Gujarati News

Gujarati News

News of Thursday, 6th December 2018

માધુરી દીક્ષિત લોકસભા ચૂંટણીમાં ઝંપલાવશે : પુણેથી બેઠક પરથી ભાજપ મેદાનમાં ઉતારશે

પૂણેથી ચૂંટણી લડવા અંગે તેમનું નામ શોર્ટલિસ્ટ થઈ ચૂક્યુ છે

મુંબઈ :ફિલ્મ અભિનેત્રી માધુરી દીક્ષિત 2019માં લોકસભા ચૂંટણીમાં જંગમાં ઝંપલાવશે માધુરી દીક્ષિત ભાજપની ટિકિટ પર પૂણે લોકસભા સીટ પરથી લડવાની ચર્ચા છે. પાર્ટીના એક સીનિયર નેતા મુજબ દીક્ષિતને ચૂંટણીમાં ઉતારવા અંગે પાર્ટીના દિગ્ગજો નિર્ણય લઈ ચૂક્યા છે.

   ચૂંટણી લડવા અંગે માધુરી કે ભાજપ તરફથી કોઈ સત્તાવાર નિવેદન આવ્યુ નથી.પરંતુ  રાજ્યના એક ભાજપ નેતાનું કહેવુ છે કે પૂણેથી ચૂંટણી લડવા અંગે તેમનું નામ શોર્ટલિસ્ટ થઈ ચૂક્યુ છે. દીક્ષિત પણ ગંભીરતાથી ચૂંટણી લડવા પર ધ્યાન આપી રહી છે. પાર્ટી માધુરી માટે પૂણેને સૌથી સારી સીટ માની રહી છે. 2014માં ભાજપ ઉમદેવારે મોટા અંતરથી કોંગ્રેસ ઉમેદવારને હરાવીને આ સીટ જીતી હતી.

     આ વર્ષે જૂનમાં ભારતીય જનતા પાર્ટીના અધ્યક્ષ અમિતભાઈ  શાહે સંપર્ક ફોર સમર્થન અભિયાન હેઠળ દેશના ઘણા જાણીતા લોકોની મુલાકાત લીધી હતી. માધુરીને પણ તેઓ મળ્યા હતા, તેમણે માધુરી અને તેમના પતિના ઘરે જઈને વાત કરી હતી. એવું માનવામાં આવી રહ્યુ છે કે આ મુલાકાત બાદ જ તે ભાજપ નેતાઓથી વધુ સંપર્કમાં આવી હતી

  માધુરી દીક્ષિત ઉપરાંત પૂર્વ ક્રિકેટર ગૌતમ ગંભીર અને વિરેન્દ્ર સહેવાગને પણ ભાજપ ટિકિટ મળવાની ચર્ચા ઘણી વાર થઈ છે. ગંભીર ઘણી વાર દિલ્લીની આપ સરકારની ટીકા સોશિયલ મીડિયા પર કરી ચૂકી છે. જેનાથી તેમની ભાજપ સાથેના સંપર્કને બળ મળ્યુ છે. આ વર્ષે અમિતભાઈ શાહે પોતાની સરકારની સફળતાઓ બતાવવા અને સમર્થન માંગવા માટે બે ડઝનથી વધુ લોકોને મળ્યા હતા.

(6:27 pm IST)
  • સુરતના મહિધરપુરા વિસ્તારમાં ગેસ્ટ હાઉસમાં SOG પોલીસનો દરોડો :રૂ. 2.77લાખનો મુદ્દામાલ સાથે 7 જુગારીઓ ઝડપાયા access_time 2:39 pm IST

  • અગસ્તા વેસ્ટલેન્ડ: અજીત ડોભાલ અને CBIના નવા ચીફ અે આપ્યો ‘‘ઓપરેશન મિશેલ’’ ને અંજામ : CBIના બે અધિકારી રાકેશ અસ્થાના અને આલોક વર્મા વચ્ચે અદાલતી લડાઇ : સીબીઆઇ મિશેલને પટિયાલ હાઉસ કોર્ટમાં રજૂ કરશે : સીબીઆઇ જોઇન્ટ ડાયરેકટ સાંઇ મનોહરનું નેતૃત્વ-ટીમઅે દુબઇમાં રહી મિશન પુરૂ કર્યુ : સુષ્મા સ્વરાજે કૌસુલર પ્રત્યાર્પણ મામલે વાત કરી : સુષ્મા દુબઇમાં છે: ભારત-UAE જોઇન્ટ કમિશનની બેઠકમાં ભાગ લેશે : ૩૬૦૦ કરોડના અગસ્તા વેસ્ટલેન્ડ સોદામાં રાજનીતિક નેતૃત્વ પર સવાલ access_time 12:30 am IST

  • હિન્દીમાં ચિત્રા મુદ્દગલ અને ઉર્દુમાં રહમાન અબ્બાસ સહિત 24 લેખકોને સાહિત્ય અકાદમી પુરષ્કાર : કુલ 24 ભાષાઓના લેખકોને પુરષ્કારની જાહેરાત : અંગ્રેજીમાં અનીસ સલીમ અને સંસ્કૃતમાં રમાકાંત શુક્લ,પંજાબીમાં મોહનજીતપુરષ્કારનું એલાન : સાત કવિતા સંગ્રહ,છ ઉપન્યાસ,છ વાર્તાસંગ્રહ ,ત્રણ વિવેચનો અને બે નિબંધને પુરષ્કાર માટે પસંદગી access_time 1:12 am IST