Gujarati News

Gujarati News

News of Saturday, 6th March 2021

એમેઝોનના અધિકારીની ધરપકડ પર સુપ્રીમ કોર્ટે ની રોક

ધાર્મિક લાગણી દુભાવતા દ્રશ્યોને લઈને વેબ સિરિઝનો વિવાદ : અપર્ણાની આગોતરા જામીન અરજી પર કોર્ટે નોટિસ આપી, મામલાની તપાસમાં સહયોગ આપવો પડશે

નવી દિલ્હી, તા.૫ : વેબ સિરિઝ તાંડવના ધાર્મિક લાગણી દુભવતા દ્રશ્યોને લઈને જાગેલા વિવાદમાં એમેઝોન પ્રાઈમના અધિકારી અપર્ણા પુરોહિતને સુપ્રીમ કોર્ટે રાહત આપી છે.અપર્ણા પુરોહિતની ધરપકડ કરવા પર સુપ્રીમ કોર્ટે રોક લગાવી છે. જોકે તેમણે આ મામલાની તપાસમાં સહયોગ આપવો પડશે. અપર્ણાની આગોતરા જામીન અરજી પર કોર્ટે નોટિસ આપી છે.

તાંડવ વેબ સિરિઝ સામે લખનૌમાં નોંધાયેલી પોલીસ ફરિયાદ બાદ અપર્ણા પુરોહિતે ધરપકડ પર રોક લગાવવા માટે સુપ્રીમ કોર્ટનો દરવાજો ખખડાવ્યો હતો. જેના કારણે હવે એમેઝોન પ્રાઈમના અધિકારીની ધરપકડ પર રોક લાગી છે. ઉલ્લેખનીય છે કે, તાંડવ વેબ સિરિઝમાં ભગવાન રામ અને ભગવાન શિવની મજાક ઉડાવતા દ્રશ્યોને સામેલ કર્યા બાદ લોકોમાં રોષ ભડકી ઉઠ્યો હતો.

દરમિયાન કેન્દ્ર સરકારે તાજેતરમાં ઓટીટી પ્લેટફોર્મ માટે જે નિયમો બનાવ્યા છે તેના પર પણ સુપ્રીમ કોર્ટે કહ્યુ છે કે, આ નિયમોમાં દંડ ફટકારવાના કે કેસ ચલાવવા જેવી જોગવાઈઓ છે નહી. કોઈ યોગ્ય કાયદો બનાવ્યા વગર ઓટીટી પ્લેટફોર્મ પરની સામગ્રીનુ નિયંત્રણ કરવુ મુશ્કેલ છે.

કોર્ટની ટિપ્પણીના જવાબમાં સરકાર તરફથી ખાતરી આપવામાં આવી હતી કે, પ્રસ્તાવિત કાયદાને બે સપ્તાહમાં કોર્ટ સમક્ષ રજૂ કરવામાં આવશે.

(12:00 am IST)
  • એક સમયના મમતા બેનર્જીના નિકટના સાથી રહેલ TMC ના પૂર્વ કદાવર નેતા અને હાલમાજ BJP માં જોડાયેલ સુવેન્દુ અધિકારી નંદીગ્રામથી જ લડશે મુખ્યમંત્રી મમતા બેનરજી સામે બંગાળમાં આવી રહેલ ચૂંટણી : BJP એ કરી સત્તાવાર જાહેરાત access_time 7:23 pm IST

  • અક્ષર અને અશ્વિનને ઈંગ્લેન્ડ પર ફરી પાછો કબ્જો : અંગ્રેજો ફરી આવ્યા ઘૂંટણીયે : ભારત ૨૫ રને જીત્યુ : ભારતનો ૩-૧થી સીરીઝ પર કબ્જો : વર્લ્ડ ટેસ્ટ ચેમ્પિયનશીપમાં ભારતે જગ્યા બનાવી : અક્ષર - અશ્વિન ફરી ત્રાટકયા : બંનેને ૫-૫ વિકેટો મળી : ઈંગ્લેન્ડની આખી ટીમમાં ખાલી જ એક ખેલાડી જેક લોરેન્સે ૫૦ રન બનાવ્યા : ઓલી પોપ ૧૫, ફોકસ ૧૩, ડોમ બેસ ૨ અને સ્ટોકે ૨ રન બનાવી અક્ષર અને અશ્વિનનો શિકાર બન્યા access_time 3:27 pm IST

  • સંભવત: અક્ષય કુમાર અને મિથુન દા બન્ને આવતીકાલે પીએમ મોદી સાથે બ્રિગેડ ગ્રાઉન્ડ, વેસ્ટબંગાળ ખાતે યોજાયેલ જંગી જાહેરસભામાં ભાગ લેશે તેમ સૂત્રોમાંથી જાણવા મળે છે. access_time 9:07 pm IST