Gujarati News

મુંબઇ,તા.૬: મહારાષ્‍ટ્રના મુખ્‍ય પ્રધાન એકનાથ શિંદેના પત્‍ની લતા શિંદેએ તેમના પતિનું સ્‍વાગત કરવા માટે ડ્રમ વગાડ્‍યું હતું, જેઓ મુખ્‍ય પ્રધાન તરીકેનો કાર્યભાર સંભાળ્‍યા પછી પ્રથમ વખત તેમના ઘરે આવી રહ્યા હતા. એકનાથ શિંદે થાણે પહોંચતાની સાથે જ તેમની પત્‍નીએ અનોખી રીતે ઢોલ વગાડીને તેમનું સ્‍વાગત કર્યું હતું. લતા શિંદેના આ ખાસ સ્‍વાગતનો વીડિયો ભારે વાયરલ થયો છે.

એકનાથ શિંદેની પત્‍ની લતા શિંદેએ તેમની સાથે લગ્ન કર્યા હતા જ્‍યારે તેઓ ઓટો ડ્રાઈવર હતા. શિંદેના દરેક સુખ-દુઃખમાં તે તેની સાથે રહેતી. તેમને ત્રણ બાળકો હતા, જેમાં બે બાળકો અકસ્‍માતમાં મળત્‍યુ પામ્‍યા હતા, જેનો ઉલ્લેખ શિંદેએ તાજેતરમાં કર્યો હતો, જે દરમિયાન તેઓ ભાવુક થઈ ગયા હતા.

શિંદે મંગળવારે રાત્રે લગભગ ૯.૩૦ વાગ્‍યે થાણેમાં તેમના ઘરે પહોંચ્‍યા હતા. આ દરમિયાન શિંદેના સ્‍વાગત માટે તેમના સમર્થકો વરસાદમાં રાહ જોઈને ઉભા હતા. શિંદે આવતાની સાથે જ તેમના સમર્થકોએ તેમને ચારે બાજુથી ઘેરી લીધા હતા અને તેમની કાર પર સતત ફૂલોની વર્ષા કરી હતી. થાણેમાં શિંદેના આગમનની સાથે જ સમર્થકોએ જોરદાર ઢોલ વગાડ્‍યા હતા, જે દરમિયાન તેમના ચહેરાની ચમક જોવા મળી રહી હતી.