Gujarati News

Gujarati News

News of Thursday, 6th December 2018

મિસ ઇન્ડિયા USA ટેકસાસ ૨૦૧૮નો તાજ નતાશા ગંભીરના શિરેઃ મિસીસ ઇન્ડિયા USA ટેકસાસ ૨૦૧૮ તરીકે સુશ્રી શિલ્પા ઠાકર વિજેતાઃ અમેરિકાના હયુસ્ટનમાં યોજાઇ ગયેલી સૌંદર્ય સ્પર્ધા

ટેકસાસઃ તાજેતરમાં યુ.એસ.માં ૯ નવેં.૨૦૧૮ રવિવારના રોજ હયુસ્ટનમાં આવેલા આઇવા સેન્ટરમાં મિસ ઇન્ડિયા USA, ટેકસાસ, મિસીસ ઇન્ડિયા USA  ટેકસાસ તથા ટિન ઇન્ડિયા USA ટેકસાસ સ્પર્ધાનું આયોજન થયું હતું.

છેલ્લા ૪ વર્ષથી સેજ પ્રોડકશનના ઉપક્રમે યોજાતી આ સ્પર્ધામાં ભાગ લેનાર ૩૦ મહિલાઓના સૌંદર્ય તથા બુધ્ધિમત્તાના આધારે પ્રથમ ૩ વિજેતાઓ ઘોષિત કરાયા હતા.

જેમાં મિસ ઇન્ડિયા USA ટેકસાસ ૨૦૧૮ના વિજેતાઓ તરીકે નતાશા ગંભીરના શિરે પ્રથમ વિજેતાનો તાજ એનાયત કરાયો હતો. જયારે સરાહ સુતાર પ્રથમ રનર્સ અપ તથા કેટલીન રેશ્મા દ્વિતીય રનર્સ અપ તરીકે વિજેતા ઘોષિત થયા હતા.

મિસીસ ઇન્ડિયા USA ટેકસાસ ૨૦૧૮ના પ્રથમ વિજેતા તરીકે સુશ્રી શિલ્પા ઠાકર, તથા પ્રથમ રનર્સ અપ તરીકે સુશ્રી નિકિતા કાડકિયા તથા દ્વિતીય રનર્સ અપ તરીકે સુશ્રી શ્રુથિ બેકાલ વિજેતા ઘોષિત થયા હતા. તેવું IAN દ્વારા જાણવા મળે છે.

(9:25 pm IST)
  • કોલકાત્તામાં 7 ડિસે થી ભાજપની રથયાત્રા માટેની માંગણીને હાઇકોર્ટએ ફગાવી : ભાજપ પ્રેસિડન્ટ અમિત શાહના નેતૃત્વ હેઠળ આવતીકાલથી વેસ્ટ બેંગાલમાં આયોજિત કરાયેલી રથયાત્રાને હાઇકોર્ટએ મંજૂરી નહીં આપતા ડિવિઝન કોર્ટના દ્વાર ખખડાવ્યા : જરૂર પડ્યે સુપ્રીમ કોર્ટ સુધી જવાની તૈયારી access_time 6:55 pm IST

  • અમદાવાદ: આસારામ સામે નોંધાયેલા બળાત્કારના કેસમાં સાક્ષીઓના નિવેદનના મુદ્દાને લઈને હાઇકોર્ટમાં થઇ અરજી:વિરોધાભાસી નિવેદનો કોર્ટને બતાવવા અંગે આરોપી તરફથી થયેલી રજૂઆતને ટ્રાયલ કોર્ટે ફગાવતા હાઇકોર્ટમાં થઇ અરજી:હાઈકોર્ટે તપાસ સંસ્થા અને અન્ય પક્ષકારોને ઇશ્યુ કરી નોટિસ:સરકારે જવાબ રજૂ કરવા માટે માંગ્યો સમય: ૧૧ ડિસેમ્બરે હાથ ધરાશે સુનવણી access_time 2:40 pm IST

  • ગીરમાંથી સિંહણનો મૃતદેહ મળી આવ્યોઃ સિંહણના ૩ બચ્ચા લાપતા: ગીર સોમનાથના આંબળાશ ગામે સિંહણનો કોહવાયેલી હાલતમાં મૃતદેહ મળી આવતા ખળભળાટઃ વન વિભાગે ત્વરીત તપાસ શરૂ કરી access_time 11:57 am IST