Gujarati News

Gujarati News

News of Saturday, 6th March 2021

હજુ સાઉદી અરેબીયા અને ભારત વચ્ચે હજજ યાત્રાની સમજૂતિ ઉપર હસ્તાક્ષર થયા નથી

અમદાવાદ તા. ૬ :.. કોરોના વાયરસ મહામારીના કારણે ગયા વર્ષે સઉદી સરકારે વિદેશી યાત્રીઓને હજ કરવાની પરવાનગી આપી ન હતી. ગયા વર્ષની જેમ આ વર્ષે પણ ભારતીયો માટે હજયાત્રાની તકો ઓછી છે. જો કે, સઉદી સરકારે હજી સુધી હજ અંગે તેની નીતિ જાહેર કરી નથી. પરંતુ તેણે કોરોનાગ્રસ્ત દેશોના નાગરીકોના પ્રવેશ પર પ્રતિબંધ મૂકયો છે. આમ આ વર્ષે પણ ભારતીય યાત્રાળુઓ માટે હજયાત્રાની તકો નહીવત છે.

દર વર્ષની જેમ આ વર્ષે પણ હજયાત્રા માટેની અરજીઓ મંગાવવામાં આવી હતી. પરંતુ હજી સુધી લોટરીની પ્રક્રિયા પૂરી થઇ નથી. અધિકારીઓનું કહેવું છે કે આ વર્ષે હજયાત્રા માટે સઉદીની મંજૂરી મેળવવી મુશ્કેલ છે.

આ વર્ષે ભારત અને સઉદીની સરકારો વચ્ચે હજયાત્રા અંગેની સમજૂતી પર હજુ હસ્તાક્ષર થયા નથી. જો એકવાર આ સમજૂતી થઇ જાય તો ચિત્ર વધુ સ્પષ્ટ બનશે. એક અહેવાલ મુજબ ૧૮ વર્ષથી ઓછી ઉંમરના અને ૬પ વર્ષથી વધુ ઉમરના લોકોને હજયાત્રાની પરવાનગી આપવામાં આવશે નહીં.

ભારત સરકારે સઉદી સરકારને જણાવ્યું હતું કે, યાત્રીઓને કોવીડની રસી આપવાની યોજના તૈયાર છે. સઉદી સરકારે તેમના દેશમાં પ્રવેશ માટે રસીકરણની આગોતરી શરત મૂકી છે. બીજી તરફ હજયાત્રાએ જવા માંગતા લોકો હજ કમીટી પાસેથી જાણકારી મેળવવાના પ્રયાસો કરી રહ્યા છે પરંતુ હજ કમીટી કશું પણ કહેવાની સ્થિતિમાં નથી.

(1:16 pm IST)
  • અક્ષર અને અશ્વિનને ઈંગ્લેન્ડ પર ફરી પાછો કબ્જો : અંગ્રેજો ફરી આવ્યા ઘૂંટણીયે : ભારત ૨૫ રને જીત્યુ : ભારતનો ૩-૧થી સીરીઝ પર કબ્જો : વર્લ્ડ ટેસ્ટ ચેમ્પિયનશીપમાં ભારતે જગ્યા બનાવી : અક્ષર - અશ્વિન ફરી ત્રાટકયા : બંનેને ૫-૫ વિકેટો મળી : ઈંગ્લેન્ડની આખી ટીમમાં ખાલી જ એક ખેલાડી જેક લોરેન્સે ૫૦ રન બનાવ્યા : ઓલી પોપ ૧૫, ફોકસ ૧૩, ડોમ બેસ ૨ અને સ્ટોકે ૨ રન બનાવી અક્ષર અને અશ્વિનનો શિકાર બન્યા access_time 3:27 pm IST

  • યોગી આદિત્યનાથ સરકાર દુનિયાભરના રામ ભક્તોને એક અનોખી ભેટ આપવા જઈ રહી છે. રામાયણ ના વૈશ્વિક એનસાયકલોપેડિયાની પ્રથમ આવૃત્તિ પ્રકાશન માટે તૈયાર થઈ ગઈ છે. સીએમ યોગી આદિત્યનાથ, જાનકી નવમીના અવસરે આ ઐતિહાસિક આવૃત્તિનું વિમોચન કરશે. access_time 11:11 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST