Gujarati News

Gujarati News

News of Saturday, 6th March 2021

એક ટોઈલેટની અંદર બે સીટ! હાસ્યાસ્પદ બની સ્વચ્છ ભારત મિશન અંતર્ગત વ્યવસ્થા

ભિઉરા ગામના શૌચાલયમાં આવ્યું તેમાં એક નહીં પરંતુ બે-બે સીટ : શૌચાલયને લઈને મજાકને પાત્ર બન્યા અધિકારીઓ : કોંગ્રેસે સ્વચ્છ ભારત મિશન અંતર્ગત ભ્રષ્ટાચારની આશંકા વ્યકત કરી

લખનૌ,તા. ૬:  સમગ્ર વિશ્વ પણ અજાયબીથી છલોછલ ભરેલું છે. એમાં પણ જો વાત આવે ટોઈલેટની તો કોઈ સોનાના ટોઈલેટ બનાવડાવે છે તો કોઈ ટોઈલેટમાં જ અનોખા પેઈન્ટિંગ્સથી ધ્યાન ખેંચતું હોય છે. જોકે, ઉત્ત્।રપ્રદેશના એક ગામમાં જે થયું છે તે ખરેખર હાસ્યાસ્પદ છે. સ્વચ્છ ભારત મિશન અંતર્ગત ગામમાં દરેક જરુરિયાત વર્ગને શૌચાલય તૈયાર કરી દેવાની અપાર સફળતા પછી હવે સરકારે દરેક ગામમાં સામુહિક શૌચાલયનું નિર્માણ કરવાનું શરુ કર્યું. આ સાંભળવામાં ભલે સામાન્ય લાગતું હોય પરંતુ આ યોજનામાં ખાસ શું છે તે જાણીને તમારા આશ્ચર્યનો પાર નહીં રહે.

ઉત્ત્।રપ્રદેશના ભિઉરા ગામમાં બનાવવામાં જે શૌચાલય બનાવવામાં આવ્યું છે તેમાં એક નહીં પરંતુ બે-બે સીટ લગાડવામાં આવી છે. હવે આ દ્રશ્ય જોઈને કયો એવો વ્યકિત હશે જે પોતાનું હસવું ન રોકી શકયો હોય? તમે વિચારી રહ્યાં હશો કે એક ટોઈલેટની અંદર બે લોકો કેવી રીતે અંદર જશે અને નિત્યક્રમ પતાવશે! જોકે, જિલ્લા પંચાયત વિભાગના કશુંક અલગ કરવાની વિચારસરણી ધરાવતા અધિકારીઓએ આ કરી બતાવ્યું છે. જે કદાચ એવું જ માનતા હશે કે અરે ભઈ આપણે ૨૧મી સદીમાં જીવી રહ્યાં છીએ અને અંતરિક્ષ અને ચંદ્ર સુધી પહોંચ્યા છે તો આવા શૌચાલય ન બનાવી શકાય!

જે કોઈ પણ પ્રધાન, એન્જિનિયર અને બ્લોકના અધિકારીઓએ આ અજાયબી જોઈ કે તેમની આંખો આશ્ચર્યથી પહોળી થઈ હતી. હવે લોકો એ વિચારી રહ્યા છે કે કેવી રીતે બે લોકો એકસાથે જ શૌચાલયનો ઉપયોગ કરશે. અને એવું કોણ હશે જે આવી રીતે નિત્યક્રમ પતાવવા માટે રાજી થશે. ખૈર, અહીં પણ ગોટાળાઓનો પોતાનો રેકોર્ડ છે. આ કારણે જિલ્લાના અધિકારીઓ માટે આ કોઈ નવી વાત નથી.

હકીકતમાં ભીઉરા ગામમાં બનાવવામાં આવેલા સામુહીત શૌચાલયમાં એક ટોઈલેટ રુમની અંદર જ બે સીટ લગાવવામાં આવી છે. હવે આ શૌચાલયનો વિડીયો સોશિયલ મીડિયા પર પણ ખૂબ જ વાઈરલ થયો છે. સ્વચ્છ ભારત મિશન હેઠળ ૧૦ લાખથી વધારેનું બજેટ ફાળવવામાં આવ્યું છે પણ જમીની હકીકત જોતા આ યોજનાની મજાક ઉડાવાઈ રહી છે તે તમે તસવીરમાં જ જોઈ શકો છો.

હાલ તો આ ઘટનાને લઈને કોંગ્રેસ જિલ્લા અધ્યક્ષ અંકુર વર્માએ સવાલ ઉઠાવ્યા છે અને માગણી કરી છે કે આ સમગ્ર ઘટનાની તપાસ થવી જોઈએ. સ્વચ્છ ભારત મિશનમાં આટલું મોટું ભ્રષ્ટાચારનું ઉદાહરણ બીજુ અન્ય એકપણ હોય શકે નહીં. જયારે કમિશનર અનિલ સાગરે આ ઘટના અંગે કહ્યું કે ખરેખર આ તસવીરો હાસ્યાસ્પદ છે પરંતુ ઘોર લાપરવાહી પણ છે. જેની તપાસ કરીને કાર્યવાહી પણ કરવી જોઈએ.

(10:19 am IST)
  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST

  • ઇડીએ મેસર્સ શિનાગો પ્લાન્ટેશન પ્રા. લી. ના ડિરેક્ટર, હિતેશ પટેલ અને સુરેશ એન પટેલની પીએમએલએ હેઠળ રૂ. 325 કરોડના મની લોન્ડરિંગ કેસમાં ધરપકડ કરી છે. access_time 6:04 pm IST

  • ટીમ ઈન્ડિયા ૩૬૫ રનમાં ઓલઆઉટઃ સુંદર (૯૬ રન નોટઆઉટ) સદી ચૂકયો : ૧૫૮ રનની મહત્વની લીડ : અમદાવાદ ટેસ્ટના ત્રીજા દિવસે ભારત ૧૧૪.૪ ઓવરમાં ૩૬૫ રન બનાવી ઓલઆઉટ થયુ છે : સુંદર અને અક્ષર પટેલે શાનદાર બેટીંગનું પ્રદર્શન કરી ભારતને વિનીંગ પોઝીશનમાં લાવી દીધુ છે : કમનસીબે અક્ષર પટેલ ૪૩ રને આઉટ થયા બાદ ઈશાંત અને સિરાજ પણ આઉટ થઈ ગયા હતા : સુંદર સદી ચૂકી જતા નિરાશ થયો હતો તે ૯૬ રને નોટઆઉટ રહ્યો હતો : ઈંગ્લેન્ડના બોલરો સ્ટોકસ ૪, ઍન્ડરસન ૩, લીચને ૨ વિકેટ મળી છે : ભારતને ૧૫૮ રનની મહત્વની લીડ મળી છે access_time 11:35 am IST