Gujarati News

એક પછી એક શાનદાર ઓફર આપી પોતાના ગ્રાહકોને આકર્ષવા રિલાયન્‍સ જીયો દ્વારા વધુ એક ધમાકેદાર ઓફર કરવામાં આવી છે. જીયો તેના ગ્રાહકોને ૧ ટીબી ડેટા ફ્રી આપવા જઈ રહી છે. ટેલીકોમ સેકટરમાં ધમાલ મચાવનાર રિલાયન્‍સ જીયો હવે બ્રોડબેન્‍ડ ઈન્‍ટરનેટ તરફ પોતાના ડગ માંગી રહ્યુ છે.

૧૧૦૦ જીબી ડેટા ફ્રી

જીયો આ વર્ષના મધ્‍ય સુધીમાં હાઈસ્‍પીડ ફાઈબર ટૂ ધ હોમ (એફટીટીએચ) બ્રોડબેન્‍ડ સેવા શરૂ કરી દેશે. રિલાયન્‍સ જીયો પાસે દેશભરમાં ત્રણ લાખ કિ.મી. થી વધુ ઓપ્‍ટીક ફાયબરનું નેટવર્ક છે. મુંબઈ, નવી દિલ્‍હી, ચેન્‍નાઈ, અમદાવાદ, વડોદરા અને જામનગરમાં જીયો ફાયબર સેવા ઉપલબ્‍ધ કરાવાશે.

વોટ્‍સએપમાં નવી ફેસીલીટી

એક મહિનામાં ૧૧૦૦ જીબી ડેટાના રીપોર્ટ મુજબ રિલાયન્‍સ જીયો શરૂઆતમાં એફટીટીએચ કનેકશન સાથે ૧૦૦ જીબી ડેટા આપશે. જે પૂરો થયા બાદ યુઝર એક મહિનામાં ૨૫ વખત ૪૦ જીબી ડેટા રીચાર્જ ફ્રીમાં કરાવી શકશે. આ પ્રકારની ઓફરથી યુઝરને ૧૧૦૦ જીબી ડેટા ફ્રી મળશે. સાથોસાથ વાઈફાઈ કવરેજનું એકસટેન્‍ડ ઓફર પણ આપશે. જે કનેકશન મેળવવા માટે સિકયુરીટી રૂપે રૂા.૪૫૦૦ આપવા પડશે. કંપની દ્વારા કનેકશન સાથે એકરાઉટર ઈન્‍સ્‍ટોલ કરાશે. જે ઈન્‍ટરનેટ પ્રોટોકોલ ટેલીવીઝન (આઈપીટીવી) સર્વિસ લોન્‍ચ કર્યા બાદ સેટટોપ બોકસના રૂપમાં પણ કામ કરશે.