Gujarati News

Gujarati News

News of Monday, 6th April 2020

બેંગ્કોકથી પતાયા સુધી બધુ જ બંધ

થાઇલેન્ડના મસાજ પાર્લર-નાઇટ કલબો બંધ થઇ ગઇઃ સેકસ વર્કર્સ નવરીધુપઃ ૩ લાખ બેકાર

બેંગ્કોકો, તા.૬: કોરોના વાયરસની અસર સમગ્ર વિશ્વના બિઝનેસ પર પડી છે. પાર્ટી માટે પ્રખ્યાત થાઈલેન્ડ પણ હવે સૂમસામ જોવા મળી રહ્યું છે. બેંગકોકથી લઈને પતાયા સુધીના નાઈટ કલબ અને મસાજ પાર્લર બંધ થઈ ગયા છે. ટૂરિસ્ટ્સ નથી આવી રહ્યા અને હવે ત્યાંની સેકસ વર્કર્સને દ્યર ચલાવવા માટે પૈસાની તંગી નડી રહી છે. એક આંકડા મુજબ આ મહામારીના કારણે લગભગ ૩,૦૦,૦૦૦ સેકસ વર્કર્સ બેરોજગાર થઈ ગઈ છે. હવે તેઓ કામ શોધવા માટે રસ્તા પર આવવા મજબૂર બની છે.

સેકસ વર્કરે જણાવ્યું કે અમને વાયરસનો ડર છે પણ દ્યરનું ભાડું ભરવા અને ભોજનની વ્યવસ્થા કરવા માટે કસ્ટમર શોધવા પણ જરૂરી છે. થાઈલેન્ડમાં બાર અને રેસ્ટોરન્ટ દ્યણાં દિવસ પહેલા જ બંધ કરવામાં આવ્યા હતા અને હવે રાત્રે ૧૦ વાગ્યાથી લઈને સવારે ૪ વાગ્યા સુધી કર્ફ્યુ લગાવવામાં આવ્યો છે.

સામાન્યપણે સેકસ વર્કર્સ બારમાં કામ કરતી હતી અને પછી કસ્ટમર્સ સાથે જતી રહેતી હતી. પણ હવે બાર બંધ થઈ ગયા છે તો હવે કસ્ટમર્સની રાહ જોવા માટે તેઓને રસ્તા પર નીકળવું પડે છે. એક સેકસ વર્કરે જણાવ્યું કે જયાં પહેલા દર અઠવાડિયે ૩૦૦-૬૦૦ ડોલર મળતા હતા તે આવક હવે બંધ થઈ ગઈ છે.

તે દેશની સરકાર ૩ મહિના સુધી બેરોજગાર થયેલા લોકોને ભથ્થું આપશે પણ સેકસ વર્ક તો ઔપચારિક રીતે રોજગાર નથી. માટે તેઓને આ ફાયદો મળશે નહીં. એમ્પાવર ફાઉન્ડેશન નામના ગ્રૂપે સરકારને અપીલ કરી છે કે સેકસ વર્કર્સની મદદ કરવામાં આવે.(૨૩.૩)

 

(10:14 am IST)
  • છેલ્લા ૧૨ કલાકમાં ૧૬ કેસો સામે આવતા ખળભળાટ : વધુ કેસોનું ટેસ્ટીંગ શરૂ થતા હવે કોરોના કેસોમાં ઉછાળો : દિલ્હી access_time 11:12 am IST

  • દેશમાં કોરોનાના વધતા કેસને કારણે લોકડાઉનને બે સપ્તાહ વધારવા તેલંગાણાના મુખ્યમંત્રી કે,સી,રાવે વડાપ્રધાન મોદીને અપીલ કરી : કેસીરાવે કોરોનાને હરાવવા લોકડાઉન સિવાય કોઈ વિકલ્પ નહીં હોવાનું પણ ઉમેર્યું છે :તેમણે એમ પણ કહ્યું કે લોકડાઉનને કારણે આર્થિક સ્થિતિને પછી સુધારી શકાશે પરંતુ હાલમાં લોકોનું જીવન બચાવવું ખુબ મહત્વનું છે access_time 9:23 pm IST

  • દરેડના ૧૪ મહિના બાળકના માતા-પિતા અને જામનગર તથા પોરબંદરના મળીને ૧૯ સેમ્પલના કોરોના રીપોર્ટ નેગેટીવ : જામનગરઃ ગઈકાલે જામનગર જિલ્લાના દરેડ જિલ્લામાં ૧૪ મહિનાના બાળકને કોરોના પોઝીટીવ આવ્યા બાદ તેમના માતા-પિતાના સેમ્પલ લઈને લેબોરેટરીમાં રીપોર્ટ માટે મોકલવામાં આવ્યા હતા. આ બન્નેના રીપોર્ટ નેગેટીવ આવ્યા છે. આ ઉપરાંત જામનગર શહેરના ૧૪ અને પોરબંદરના ૫ મળીને ૧૯ સેમ્પલોનો રીપોર્ટ નેગેટીવ આવતા તંત્રએ હાશકારો અનુભવ્યો છે access_time 5:00 pm IST