Gujarati News

ન્યુયોર્ક : યુ.એસ.માં ન્યુયોર્ક હેલ્થ કમિશનર તરીકે ઇન્ડિયન અમેરિકન 39 વર્ષીય ડો.ડી.એ.ચોક્સીની નિમણુંક થઇ છે.શહેરના મેયર બિલ ડે બ્લાસીઓએ કોરોના વાઇરસના કહેર વચ્ચે ડો.ચોક્સીની સેવાઓને બિરદાવી છે.તથા ગઈકાલ મંગળવારે તેઓની ઉપરોક્ત પદ ઉપર નિયુક્તિ કરી છે.પૂર્વ હેલ્થ કમિશનરે ઉપરોક્ત પદ ઉપરથી રાજીનામુ આપી દેતા સમાજના છેવાડાના લોકોની સેવા માટે કાર્યરત ઇન્ડિયન અમેરિકન ડોક્ટર ચોક્સીના મેયરે વખાણ કર્યા હતા.
ઉલ્લેખનીય છે કે ડો.ચોકસીનો પરિવાર મૂળ ગુજરાતનો વતની છે.તેમના દાદા મુંબઈમાં સ્થાયી થયા હતા.અને તેમના પિતા અમેરિકામાં સ્થાયી થતા ડો.ચોકસીનો જન્મ અને ઉછેર અમરિકામાં થયેલો છે.