Gujarati News

Gujarati News

News of Saturday, 6th March 2021

પાકિસ્તાનના વડાપ્રધાન ઈમરાન ખાને ૧૭૮ મત સાથે અવિશ્વાસનો પ્રસ્તાવ જીત્યો

અવિશ્વાસ પ્રસ્તાવની દરખાસ્ત હતી

નવી દિલ્હી, તા. : પાકિસ્તાનના વડાપ્રધાન ઈમરાન ખાને સંસદમાં બહૂમતિ હાસલ કરી લીધી છે. અવિશ્વાસ પ્રસ્તાવ પર શનિવારે સંસદમાં થયેલા વોટિંગમાં તેને જીત મળી છે. ઈમરાન ખાનના પક્ષમાં ૧૭૮ વોટ પડ્યા. ઉલ્લેખનિય છે કે પાકિસ્તાનમાં સેનેટ ચૂંટણીમાં નાણાંમંત્રી અબ્દુલ હફીઝ શેખની હારના કારણે ઈમરાન ખાન સરકારને સંસદમાં વિશ્વાસ મત પ્રસ્તાવ લાવવો પડ્યો. વિદેશમંત્રી શાહ મહમૂદ કુરેશીએ સંસદમાં પ્રસ્તાવ રજૂ કર્યો જ્યારે મતદાન થયું તો ઈમરાન ખાનના પક્ષમાં ૧૭૮ મત પડ્યા.

અગાઉ વિપક્ષે વિશ્વાસ મત પ્રસ્તાવ પર મતદાન દરમિયાન સંસદના બહિષ્કારનું એલાન કર્યું હતું. જોકે તેનાથી ઈમરાન ખાનને રાહત થઈ હતી. વિશ્વાસ મત પ્રસ્તાવ રજૂ થતાં પહેલા ઈમરાન ખાને પોતાના સાંસદોને કહ્યું હતું કે તેઓ પાર્ટીની લાઈનને અનુસરે, સાથે તેમનું કહેવું હતું કે વિશ્વાસ મતને લઈને થનારા મતદાનમાં જે પણ નિર્ણય આવશે તેઓ તેનું સમ્માન કરશે. જો તેઓ તેમાં હારી ગયા તો વિપક્ષમાં બેસવા તૈયાર છે. ૩૪૨ સભ્યોવાળી પાકિસ્તાનની સંસદમાં પાકિસ્તાન તાહરીક--ઈંસાફ(પીટીઆઈ) ના ૧૫૭ સભ્યો છે.

(7:34 pm IST)
  • અમદાવાદ : ભારતીય જનતા પક્ષના શહેર પ્રમુખો અને મોરચા સેલના હોદ્દેદારો સાથે પક્ષપ્રમુખ સી.આર. પાટીલ, પક્ષના મહામંત્રી ભીખુભાઈ દલસાણીયા સહિતના આગેવાનોની વર્ચ્યુઅલ મીટીંગમાં તમામ સ્તરેથી વડીલોને વેક્સીનેશન માટે પ્રેરીત કરવા અને જરૂર પડે ત્યા વેક્સીનેશન બુથ સુધી લઈ જવા આદેશ અપાયાનું જાણવા મળે છે access_time 3:27 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST

  • દેશમાં કોરોનાએ ફરી ફૂફાડો માર્યો : છેલ્લા ૧૦ દિવસમાં ૧૧ રાજ્યના ૩૪ જિલ્લામાં કોરોનાના કેસ નોંધાવાની ઝડપ બમણી : મહારાષ્ટ્રના ૬, પંજાબના પાંચ, ગુજરાતના ૪ અને મધ્યપ્રદેશના ૩ જિલ્લામાં સ્થિતિ વણસી:કેરળ અને મહારાષ્ટ્ર બાદ હવે પંજાબમાં પણ રોજના ૧૦૦૦થી વધુ કોરોનાના નવા કેસ નોંધાઈ રહ્યા છે access_time 12:50 am IST