Gujarati News

Gujarati News

News of Wednesday, 6th December 2023

સેન્સેક્સમાં ૩૫૮ અને નિફ્ટીમાં ૮૨ પોઇન્ટનો વધારો નોંધાયો

સતત ત્રીજા દિવસે બજારમાં તેજીનો માહોલવિપ્રો, એલટીઆઈ માઇન્ડ ટ્રી, આઈટીસી અને લાર્સન એન્ડ ટુબ્રોના શેર ઉછળીને બંધ થયા, જ્યારે અદાણી એન્ટરપ્રાઈઝ, આઈશર મોટર્સ, સિપ્લા અને એનટીપીસીના શેરમાં નબળાઈ નોંધાઈ

મુંબઈ, તા.૬ : બુધવારે સતત ત્રીજા દિવસે શેરબજારનો કારોબાર ધડાકા સાથે સમાપ્ત થયો. મ્જીઈ સેન્સેક્સ ૩૫૮ પોઈન્ટ વધીને ૬૯૬૫૩ ના સ્તરે બંધ થયો હતો જ્યારે નિફ્ટી ૫૦ ઈન્ડેક્સ ૮૨ પોઈન્ટ વધીને ૨૦૯૩૭ ના સ્તર પર બંધ થયો હતો. નિફ્ટી મિડકેપ ૧૦૦, બીએસઈ સ્મોલ કેપ,નિફ્ટી આઈટીમાં વધારો નોંધાયો છે જ્યારે નિફ્ટી બેક્ન ઈન્ડેક્સ મામૂલી નબળાઈ સાથે બંધ થયા છે. શેરબજારમાં વિપ્રો, એલટીઆઈ માઇન્ડ ટ્રી, આઈટીસી અને લાર્સન એન્ડ ટુબ્રોના શેર ઉછળીને બંધ થયા હતા જ્યારે અદાણી એન્ટરપ્રાઈઝ, આઈશર મોટર્સ, સિપ્લા અને એનટીપીસીના શેરમાં નબળાઈ નોંધાઈ હતી.

બુધવારે શેરબજારના ટ્રેડિંગ દરમિયાન, લાઇફ ઇન્સ્યોરન્સ કોર્પોરેશનના શેરમાં લગભગ ૪.૪૭ ટકાનો વધારો નોંધાયો હતો જ્યારે આઈટીસી, ઈરડા, ઇન્ડિયન ઓઇલ, પંજાબ નેશનલ બેક્ન, ગેઇલ ઇન્ડિયા, ચેમ્બાઉન્ડ કેમિકલના શેરમાં વધારો નોંધાયો હતો.

ગલ્ફ ઓઈલ લુબ્રિકન્ટ્સ, કજરિયા સિરામિક્સ, બંધન બેક્ન અને વોકહાર્ટ લિમિટેડના શેર નબળાઈ પર બંધ થયા હતા. મલ્ટિબેગર રિટર્ન આપતા શેરોની વાત કરીએ તો ઓમ ઈન્ફ્રા, ટાટા મોટર્સ, જિયો ફાઈનાન્શિયલ, પટેલ એન્જિનિયરિંગ, સ્ટોવ ક્રાફ્ટ, મહિન્દ્રા એન્ડ મહિન્દ્રા, દેવયાની ઈન્ટરનેશનલ, ગતિ લિમિટેડ, યુનિ પાર્ટ્સ ઈન્ડિયાના શેરમાં વધારો નોંધાયો હતો જ્યારે કામધેનુ લિમિટેડ અને એક્સાઈડ ઈન્ડસ્ટ્રીઝના શેરમાં નબળાઈ જોવા મળી હતી. ના શેરમાં નોંધાઈ હતી.

બુધવારે શેરબજારે નવો રેકોર્ડ ઉંચો બનાવ્યો છે. બીએસઈસેન્સેક્સ સતત ત્રીજા દિવસે ૩૫૮ પોઈન્ટ વધીને બંધ થયો હતો જ્યારે નિફ્ટી ૨૧૦૦૦ની નજીક પહોંચી ગયો હતો. વિપ્રોના શેરમાં ૪ ટકા અને આટીસીના શેરમાં ૧ ટકાનો વધારો નોંધાયો હતો. બુધવારે શેરબજારના રોકાણકારોની સંપત્તિમાં રૃ. ૨.૧૭ લાખ કરોડનો વધારો થયો છે.

બુધવારે ગૌતમ અદાણી ગ્રૂપની નવ લિસ્ટેડ કંપનીઓમાંથી ૬ના શેરમાં વધારો નોંધાયો હતો અને અદાણી ટોટલ ગેસના શેર ૨૦ ટકાના વધારા સાથે બંધ થયા હતા. અંબુજા સિમેન્ટ, અદાણી એન્ટરપ્રાઈઝ અને એસીસી લિમિટેડમાં થોડી નબળાઈ નોંધાઈ હતી.

(7:19 pm IST)