Gujarati News

Gujarati News

News of Friday, 6th July 2018

બાળકો ચોરવાની અફવાને પગલે ટોળા દ્વારા શંકાસ્પદ વ્‍યક્તિઓને માર મારીને મારી નાખવાની ઘટનાઓ વધતા કેન્‍દ્ર સરકાર દ્વારા જુદા-જુદા રાજ્યો માટે માર્ગદર્શિકા જાહેર

નવી દિલ્હીઃ મોબ લિચિંગની વધતી ઘટનાઓ બાદ મોદી સરકાર જાગી છે. કેંદ્ર સરકારે ગુરુવારે રાજ્ય અને કેંદ્ર શાસિત પ્રદેશોને આ પ્રકારની ઘટનાઓ રોકવા માટે સૂચના જાહેર કરી છે. સોશિયલ મીડિયા અને વ્હોટ્સએપ પર બાળકો ચોરવાની અફવા ફેલાયા બાદ મોબ લિચિંગની ઘટનાઓ સામે આવી રહી છે. એક વરિષ્ઠ અધિકારીએ જણાવ્યું કે, ગૃહ મંત્રાલયે બાળકો ચોરવાની અફવાને પગલે ભીડ દ્વારા શંકાસ્પદ વ્યક્તિઓને માર મારીને મારી નાખવાની ઘટનાઓ વધતાં સૂચનો જાહેર કર્યા છે.

કેંદ્રીય ગૃહ મંત્રાલયે રાજ્ય સરકારોને આ પ્રકારની કોઈ પણ અફવા પર નજર રાખવાના આદેશ આપ્યા છે અને આની સામે કડક પગલાં લેવાની સૂચના આપી છે. રાજ્ય અને કેંદ્ર શાસિત પ્રદેશોને આદેશ આપ્યો છે કે, સંવેદનશીલ વિસ્તારોની ઓળખ કરીને ત્યાં આ મામલે જાગૃતિ ફેલાવવામાં આવે. જાગૃતિ ફેલાવવા માટે સામૂહિક કાર્યક્રમોનું આયોજન કરવાનું પણ કહેવાયું છે.

બાળકોના અપહરણની ફરિયાદોથી ચિંતિત કેંદ્ર સરકારે આ મામલે યોગ્ય તપાસના આદેશ આપ્યા છે. તાજેતરમાં જ દેશના ઘણા સ્થળોએ મૉબ લિચિંગની ઘટના બની છે. જૂઠી અફવાઓ પર ભરસો કરીને ટોળાએ કેટલાક લોકોને મોતને ઘાટ ઉતાર્યા અને અમુકને ગંભીર રીતે ઘાયલ કર્યા.

મહારાષ્ટ્રમાં છેલ્લા 25 દિવસોમાં મોબ લિચિંગની 14 ઘટના પર નજર કરીએ તો ચોંકાવનારા તથ્યો સામે આવ્યા છે. મોટા ભાગની ઘટનાઓમાં જ્યાં પીડિત સ્થાનિક નિવાસી ન હોય અને પાડોશી ગામ કે શહેર કે રાજ્યના હોય તેવું બન્યું છે. ત્યારે અફવાઓ પર વિશ્વાસ રાખીને ટોળું અંધારામાં શંકાસ્પદ વ્યક્તિને ઉઠાવી જઈ તેને ખૂબ મારે છે. છેલ્લા 25 દિવસોમાં થયેલી મોબ લિચિંગની ઘટનામાં અત્યાર સુધી 9 લોકોએ જીવ ગુમાવ્યા છે. જ્યારે 10 લોકો ઘાયલ થયા છે. પીડિતોમાં બહેરા-મૂંગા, માનસિક રીતે નબળા અને મજૂરો પણ સામેલ છે.

(6:11 pm IST)
  • રાજકોટમાં ગુજરીબજારમાં થયેલ લૂંટ નર્યું નાટક:મહિલાને પૈસાની જરૂર હોય કોલકાતાથી આવેલ કાકાના પૈસા બોયફ્રેન્ડને પહોંચાડવા માટે પૂર્વયોજિત રીતે કારસ્તાન ઘડ્યું હતું : છરીના છરકા લૂંટારૃઓએ લૂંટ કર્યાનું નાટક ખુલ્યું :ફરિયાદી યુવતીએ જાતે જ બ્લેડના છરકા કરીને પોતાને ઇજા પહોચાડેલ ;પ્રાથમિક દ્રષ્ટિએ જ શંકસ્સ્પદ લાગતી ફરિયાદમાં દૂધનું દૂધ અને પાણીનું પાણી કરતી એ ડિવિઝન, ક્રાઇમ બ્રાન્ચ અને પોલિસ કમિશનર અનુપમસિંહ ગેહલોટ access_time 11:25 pm IST

  • ખિસ્સાવાળા જેકેટમાં દારૂની હેરાફેરી કરતા બે શખ્શોની સુરતના મહિધરપુરાથી ધરપકડ :બંને દમણથી ખિસ્સાવાળા જેકેટમાં દારૂની બોટલ લાવ્યા હતા :જેકેટ ઉપરાંત પગમાં પણ સેલોટેપ મારીને દારૂની બોટલો સંતાડીને લાવ્યા હતા.:આ બંને પાસેથી 96 જેટલી દારૂની બોટલ શરીર પરથી પોલીસે કબજે કરી access_time 1:34 am IST

  • અહીં ખુશ્બુ છે શરાબની મોદીજી ! કેટલાક દિવસો તો રહો ગુજરાતમાં !:ગાંધીનગરમાં હાર્દિક પટેલ,અલ્પેશ ઠાકોર અને જીજ્ઞેશ મેવાણીએ ગાંધીનગરના દારૂની જનતા રેડ કરી :ડીએસપી ઓફિસથી 100 મીટર દૂર પકડ્યો દારૂ :અલ્પેશ ઠાકોરે કહ્યું ''યહાઁ ખુશ્બુ હૈ શરાબકી મોદીજી !! કુછ દિન તો ગુજારો ગુજરાતમેં ! access_time 11:48 pm IST