ પરત ફરી શકે તેમ નથી. કારણકે મધુસુદનના પત્‍ની શ્રીલંકન છે આમ આ ગૂંચવાયેલા કોકડાનો વહેલી તકે નિકાલ લાવવા તેઓ સરકારને અરજ કરી રહ્યા છે

(9:44 pm IST)
  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • ગુજરાતમાં છોટાઉદેપુર જિલ્લાની ઓરસંગ નદીમાં આવ્યું ધોડાપુર : મધ્યપ્રદેશમાં સારા વરસાદના કારણે ઓરસંગ નદી છલકાઇ ગઇ નવા નીરથી : ઓરસંગ નદી પરનો જોજવા આડબંધ થયો ઓવરફલો access_time 7:18 pm IST

  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST