Gujarati News

ચેન્નાઇ :સાઉથના સુપરસ્ટાર રજનીકાંતની ફિલ્મ 'કાલા' રિલીઝ થઈ ગઈ છેચેન્નાઈમાં સવારે 4 વાગ્યે પહેલો શો શરૂ થયો, ફિલ્મનો પહેલો શો જોવા માટે સવારના 3 વાગ્યાથી જ સિનેમા ઘરોની સામે ભીડ જોવા મળી હતી.

  રજનીના ચાહકો લાંબી લાઇનમાં ઊભેલા દેખાતા હતા. કેટલાયે રજની ફેન્સ સિનેમા હોલની બહાર અને અંદર ડાન્સ કરતા જોવા મળ્યા હતા.ફિલ્મ 'કબાલી'ની રિલીઝ બાદ એક વાર ફરી દેશ-વિદેશમાં રજનીના ચાહકોની દિવાનગી જોવા મળી.

  તામિલનાડુમાં ચાહકોએ રજનીકાંતના પોસ્ટર પર દૂધનો અભિષેક કર્યો. મ‌લ્ટિપ્લેકસની બહારના રસ્તાઓને એવી રીતે સજાવાયા જેમ કે દિવાળી હોય. રજનીના ફેન્સનો ક્રેઝ આ પહેલી વખત જોવા મળ્યો નથી.