Gujarati News

Gujarati News

News of Saturday, 6th March 2021

કુંભમેળા સંદર્ભે હરીદ્વારમાં કતલખાનાઓ તાત્કાલિક અસરથી બંધ કરવા આદેશો

દહેરાદુન : કુંભ મેળાને લઇને ઉતરાખંડ સરકારે હરીદ્વાર જિલ્લાના તમામ કતલખાનાઓ બંધ કરાવવા નિર્ણય લીધો છે. શહેરી વિકાસ સચિવ શૈલેષ બગૌલીએ કરેલ આદેશો અનુસાર હરીદ્વારમાં ૧ એપ્રિલથી ૩૦ એપ્રિલ સુધી યોજનાર કુંભ મેળાના આયોજનને ધ્યાને લઇ હરીદ્વાર જિલ્લાના તમામ કતલખાના બંધ કરાવવા તાત્કાલીક અસરથી નિર્ણય લેવાયો છે. રાજયના પર્યટન મંત્રી અને હરીદ્વાર જીલ્લાના પ્રભારી સતપાલ મહારાજે જણાવેલ કે તેમણે મુખ્યમંત્રી ત્રિવેન્દ્રસિંહ રાવતને હરીદ્વારના કતલખાનાઓ બંધ કરાવવા વિનંતી કરી હતી. જેનો સ્વીકાર થતા તાત્કાલીક અસરથી કતલખાનાઓ બંધ કરવા આદેશો થયા છે. હરીદ્વારના કતલખાનાઓ બંધ કરાવવા લાંબા સમયથી સ્થાનિક ભાજપ ધારાસભ્યો પણ માંગણી ઉઠાવી રહ્યા હતા. લકસર ક્ષેત્રના ભાજપના ધારાસભ્ય સંજય ગુપ્તા અને હરીદ્વાર ગ્રામીણના ધારાસભ્ય સ્વામિ યતિશ્વરાનંદે તો આ મુદ્દે પોતાની જ સરકાર સામે ઘેરાવ  કર્યો હતો. લાંબા સમયથી કતલખાનાઓ બંધ કરાવવાની ઉઠી રહેલ માંગણી અંતે સંતોષાઇ છે.

(1:13 pm IST)
  • ડાકોરનો ફાગણ મેળો રદ:ડાકોર મંદિરનો ફાગણ મેળો રદ કરવામાં આવ્યો છે. ડાકોર મંદિર ૨૭ થી ૨૯ માર્ચ સુધી બંધ રહેશે. access_time 7:52 pm IST

  • દિલ્હીનું પોતાનું હશે સ્વતંત્ર શિક્ષણ બોર્ડ : કેબીનેટે લીલીઝંડી આપી : દિલ્હીના મુખ્યમંત્રી અરવિંદ કેજરીવાલે મોટી જાહેરાત કરતાં જણાવ્યુ કે હવેથી દિલ્હીનું પોતાનું અલગથી શિક્ષણ બોર્ડ હશે : કેબીનેટે આ નિર્ણયને લીલીઝંડી પણ આપી દીધી છે : અત્યાર સુધી રાજયમાં માત્ર સીબીએસઈ અને આઈસીએસસી બોર્ડનું શિક્ષણ હતુ, પરંતુ હવેથી વિદ્યાર્થીઓ દિલ્હી બોર્ડની સંલગ્ન શાળાઓમાં દિલ્હી બોર્ડના નેજા હેઠળ અભ્યાસક્રમમાં ભણી શકશે : દિલ્હી બોર્ડનો અભ્યાસ ૨૦૨૧-૨૨ સત્રથી શરૂ થશે access_time 3:27 pm IST

  • સુરતમાં પ્રતિબંધિત સંગઠન સીમીના કેસમાં તમામ ૧૨૭ આરોપીઓ નિર્દોષ જાહેર : ૧૨૭માંથી ૫ આરોપીઓના મોત થઈ ચૂકયા છે : તમામ સામે અનલો-એકટીવીટી હેઠળ કેસ ચાલુ હતો : ૨૧ વર્ષ જૂના કેસમાં કોર્ટ દ્વારા આજે મહત્વનો ચુકાદો આપવામાં આવ્યો છે : તમામ આરોપીઓને નિર્દોષ જાહેર કરવામાં આવ્યા છે : ૨૦૦૧માં અઠવા પોલીસે કેસ નોંધ્યો હતો access_time 1:13 pm IST