Gujarati News

કેલિફોર્નિયા : ભારત સાથેના  સબંધો વધુ મજબૂત કરવા માટે અમેરિકાના કેલિફોર્નિયા સ્ટેટના ડેમોક્રેટ એસેમ્બલીમેન ઇન્ડિયન અમેરિકન શ્રી આશ કાલરાના નેતૃત્વ હેઠળનું પ્રતિનિધિમંડળ ભારતની મુલાકાત લઇ રહ્યું છે. આ પ્રકારનું આ સૌપ્રથમ પ્રતિનિધિ મંડળ હોવાનું માનવામાં આવે છે.

 બે સપ્તાહ સુધી ભારતમાં રોકાણ કરનારા આ પ્રતિનિધિ મંડળમાં શ્રી આશ કાલરા  ઉપરાંત અન્ય 6 એસેમ્બલીમેન પણ જોડાશે જેને એસેમ્બલી સ્પીકરએ માન્યતા આપી છે તેઓનો પ્રવાસ 4 ડિસેમ્બરથી શરૂ થઇ ગયો છે.તેઓ ન્યુદિલ્હી,હૈદરાબાદ,વિજયવાડા,મુંબઈ તથા પંજાબની મુલાકાત લેશે તથા કેલિફોર્નિયા સાથેના રાજકીય,આર્થિક,તેમજ સામાજિક વિકાસ માટે દ્વિપક્ષીય સબંધો માટે વાટાઘાટો કરશે તેવું સમાચાર સૂત્રો દ્વારા જાણવા મળે છે.