Gujarati News

Gujarati News

News of Friday, 7th May 2021

રાજસ્થાનના રણજી ટ્રોફી ખેલાડી વિવેક યાદવનું કોરોનાથી અવસાન

આકાશ ચોપડાએ ટ્વીટ કરી દુઃખ વ્યકત કર્યુ

જયપુરઃ રાજસ્થાનના પૂર્વ લેગ સ્પિનર અને રણજી ટ્રોફી ચેમ્પિયન બનનાર ટીમના સભ્ય રહી ચુકેલા વિવેક યાદવ કોરોના સામેનો જંગ હારી ગયા છે. આ ક્રિકેટર ૩૬ વર્ષના હતા પરિવારમાં પત્ની અને એક પુત્રી છે.

ભારતના પૂર્વ ઓપનર અને હાલ કોમેન્ટેટર આકાશ ચોપડાએ ટ્વીટ કર્યું છે કે રાજસ્થાનના રણજી ખેલાડી અને તેના નજીકના મિત્ર વિવેક યાદવ હવે આ દુનિયામાં રહ્યા નથી. ભગવાન તેના આત્માને શાંતિ અર્પે મારી સંવેદના તેમના પરિવારની સાથ છે.યાદવે પ્રથમ કક્ષાના ૧૮ મેચોમાં ૫૭ વિકેટ લીધી છે અને ૨૦૧૦- ૧૧માં રણજી ટ્રોફી ફાઈનલમાં પણ રમી ચુકયો છે. બરોડા સામેના ફાઈનલ મુકાબલામાં ૯૧ રન આપી ૪ વિકેટો લીધી હતી અને રાજસ્થાનને ચેમ્પિયન બનાવવા પોતાનો સિંહફાળો આપ્યો હતો.

યાદવની કેન્સરની સારવાર ચાલુ હતી અને કીમોથેરાપી માટે હોસ્પિટલ ગયા હતા. જયાં ટેસ્ટ કરતા તેનો રિપોર્ટ પોઝીટીવ આવ્યો હતો. ત્યારબાદ તેની તબીયત બગડી ગઈ હતી અને તેમનું અવસાન થયું હતું.

(3:28 pm IST)
  • કેન્દ્ર સરકારે સેકસન ૨૬૯ એસ.ટી માં છૂટછાટો આપી છે. કોવિડની ટ્રીટમેન્ટ માટેની મેડીકલ સવલતોનું રોકડમાં ચુકવણું કરવાની લિમિટને લગતી આ છૂટછાટો અપાયેલ છે. ન્યૂઝફર્સ્ટ access_time 9:57 pm IST

  • ગાંધીનગરમાં પણ આવતીકાલથી શરૂ થશે ડ્રાઈવ થ્રુ રસીકરણ : સવારે 9 થી બપોરે 1 વાગ્યા સુધી એક્ઝીબિશન ગ્રાઉન્ડ ખાતે 45 વર્ષથી વધુ ઉંમરના લોકોને અપાશે કોરોનાની રસી access_time 9:48 pm IST

  • મહારાષ્ટ્ર, યુપી સહિત નવ રાજ્યોમાંથી ' સારા સમાચાર ' : કોરોના વાયરસના નવા કેસ ઘટ્યા : ખાસ કરીને મહારાષ્ટ્ર, યુપી, દિલ્હી અને કેન્દ્રશાસિત પ્રદેશો તેમજ છત્તીસગઢ ,ગુજરાત, મધ્યપ્રદેશ, તેલંગણા, ઝારખંડ સહિતના વિસ્તારોમાં છેલ્લા કેટલાક દિવસોમાં કોરોના કેસોમાં તેજી જોવા મળી હતી : પરંતુ હવે ચેપની ગતિ ઓછી થઈ હોવાના અહેવાલ access_time 7:26 pm IST