Gujarati News

Gujarati News

News of Friday, 6th December 2019

પરીણિત દંપતિને પેન્શન આપશે મોદી સરકાર, વર્ષના રૂ.૭૨૦૦૦

નવી દિલ્હી, તા.૬:મોદી સરકાર દ્વારા પરીણિત દંપતિ માટે એક ખાસ ભેટ આપવામાં આવી છે. સરકારની નવી સ્કીમ અનુસાર, દરેક દંપતિને પેન્શન રૂપે ૭૨ હજાર રૂપિયા આપવામાં આવશે. આ યોજનાને National Pension Scheme for Traders and Self-Employed Persons (NPS-Traders) નામથી શરૂ કરવામાં આવી છે.

જોકે આ માટે દંપતિએ દર મહિને ૨૦૦ રૂપિયાનું રોકાણ કરવું પડશે. ત્યારબાદ જ તેઓ પેન્શનના હકદાર બનશે. આ સાથે જ ૩૦ વર્ષ અને તેનાથી મોટા લોકોને પેન્શન મળશે.

આ યોજના અંતર્ગત રજિસ્ટ્રેશન કરાવવા માટે બેંકમાં બચત કે જનધન ખાતુ અને આધાર કાર્ડ હોવું જરૂરી છે, રજિસ્ટેશન પ્રોસેસમાં ૨ થી ૩ મિનિટનો સમય લાગે છે. આ સાથે જ માસિક હપ્તો રજિસ્ટ્રેશન કરાવતી વ્યકિતના આધારે ૫૫ થી ૨૦૦ રૂપિયાની વચ્ચે નક્કી કરવામાં આવે છે.

એટલે જો કોઇ વ્યકિતની ઉંમર ૩૦ વર્ષ છે તો આ યોજના અંતર્ગત તેને દર મહિને ૧૦૦ રૂપિયા રોકાણ કરવાનું રહેશે. એટલે કે વર્ષના ૧૨૦૦ રૂપિયા રોકાણ કરવાનું રહેશે. આ રીતે કુલ ૩૬,૦૦૦ રૂપિયા જમા કરવાના રહેશે. ૬૦ વર્ષની ઉંમર બાદ એ વ્યકિતને દર મહિને ૩૦૦૦ મળશે અને વ્યકિતના મૃત્યુ બાદ તેની જીવનસાથીને દર મહિને પેન્શનનો અડધો ભાગ એટલે કે ૧૫૦૦ રૂપિયા મળશે.

જો આ યોજના માટે પતિ-પત્ની બંને યોગ્ય હોય તો, બંને આનો હિસ્સો બની શકે છે, જેથી ૬૦ વર્ષના થાય ત્યારે બંનેને ભેગા મળીને ૬ હજાર રૂપિયા દર મહિને મળશે. એટલે કે, વર્ષના ૭૨ હજાર પેન્શન મળશે. આ સ્કીમનો ફાયદો એ લોકો પણ ઉઠાવી શકે છે, જેમનું વાર્ષિક ટર્ન ઓવર GST અંતર્ગત ૧.૫ કરોડ કરતાં ઓછું હોય અને તેમાં બધા જ દુકાનદાર, ૧૮ થી ૪૦ વર્ષ વચ્ચેમા છૂટક વ્યાપારીનો સમાવેશ થાય છે.

(4:03 pm IST)
  • પોરબંદરમાં સાંજે વાદળી વરસી ગઇ : પોરબંદરઃ આજે ૬ વાગ્યા બાદ એક વાદળી વરસી ગયેલ અને માત્ર રોડ ભીના થયેલ હતા. શહેરમાં સવારથી ધાબળીયું વાતાવરણ છે. access_time 8:23 pm IST

  • સુરત : રૂ. ૧૦ હજારની લાંચ લેતા પાંડેસરાના હેડ કોન્સ્ટેબલ વિજય રાવલને ઝડપી પાડતી એસીબી : રૂ. રપ હજારની લાંચ સામે અગાઉ ૧પ હજાર ચુકવાઇ ગયા રૂ.૧૦ હજાર લેતા ઝડપાયા access_time 3:39 pm IST

  • રાત્રે 11-40 કલાકે ઉન્નાવ ગેંગરેપ પીડીતાએ અંતિમ શ્વાસ લીધા:પીડિતા દેશની રાજધાની દિલ્હીના સફદરજંગ હોસ્પિટલમાં ખુબ જ નાજુક સ્થિતિમાં વેન્ટિલેટર પર હતી : ડોક્ટરોએ હરસંભવઃ કોશિશ કરી પરંતુ નિષ્ફ્ળ રહ્યાં : રાત્રે 8-30 બાદ પીડિતાની સ્થિતિ ખુબ જ ખરાબ બની હતી:હૈદરાબાદ ગેંગરેપના આરોપીઓનું આજે એન્કાઉન્ટર થયું જયારે ઉન્નાવ ગેંગરેપ પીડિતાને અપરાધીઓએ સળગાવી નાખી હતી : 20 વર્ષીય પીડિતાને લખનૌ હોસ્પિટલમાંથી ગ્રીન કોરિડોર બનાવી દિલ્હીમાં સારવાર માટે લવાઈ હતી access_time 1:09 am IST