Gujarati News

Gujarati News

News of Friday, 7th May 2021

કોરોનાના કપરાકાળમાં બિહારમાં ઓક્સીઝન કૌભાંડ : કોર્ટે કહ્યું, ભગવાન પણ માફ નહીં કરે

150 સિલિન્ડરની જરુર હતી, ત્યાં 348 ઓક્સિજન સિલિન્ડરનો વપરાશ

કોરોના મહામારીના આ સમયમાં બિહારના સૌથી મોટી હોસ્પિટલ પટના મેડિકલ કોલેજ હોસ્પિટલમાં કંઇક અલગ જ ખેલ ચાલી રહ્યો છે. PMCHમાં જેટલા ઓક્સિજનનો ઉપયોગ થઇ રહ્યો છે, તેના કરતા વધારે ઓકેસ્જનનો હિસાબ આપવામાં આવી રહ્યો છે. પટના હાઇકોર્ટના નિર્દેશ બાદ જે કમિટિ બની તેણે આ ગોટાળો પકડ્યો છે.

કોર્ટમાં જે રિપોર્ટ આપવામાં આવ્યો છે તેમાં ખુલાસો થયો છે કે 21 એપ્રિલથી 2 મે વચ્ચે 150 સિલિન્ડરની જરુર હતી, તેન સામે ત્યાં 348 ઓક્સિજન સિલિન્ડરનો વપરાશ થયો. જે કોર્ટ મિત્રએ આ રિપોર્ટ રજૂ કર્યો છે તેણે કોર્ટ સમક્ષ રજૂઆત કરી છે કે આ અંગે એક સ્વતંત્ર કમિટિ પાસે તપાસ કરાવવામાં આવે. રિપોર્ટમાં કહેવામાં આવ્યું છે કે એક દિવસના ચાર્ટ પ્રમાણે ત્યાં દર્દીઓની સંખ્યા 127 હતી. આ 127 લોકોને 24 કલાકમાં વધારેમાં વધારે 150 ઓક્સિજન સિલિન્ડરની જરુર હતી. જેની સામે ચાર્ટ પ્રમાણે 348 સિલિન્ડરનો વપરાશ થયો.

સાથે જ ક્યા દર્દી પર કેટલા સિલિન્ડર વપરાયા તેનો કોઇ ઉલ્લેખ કરવામાં આવ્યો નથી. આ પહેલા કોર્ટે પોતાના આદેશમાં કહ્યું હતું કે PMCHમાં ઓક્સિજનની ખપત આટલી વધારે કેમ છે? કોર્ટે ઓક્સિજન સિલિન્ડરની કાળાબજારીની શંકા વ્યક્ત કરીને કોર્ટ મિત્ર મૃગાંક મૌલીને આ અંગે તપાસ કરવા કહ્યું હતું. ત્યારે આ અંગેની સુનવણી દરમિયાન કોર્ટે કહ્યું કે જો કોર્ટ આજે આ અંગે કાર્યવાહી નહીં કરે તો ભગવાન પણ માફ નહીં કરે.

કોર્ટે કહ્યું કે રાજ્ય સરકાર દ્વારા આપવામાં આવેલી જાણકારીને સાચી માનીને કોર્ટ આગળ ચાલતી રહી પરંતુ હકીકત કંઇક અલગ જ હતી. રાજ્ય સરકારે ગત 26 નવેમ્બરે કોર્ટને કહ્યું હતું કે કોરોના મહામારી સામે લડવા માટે સરકારે તમામ સુવિધા કરી લીધી છે, પરંતુ આજે ખબર પડી કે સરકારની તૈયારી કેવી છે

(11:33 pm IST)
  • દવા લીધા પછી તબિયત બગડીઃ પરિવારના ૮ના મોત : છતીસગઢના બિલાસપુરમાં ભારે દર્દનાક ઘટના બની છેઃ એક જ પરિવારના ૮ના મોત થયા છેઃ ૫ ગંભીર છેઃ સીએમઓ કહે છેઃ હોમીયોપેથીક દવા ડ્રોસેરા ૩૦ લીધી હતીઃ જેમાં ૯૧ ટકા આલ્કોહોલ ભેળવેલ હોય છેઃ આ દવા આપનાર ડોકટર ભાગી ગયો છેઃ આ દવા પણ કારણભૂત હોય શકે છેઃ તેમ મનાઈ રહ્યું છે access_time 12:44 pm IST

  • કર્ણાટકમાં ૪૮૭૮૧ અને બેંગ્લોરમાં ૨૧૩૭૬ નવા કોરોના કેસ કર્ણાટકમાં આજે ૪૮ હજારથી વધુ નવા કોરોના કેસ નોંધાયા. એકલા બેંગ્લોરમાં ૨૧ હજારથી વધુ કાળમુખા કોરોનાના નવા કેસો આજે જોવા મળ્યા છે. access_time 8:09 pm IST

  • ભરૂચ પોતાનો વપરાશ બાદ કરતા ૧૬૦ ટન ઓકિસજન અન્ય રાજયોને-શહેરોને આપે છે : ભરૂચ જીલ્લો ગુજરાત સહિત અન્ય રાજયોનેે રોજ ૨૦૦ ટન ઓકિસજન પુરૂ પાડે છે. ઓકિસજનમાં આત્મનિર્ભર ઔદ્યોગીક નગરી જીલ્લામાં રોજનું ઉત્પાદન ૨૫૦ ટન જેની સામે ૪૦ ટન વપરાશ છેઃ નાઇટ્રોજન પ્લાન્ટને ઓકિસજનમાં કન્વર્ટ કરાતાં સરપ્લસ ઓકિસજન અમદાવાદ, વડોદરા, આણંદ સહિત અન્યને પણ મોકલાય છે. access_time 12:44 pm IST