Gujarati News

નવી દિલ્હી,તા. ૬: નવા કૃષિ કાયદાઓ વિરુદ્ઘ નવેમ્બરથી જ આંદોલન કરી રહેલા ખેડૂત સંગઠનોએ આજે દેશભરમાં 'ચક્કાજામ' કરવાની હાકલ કરી છે. જોકે, દિલ્હી, ઉત્ત્।ર પ્રદેશ અને ઉત્ત્।રાખંડમાં ચક્કાજામનું આયોજન નથી. સંયુકત કિસાન મોરચાએ બપોરે ૧૨થી ૩ વાગ્યા સુધી ચક્કાજામ કાર્યક્રમની અવધિ નક્કી કરી છે.

અગાઉ મોરચા દ્વારા પ્રજાસત્ત્।ાક દિને બોલાવવામાં આવેલી ટ્રેકટર રેલીમાં ભારે હિંસા થઈ હતી. તેના કારણે જ આ વખતે સરકાર વધુ સજાગ છે. કેન્દ્રીય ગૃહમંત્રી અમિત શાહની ઉચ્ચ સ્તરીય બેઠકમાં દિલ્હી પોલીસને સુરક્ષા વધારવાની સૂચના પણ આપવામાં આવી છે. જેથી રાતોરાતમાં દિલ્હી એક અભેદ્ય કિલ્લામાં ફેરવાઈ ગયું છે.