Gujarati News

Gujarati News

News of Thursday, 7th June 2018

બેઠકનું સૂરસૂરીયું ? શિવસેના એકલા હાથે જ લડશે

ભાજપ - અમિત શાહને ફટકો : ભાજપથી હજુય નારાજ છે શિવસેના : શિવસેનાના નેતા સંજય રાઉતનું એલાન : એકલા સાથે જ ચૂંટણી લડવા કારોબારીએ પસાર કર્યો છે ઠરાવ

મુંબઇ તા. ૭ : ભાજપના અધ્યક્ષ અમિત શાહ અને શિવસેના પ્રમુખ ઉદ્ઘવ ઠાકરે વચ્ચે બુધવારની મુલાકાત પછી શિવસેના તરફથી ગુરૂવારે કહ્યું કે, તે એકલા હાથે જ ચૂંટણી લડશે. શિવસેના નેતા સંજય રાઉતે કહ્યું કે, શિવસેનાના રાષ્ટ્રીય કાર્યકારિણી દ્વારા એક પ્રસ્તાવ પસાર કરવામાં આવ્યો છે કે, અમે એકલાં જ ચૂંટણી લડીશું. તેમાં કોઇ પણ ફેરફાર કરવામાં આવશે નહીં. રાઉતે કહ્યું કે, બુધવારે બંને નેતાઓ વચ્ચે બે કલાક સુધી ઘણાં મુદ્દા પર ચર્ચા કરવામાં આવી છે. અમિત શાહએ ફરીથી મળવાની વાત કરી છે અને અમિત શાહનો એજન્ડા જાણીએ છે.

સંજય રાઉતે કહ્યું કે, શિવસેના પ્રમુખ ઉદ્ઘવ ઠાકરે આજે પાલઘમાં એક રેલી સંબોધન કરશે. જયાં તેઓ બુધવારમાં બંને નેતાઓ વચ્ચે બેઠકમાં કયાં મુદ્દા પર વાતચીત થઈ તે અંગે માહિતી આપશે.

અત્રે નોંધનીય છે કે અમિત શાહ અને ઉદ્ઘવ ઠાકરે વચ્ચે માતોશ્રીમાં આશરે અડધો કલાક સુધી વાતચીત થઈ હતી. ભાજપ તરફથી આગામી લોકસભા અને વિધાનસભાની ચૂંટણીમાં બંને પાર્ટી વચ્ચે ગઠબંધન ચાલુ રાખવા માટેની અપીલ કરવામાં આવી છે. આ તરફ એવું પણ માનવામાં આવી રહ્યું છેકે, ભાજપે સેનાને મહારાષ્ટ્ર મંત્રીમંડળમાં અને કેન્દ્રીય મંત્રીમંડળમાં પણ વરિષ્ઠ નેતાઓને સ્થાન આપવા માટેની હામી ભરી છે.

આ તરફ શિવસેનાના મોટેભાગના સાંસદ અને ધારાસભ્ય ભાજપ સાથે ગઠબંધન જાળવી રાખવા માંગે છે. તેમજ તેમનું માનવું છેકે જો ભાજપ સાથે ગઠબંધન તૂટી જશે તો સત્તા પણ ગુમાવી પડે તેમ છે. ત્યારે ઘણાં વરિષ્ઠ નેતા ભાજપ સાથે જોડાવા માંગતા નથી. આ તરફ ભાજપ પાસે ૨૦૧૯ની લોકસભા ચૂંટણી પહેલા NDAના મોટા સંગઠનોને મનાવવું જરૂરી છે. અમિત શાહે ઉદ્ઘવ સાથે મુલાકાત પછી ભાજપના નેતા અને વિજય પુરાણિક સાથે વાતચીત કરી હતી.

(4:13 pm IST)
  • શેરબજારમાં જોરદાર શરૂઆત: સેન્સેક્સ અને નિફ્ટીમાં 0.5 ટકાથી વધારેનો ઉછાળો: મિડકેપ અને સ્મૉલકેપ શેરોમાં પણ વધારો:બેન્કિંગ, ઑટો, આઈટી, મેટલ, રિયલ્ટી, કેપિટલ ગુડ્ઝ, ઑયલ એન્ડ ગેસ અને પાવર શેરોમાં લેવાલી:સેન્સેક્સ 238 અંક વધીને 35417ના સ્તરે: નિફ્ટી 71 અંક વધીને 10756ની સપાટીએ access_time 10:45 am IST

  • પ્લાસ્ટિકની બોટલ્સ રિવર્સ વેન્ડિંગ મશીનમાં નાખશો તો રિટર્નમાં મળશે 1 રૂપિયો: પાણી, ઠંડા પીણા સહિતની પોલિથિલિન ટેરેફ્થાલેટ (PET)- પ્લાસ્ટિક બોટલ્સના રિસાયકલિંગ માટે રાજ્યભરમાં રીવર્સ વેન્ડિંગ મશીન (RYM) લગાવાશે :મુખ્યમંત્રી વિજયભાઈ રૂપાણીની જાહેરાત access_time 1:16 am IST

  • ૨૦૦૨ના વસુલી મામલે ગેંગસ્ટર અબુ સલેમને ૭ વર્ષની કેદઃ દિલ્હીની તીસ હજારી કોર્ટ સંભળાવી સજા access_time 4:19 pm IST