Gujarati News

Gujarati News

News of Thursday, 7th June 2018

૯ ઇન્સ્યોરન્સ એજન્ટો પાસેથી ૧ કરોડની જુની નોટો ઝડપાઇઃ નેપાળ જતા હતા

ગાઝીયાબાદ તા. ૭ : નોટબંધી અમલી થયાના દોઢ વર્ષ કરતાં વધુ સમય થઈ ગયો છે. દેશમાં ૧,૦૦૦ અને ૫૦૦ રૂપિયાની જૂની નોટો બદલવાની તમામ સમય મર્યાદા ખત્મ થઈ ગઈ છે. પરંતુ પાછલા દરવાજેથી આ ગોરખધંધા આજે પણ ચાલુ છે. ગાઝિયાબાદ પોલીસે એવી જ ગેંગના ૧૦ શખ્સોને ગિરફતાર કર્યા છે.તેમની પાસેથી લગભગ એક કરોડ રૂપિયાની જૂની ચલણી નોટ જપ્ત કરી છે. આ રૂપિયા બે કારોમાં ભરીને નેપાળ લઈ જઈ રહ્યા હતા, જેથી ત્યાં તેની ફેરબદલી કરી શકાય.

એસએસપી વૈભવ કૃષ્ણના મતે પોલીસે સોમવારની રાત્રે ખબરી પાસેથી મળેલી સૂચનાના આધારે વોચ ગોઠવી હતી. બાતમી એવી મળી હતી કે કેટલાક લોકો બે કારોમાં મોટા જથ્થામાં ૫૦૦ અને ૧,૦૦૦ રૂપિયાની જૂની ચલણી નોટો લઈ જઈ રહ્યા છે. કવિનગર પોલીસમથકના પ્રદીપ ત્રિપાઠીના નેતૃત્વમાં કામ કરી રહેલી ટીમે પૂજા કટની પાસે આ બે કારોને પકડી હતી. બંને કારો થોડા થોડા સમયના અંતરે આવી હતી. ગિરફતાર આરોપીઓમાં ગાઝિયાબાદના પિન્ટુ, રાહુલ કુમાર, મેરઠના રાહુલ શર્મા, કાવ્ય, સચિન, મથુરાનો દીપક, દિલ્હીનો ગૌરવ ગર્ગ, અવતારસિંહ, અરુણ ગુપ્તા અને પલવલનો રાજેશ સામેલ છે. અવતાર ડ્રાઇવર છે, જયારે બાકીના ઇન્શ્યોરન્સ એજન્ટ છે. આરોપીઓની પૂછતાછમાં તેઓએ જણાવ્યું હતું કે આ રૂપિયા તેમને ગ્રેટર નોઇડાના અનિલ દીક્ષિત અને આગરાના યાદવ નામના શખ્સના માધ્યમથી મળ્યા હતા.

આ કેસમાં અનિલ દીક્ષિત સાથે સંપર્કમાં રહેતા અરુણે જણાવ્યું હતું કે આ રૂપિયાના બદલામાં તેને ૧૦ લાખ મળવાના હતા. જૂની નોટ નેપાળ પહોંચાડાયા બાદ આ રકમ તેને મળવાની હતી. આ જૂની નોટ નેપાળ સરહદ સુધી લઈ જવાની હતી. એ પછી અનિલ નામનો એક શખ્સ નેપાળમાં આગળ લઈ જવાનો હતો.

(3:57 pm IST)
  • પેટ્રોલ -ડીઝલના ભાવમાં વણથંભ્યો ઘટાડો ચાલુ ;કાલે ગુરુવારે પેટ્રોલ ડીઝલમાં સતત નવમા દિવસે ભાવ ઘટશે:બુધવારે પેટ્રોલ -ડીઝલમાં લીટરે 8થી 10 પૈસાનો વધુ ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,91 રૂપિયા અને ડીઝલનો ભાવ લિટરે 73,86 રૂપિયા થશે :રાજ્ય પ્રમાણે કરવેરા અલગ થશે:છેલ્લા આઠ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:21 am IST

  • રાજકોટનાં નવા મેયર, ડે.મેયર, સ્ટેન્ડિંગ કમિટીના ચેરમેનની પસંદગી કરવા માટે મ્યુનીસીપલ કોર્પોરેશનની જનરલ બોર્ડની બેઠક તા. 15મીએ સવારે ૧૧ વાગ્યે મળશે : સાથે જુદી-જુદી ૧૫ કમિટીઓના સભ્યોની પણ નિમણુક કરાશે access_time 11:58 am IST

  • પ્લાસ્ટિકની બોટલ્સ રિવર્સ વેન્ડિંગ મશીનમાં નાખશો તો રિટર્નમાં મળશે 1 રૂપિયો: પાણી, ઠંડા પીણા સહિતની પોલિથિલિન ટેરેફ્થાલેટ (PET)- પ્લાસ્ટિક બોટલ્સના રિસાયકલિંગ માટે રાજ્યભરમાં રીવર્સ વેન્ડિંગ મશીન (RYM) લગાવાશે :મુખ્યમંત્રી વિજયભાઈ રૂપાણીની જાહેરાત access_time 1:16 am IST