Gujarati News

Gujarati News

News of Saturday, 5th December 2020

ઔવેસીએ ગ્રેટર હૈદરાબાદની ચૂંટણીમાં 5 ટિકિટ હિન્દુ ઉમેદવારોને આપી હતી તેમાંથી 3 જીત્યા

હૈદરાબાદ : ગ્રેટર હૈદરાબાદ નગર પાલિકાની ચુંટણી 1 ડિસેમ્બરે થઇ હતી અને 3 ડિસેમ્બરે પરિણામ જાહેર થયા હતા. આ ચૂંટણીમાં અસદુદદીન ઔવેસી કિંગ મેકર તરીકે ઉભરી આવ્યા. તેમની પાર્ટી AIMIM એ 44 સીટ પર જીત મેળવીને પાછલા પ્રદર્શનને જાળવી રાખ્યું છે. આ ચૂંટણીમાં ઔવેસીએ પોતાની પાર્ટીમાંથી 5 બેઠકો પર હિંદુ ઉમેદવારને ટિકીટ આપી હતી, જેમાંથી 3 ઉમેદવારે જીત મેળવી હતી. જો કે નગર પાલિકામાં ભાજપે આ વખતે મોટું મેદાન માર્યું હતું. આગલી ચૂંટણીમાં માત્ર 4 સીટ મેળવનાર ભાજપે આ વખતે 48 સીટ પરથી જીત મેળવી હતી.

ગ્રેટર હૈદરાબાદ નગર પાલિકાની ચૂંટણીમાં હૈદરાબાદના સાંસદ ઔવેસીએ કુલ 51 ઉમેદવારો ઉભા રાખ્યા હતા, જેમાં 10 ટકા ઉમેદવારો હિંદુ હતા. મતલબ કે ઔવેસીએ 5 હિંદુ ઉમેદવારોને ટિકીટ આપી હતી, જેમાંથી 3 ઉમેદવાર જીત્યા હતા અને બે ઉમેદવારની હાર થઇ હતી. જો કે આ ચૂટંણીનું નોંધપાત્ર પાસું એ રહ્યું કે આગલી ચૂંટણીમાં માત્ર 4 સીટ મેળવનાર ભાજપે આ વખતે હૈદરાબાદની ચૂંટણીમાં એડી ચોટીનું જોર લગાવ્યું હતું અને આ વખતે 48 સીટ મેળવી હતી.

ગ્રેટર હૈદરાબાદ નગર પાલિકાની ચૂંટણીનું એનાલીસીસ જોઇએ તો સત્તાધારી પાર્ટી તેલંગાણા રાષ્ટ્ર સમિતિ ( ટીઆરએસ)એ ભારે પછડાટ ખાધી. આગલી ચૂંટણીમાં 99 સીટો પર વિજય મેળવનાર ટીઆરએસને આ વખતની ચૂંટણીમાં 55 સીટ જ મળી. ટીઆરએસને ફટકો એટલા માટે પડયો કારણકે ભાજપે પાલિકાની ચૂંટણીમાં માઇક્રો લેવલે પ્લાનિંગ કર્યું હતું.રાષ્ટ્રીય નેતાઓ હૈદરાબાદ ચૂંટણી પ્રચારમાં પહોંચ્યા હતા અને ગૃહ મંત્રી  શાહનું આ ચૂંટણી પર ખાસ ધ્યાન હતું. એટલે ભાજપને ગઇ વખતની 4ની સામે આ વખતે 48 સીટ મળી. આ ચૂંટણીમાં પહેલાં નબરે તો ટીઆરએસ જ રહી, બીજા નંબરે ભાજપ અને ત્રીજા નંબરે ઔવેસીની પાર્ટી રહી

(11:45 pm IST)
  • ખેડૂત આંદોલને જોર પકડ્યું : આવતીકાલ શનિવારે મોદીનું પૂતળું બાળશું : રસ્તાઓ ઉપર ચક્કાજામ વધારી દઈશું : જો અમારી માંગણી નહીં સંતોષાય તો 8 તારીખે ભારત બંધ access_time 7:18 pm IST

  • દેશભરમાં આરટી-પીસીઆર ટેસ્ટનો સમાન દર રાખવા સુપ્રીમ કોર્ટમાં માગણી: બેફામ લેવાયેલ રકમો પરત અપાવવા રીટ પીટીશન : દેશભરમાં ખાનગી લેબોરેટરીઓ અને હોસ્પિટલો દ્વારા કોરોના અંગેના "આરટી-પીસીઆર" ટેસ્ટના બેફામ ભાવો કટકતાવવામાં આવ્યા છે તે પરત અપાવવા અને દેશભરમાં કોરોના ટેસ્ટ માટે ૪૦૦ રૂપિયાનો સમાન દર રાખવા માટેના હુકમ ફરમાવવા માગણી કરતી એક રિટ પિટિશન સુપ્રીમ કોર્ટમાં કરવામાં આવી છે. access_time 2:37 pm IST

  • મુંબઈગરાંઓ માટે 26 ઈલેક્ટ્રિક AC બસોનું મુખ્યમંત્રી ઉદ્ધવ ઠાકરે દ્વારા લોકાર્પણ.: ટાટા મોટર્સ દ્વારા આ ઈલેક્ટ્રિક બસો બનાવવામાં આવી છે. કેન્દ્ર સરકારની નીતિ અનુસાર મુંબઈને આવી કુલ 340 બસ મળવાની છે... access_time 8:35 pm IST