Gujarati News

Gujarati News

News of Saturday, 6th March 2021

ઓડિશામાં પણ બની વડોદરા જેવી હૃદયદ્વાવક ઘટના !

વિદાય વખતે દુલ્હન એટલુ રડી કે શરીરમાંથી નીકળી ગયા પ્રાણ

વિદાય સમયે પિતાનું ઘર છોડીને પતિના ઘરે હંમેશ માટે જવાના આ સમયે કન્યા ધ્રૂસકેને ધ્રૂસકે રડવા લાગી હતી. રોઝા એટલી હદ સુધી રડી કે તે અચાનક ઢળી પડી હતી

ભુવનેશ્વર,તા. ૬: : બે દિવસ પહેલા વડોદરામાં લગ્ન બાદ વિદાય વખતે કન્યાનું મોત થયું છે. એટલે કે ખુશીનો ઉત્સવ એકાએક માતમમાં ફેરવાઈ ગયો હતો. આવી જ એક ઘટના ઓડિશામાં બની હતી. અહીં રાત્રે યુવતીના રાત્રે લગ્ન થયા હતા અને બીજા દિવસે સવારે દુલ્હનની વિદાય યોજાઈ હતી. વિદાય દરમિયાન પિતાનું ઘર છોડવાના દુઃખમાં એટલું બધું રડી કે તે અચાનક ઢળી પડી હતી. હાજર મહેમાનોએ તેને હોસ્પિટલ ખસેડી હતી. જોકે, હાજર ડોકટરે તેને મૃત જાહેર કરી હતી. બીજી તરફ કલાકો પહેલા જે ઘરમાં લગ્નની શરણાઈઓ ગુંજતી હતી એ જ ઘરમાં માતમ છવાયો હતો. ઉત્સાહભેર લગ્ન કરીને સાથે જીવવા મરવાની વચને બંધાયેલી પત્ની અચાનક દુનિયા છોડીને જતી રહેતા દુલ્હો પણ આઘાતમાં સરી પડ્યો હતો.

મળતી માહિતી પ્રમાણે ગુરુવારે રાત્રે ઓડિશા રાજયના સુબરનાપુર જિલ્લાના ઝુલુંદા ગામે લગ્ન થયાં. તેના લગ્ન તંબૂ ગામની બિસ્કીસન પરદાન નામના યુવકના લગ્ન રોઝા સો નામની યુવતી સાથે થયાં હતાં. તે દિવસે બધા સંબંધીઓ યુવતીના ઘરે હતા. બીજા દિવસે શુક્રવારે સવારે નવદંપતીઓને વિદાય આપીને સાસરે વળાવવાની તૈયારીઓ ચાલી રહી હતી.

તેમના રિવાજ પ્રમાણે, દુલ્હનની વિદાય સમારોહ ચાલી રહ્યો હતો. વિદાય સમયે પિતાનું ઘર છોડીને પતિના ઘરે હંમેશ માટે જવાના આ સમયે કન્યા ધ્રૂસ કેને ધ્રૂસકે રડવા લાગી હતી. રોઝા એટલી હદ સુધી રડી કે તે અચાનક ઢળી પડી હતી.

(10:20 am IST)
  • બેડમિન્ટન વર્લ્ડ ચેમ્પિયન પીવી સિંધુએ ડેનમાર્કની મિયા બ્લિચફેલ્ડ સામેની સેમિફાઇનલમાં પોતાનો શ્રેષ્ઠ દેખાવ કરીને મેચ જીતી લીધો હતો અને સાથેજ તેણે સ્વિસ ઓપન સુપર 300 ટૂર્નામેન્ટની મહિલા સિંગલ્સ ફાઇનલમાં પ્રવેશ કર્યો હતો. સિંધુએ જાન્યુઆરીમાં યોનેક્સ થાઇલેન્ડ ઓપનમાં પ્રથમ રાઉન્ડની પોતાની હારનો બદલો લેવા માટે ફક્ત 43 મિનિટમાં ચોથી ક્રમાંકિત બ્લિચફેલ્ડને 22-20, 21-10થી હરાવી હતી. access_time 6:42 pm IST

  • ગુરુવારે સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ)ના CEO પુનાવાલાએ વિશ્વ બેન્કની પેનલમાં ચર્ચા દરમ્યાન જણાવ્યું હતું કે કાચા માલના નિકાસ પર અસ્થાયી અમેરિકી પ્રતિબંધ થી સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ) જેવી કંપનીઓ દ્વારા કોરોનાવાયરસ રસીના ઉત્પાદનને મર્યાદિત કરી શકે છે જે ગંભીર બાબત છે. access_time 11:58 pm IST

  • ડાકોરનો ફાગણ મેળો રદ:ડાકોર મંદિરનો ફાગણ મેળો રદ કરવામાં આવ્યો છે. ડાકોર મંદિર ૨૭ થી ૨૯ માર્ચ સુધી બંધ રહેશે. access_time 7:52 pm IST