Gujarati News

Gujarati News

News of Sunday, 7th March 2021

ખેડૂત આંદોલન :હરિયાણામાં છ લેન વાળા કુંડલી- માનેસર-પલવલ એક્સપ્રેસ-વે પર ટ્રાફિક જામ કર્યો

સોનીપત, ઝજ્જર અને કેટલાક સ્થળો પર પ્રદર્શનકારીઓ ટ્રેક્ટર ટ્રોલી લઈ પહોંચ્યા

ચંડીગઢઃ કેન્દ્ર સરકારના ત્રણ નવા કૃષિ કાયદા વિરુદ્ધ ) પ્રદર્શન કરી રહેલા કિસાનોએ દિલ્હીની સરહદ પર પોતાના આંદોલનના 100 દિવસ પૂરા થવા પર મોટું આયોજન કર્યું હતું. દિલ્હીની સરહદો વચ્ચે હાજરી વચ્ચે હજારો કિસાનોએ શનિવારે હરિયાણામાં છ લેન વાળા કુંડલી-માનેસર-પલવલ (KMP) એક્સપ્રેસ-વે પર કેટલાક સ્થળોએ ટ્રાફિક જામ કર્યો હતો. કેન્દ્ર સરકાર દ્વારા પાસ કરવામાં આવેલા ત્રણ કૃષિ કાયદા પરત લેવાની માંગને લઈને 26 નવેમ્બરે કિસાન આંદોલન શરૂ થયું હતું.

 

કિસાનોનું પ્રદર્શન સવારે 11 કલાકે શરૂ થઈને સાંજે ચાર કલાક સુધી લાચ્યું હતું.આ દરમિયાન કાળા ઝંડા અને હાથ પર કાળી પટ્ટી બાંધી કિસાનોએ ભાજપની આગેવાનીવાળી કેન્દ્ર સરકાર વિરુદ્ધ નારા લગાવ્યા હતા,. કાળા દુપટ્ટા સાથે મહિલા પ્રદર્શનકારીઓએ પણ આયોજનમાં ભાગ લીધો હતો. સોનીપત, ઝજ્જર અને કેટલાક સ્થળો પર પ્રદર્શનકારીઓ ટ્રેક્ટર ટ્રોલી લઈ પહોંચ્યા હતા. ટ્રાફિક જામ દરમિયાન કિસાન અન્ય વાહનોની સાથે પહોંચ્યા અને કેએમપી એક્સપ્રેસવે પર વિરોધ કર્યો હતો.

હરિયાણા પોલીસએ ટ્રાફિક રૂટ બદલવા માટે પહેલાથી તૈયારી કરી હતી. સ્થિતિ પર નિયંત્રણ રાખવા માટે મોટી સંખ્યામાં પોલીસની તૈનાતી કરવામાં આવી હતી. સંયુક્ત કિસાન મોર્ચાએ એક્સપ્રેસ-વે પર અવર-જવર રોકવાનું આહ્વાન કર્યું હતું. કુંડલી-માનેસર-પલવલ એક્સપ્રેસ-વે 136 કિલોમીટર લાંબો છે. કિસાનોએ પલવલ જિલ્લામાં પણ પ્રદર્શન કર્યું હતું. તો સોનીપતમાં એક પ્રદર્શનકારીએ કહ્યું, ત્રણેય કૃષિ કાયદા પરત નહીં લેવામાં આવે ત્યાં સુધી અમારૂ પ્રદર્શન ચાલશે.

અત્રે ઉલ્લેખનીય છે કે પ્રદર્શન કરી રહેલા કિસાનોને આશંકા છે કે નવા કૃષિ કાયદાથી એમએસપીની વ્યવસ્થા સમાપ્ત થઈ જશે અને તેમને મોટા કોર્પોરેટ હાઉસને આધીન છોડી દેવામાં આવશે. પરંતુ સરકારનું કહેવું છે કે નવા કાયદા કિસાનો માટે સારા અવસર લાવશે અને તેનાથી કૃષિ ક્ષેત્રમાં નવી ટેક્નોલોજી પણ આવશે.

(12:09 am IST)
  • વિશ્વની સૌથી મોટી સ્ટીલ ઉત્પાદક કંપની "આર્સેલરમિત્તલ" ગુજરાતમાં જંગી રોકાણ કરશે : યુકે સ્થિત વિશ્વની સૌથી મોટી સ્ટીલ ઉત્પાદક કંપની "આર્સેલરમિત્તલે" ગુજરાતમાં રૂ . ૪૫ થી ૬૫ હજાર કરોડથી વધુ રકમના રોકાણની દરખાસ્ત કરી છે.આગામી દિવસોમાં અનેક સ્થળોએ ગુજરાતમાં વધુ રોકાણ કરે તેવી સંભાવના છે. કંપનીના ભારતીય મૂળના પ્રમોટર, અધ્યક્ષ અને સીઈઓ એલ એન મિત્તલે શનિવારે કેવડિયા ખાતે વડા પ્રધાન નરેન્દ્રભાઈ મોદી સાથે મુલાકાત કરી હતી. શ્રી મિત્તલ અમદાવાદમાં ગુજરાતના સીએમ વિજયભાઈ રૂપાણીને પણ મળ્યા હતા. આ ઉપરાંત શ્રી મિત્તલે, રુઈયાઓ દ્વારા પ્રમોટેડ એસ્સાર ગ્રુપ સાથે તેમના વિવાદના મુદ્દાઓ પર પણ ચર્ચા કરી હતી. access_time 11:49 am IST

  • રાજકોટ એરપોર્ટ ઉપર રાજકોટ અને હૈદરાબાદને જોડતી પહેલી સીધી ફ્લાઇટનું ભવ્ય રીતે વોટર તોપની સલામી વડે આજે સ્વાગત કરવામાં આવ્યું હતું. તમામ આગમન કરનારા અને મુસાફરોને મીઠાઇ સાથે મીઠું મોઢું કરાવવામાં આવ્યું હતું. ફ્લાઇટના ક્રૂ મેમ્બર્સનું ફૂલ ગુચ્છથી સ્વાગત કરાયું હતું. access_time 12:30 pm IST

  • અમેરિકા અને બ્રાઝિલમાં કોરોનાના આંકડા થોડા ઘટવા લાગ્યા, છેલ્લા ૨૪ કલાકમાં બ્રાઝિલમાં ૬૮ હજાર અને અમેરિકામાં ૫૮ હજાર નવા કેસ નોંધાયા: જ્યારે ફ્રાન્સ અને ઇટલીમાં ૨૩ હજાર : ભારતમાં આંકડો સડસડાટ વધીને ૧૮ હજાર પહોંચ્યો છે: ભારતમાં ૨૪ કલાકમાં ૧૦૦ નવા કોરોના મૃત્યુ થયા છે અને ૧૪૦૦૦ સાજા પણ થયા છે, ૨ કરોડ ૯ લાખથી વધુને કોરોના વેકસીન મુકાઈ ગઈ છે : આ ઉપરાંત રશિયામાં ૧૧ હજાર: ઇંગ્લેન્ડમાં ૬ હજાર : યુનાઇટેડ આરબ અમીરાતમાં લગભગ ૩૦૦૦ : કેનેડામાં ૨૩૦૦ તો જાપાન અગિયારસો, સાઉદી અરેબિયામાં ૩૮૨થી લઈને ચીનમાં ૧૩, માટે ઓસ્ટ્રેલિયા ૯ અને હોંગકોંગમાં ૮ નવા કોરોના કેસ છેલ્લા ૨૪ કલાકમાં નોંધાયા છે access_time 12:10 pm IST