Gujarati News

Gujarati News

News of Sunday, 7th March 2021

વિધાર્થીનીએ મંચ પર જઈ એવો પૂછ્યો સવાલ રાકેશ ટિકૈત જવાબ પણ આપી શકયા નહી ?

ઝજજર જિલ્લાની ઢાંસા બોર્ડર પર પ્રદર્શન દરમિયાન વિધાર્થીનીએ સવાલ કર્યો : વિડિઓ વાયરલ

ચંદિગઢ :રાકેશ ટિકૈત ખેડૂત આંદોલનનો એક એવો ચહેરો જે ઘરે ઘરે જાણીતો બન્યો છે. નવા કૃષિ કાયદાને રદ કરવાની માંગણી સાથે દેશ ભરમાં તેમને આંદોલન શરુ કર્યુ છે. દિલ્હી રાજયની સિંધુ બોર્ડર સહિત હરિયાણા અને યુપી તરફના માર્ગો પર ખેડૂતો તેમની આગેવાનીમાં ધરણા પ્રદર્શન કરી રહયા છે. સરકાર સાથે અનેકવાર વાતચિત થઇ પરંતુ કોઇ સમાધાન ના નિકળતા ખેડૂત આંદોલન વધારે પેંચિદું બન્યું છે. હમણાં બિલ વિરોધી આંદોલનના ૧૦૦ દિવસ પુરા થયા છે. ટીકૈત વિવિધ ગ્રામીણ વિસ્તારોમાં મહા પંચાયતને સંબોધીને ખેડૂતોને મળીને ચર્ચા કરીને જાગ્રુત કરવાની રણનીતિ પર કામ કરી રહયા છે.

પ્રાપ્ત માહિતી અનુસાર હરિયાણાના ઝજજર જિલ્લાની ઢાંસા બોર્ડર પર એક પ્રદર્શન દરમિયાન એક વિધાર્થીનીએ રાકેશ ટિકૈતને એક સવાલ પુછાયો તેનો તે જવાબ આપી શકયા ન હતા.

વિધાર્થીનીએ ટિકૈતને પુછયું કે આપે કહયું કે ગામની મહિલાઓ ૪ થી ૫ જેટલી રોટલીઓ બનાવીને લાવે જેથી ધરીને ધરણા પ્રદર્શન ચાલું રહી શકે. આ એક સારી વાત છે પરંતુ તમારામાંથી કે સરકારમાંથી એક પણ ટસ કે ટસ નહી થાય તો આનું પરીણામ શું આવશે ? આપણા સમાજ પર તેની કેવી અસર થશે ?

આ પ્રશ્ન પ્રજાસત્તાક દિવસ ૨૬ મી જાન્યુઆરીમાં થયેલી હિંસા અને દેખાવો પર આધારિત હતો. આ સવાલ પુછાવાનું ચાલું હતું ત્યારે જ માઇક બંધ કરી દેવામાં આવ્યું હતું. એટલું જ નહી રાકેશ ટિકૈતે લગભગ આખો સવાલ સમજાઇ જાય તેટલી રજૂઆત થઇ હતી પરંતુ જવાબ આપ્યો ન હતો. ત્યાર પછી મંચ પર શોરબકોર પણ થતો હોય એવો વીડિયો બહાર આવ્યો છે. જેમાં સવાલ કરનાર સ્ટુડન્ટને કશુંક સમજાવવા પ્રયાસ થઇ રહયો છે. વાયરલ વીડિયોનો આ ઘટનાક્રમ ગત શુક્રવારનો હોવાનું માનવામાં આવે છે. ઢાંસા બોર્ડર પર વિનોદ ગુલિયાની અધ્યક્ષતામાં એક ધરણા પ્રદર્શન ચાલતું હતું તેમાં ભાગ લેવા માટે રાકેશ ટિકૈત પણ પહોંચ્યા હતા.

(10:51 am IST)
  • સંઘ પ્રદેશના દમણમાં આજે રવિવારે એકી સાથે 9 જેટલા કોરોનાનાં પોઝિટિવ કેસ સામે આવતા આરોગ્ય વિભાગ દોડતું થયું access_time 11:31 pm IST

  • વિશ્વની સૌથી મોટી સ્ટીલ ઉત્પાદક કંપની "આર્સેલરમિત્તલ" ગુજરાતમાં જંગી રોકાણ કરશે : યુકે સ્થિત વિશ્વની સૌથી મોટી સ્ટીલ ઉત્પાદક કંપની "આર્સેલરમિત્તલે" ગુજરાતમાં રૂ . ૪૫ થી ૬૫ હજાર કરોડથી વધુ રકમના રોકાણની દરખાસ્ત કરી છે.આગામી દિવસોમાં અનેક સ્થળોએ ગુજરાતમાં વધુ રોકાણ કરે તેવી સંભાવના છે. કંપનીના ભારતીય મૂળના પ્રમોટર, અધ્યક્ષ અને સીઈઓ એલ એન મિત્તલે શનિવારે કેવડિયા ખાતે વડા પ્રધાન નરેન્દ્રભાઈ મોદી સાથે મુલાકાત કરી હતી. શ્રી મિત્તલ અમદાવાદમાં ગુજરાતના સીએમ વિજયભાઈ રૂપાણીને પણ મળ્યા હતા. આ ઉપરાંત શ્રી મિત્તલે, રુઈયાઓ દ્વારા પ્રમોટેડ એસ્સાર ગ્રુપ સાથે તેમના વિવાદના મુદ્દાઓ પર પણ ચર્ચા કરી હતી. access_time 11:49 am IST

  • મહારાષ્ટ્રમાં કોરોનાની સ્થિતિ વણસ્તા 11 માર્ચથી 4 એપ્રિલ સુધી મહારાષ્ટ્રના ઔરંગાબાદમાં આંશિક લોકડાઉન કરવામાં આવશે. રોજિંદુ જીવન સવારે 6 વાગ્યાથી રાત્રે 9 વાગ્યા સુધી સામાન્ય રહેશે. પરંતુ અઠવાડિયાના છેલ્લા બે દિવસ શનિવાર અને રવિવારે સંપૂર્ણ લોકડાઉન લાદવામાં આવશે તેમ જાણવા મળે છે. access_time 11:36 pm IST